അ​ഞ്ചാം​നാ​ൾ പെ​ട്ടി പൊ​ട്ടാ​നി​രി​ക്കെ,തോ​മ​സ് ഐ​സ​ക്കി​ന്‍റെ പോ​സ്റ്റ​റു​ക​ൾ ‘കെ​ട്ടു​പൊ​ട്ടി​ക്കാ​തെ’ ആ​ക്രി​ക്ക​ട​യി​ൽ; പ​ന്ത​ള​ത്തെ പോ​സ്റ്റ​ർ ക​ച്ച​വ​ടം വി​വാ​ദ​ത്തി​ന്‍റെ പ​ടി​ക​യ​റു​ന്നു

പ​ന്ത​ളം: പ​ത്ത​നം​തി​ട്ട ലോ​ക്സ​ഭാ മ​ണ്ഡ​ലം എ​ൽ​ഡി​എ​ഫ് സ്ഥാ​നാ​ർ​ഥി ഡോ. ​തോ​മ​സ് ഐ​സ​ക്കി​ന്‍റെ തെ​ര​ഞ്ഞെ​ടു​പ്പ് പ്ര​ചാര​ണ​ത്തി​നു തയാറാക്കിയ പോ​സ്റ്റ​റു​ക​ൾ കെ​ട്ടുപൊ​ട്ടി​ക്കാ​ത്ത നി​ല​യി​ൽ ആ​ക്രി​ക്ക​ട​യി​ൽ തൂ​ക്കിവി​റ്റു. പ്രാ​ദേ​ശി​ക ത​ല​ങ്ങ​ളി​ൽ തെ​ര​ഞ്ഞെ​ടു​പ്പ് പ്ര​ചാ​ര​ണാ​ർ​ഥം പാ​ർ​ട്ടി​യു​ടെ മേ​ൽ​ഘ​ട​ക​ങ്ങ​ൾ ന​ൽ​കി​യ പോ​സ്റ്റ​റു​ക​ളാ​ണ് പ​ന്ത​ള​ത്തെ ആ​ക്രി​ക്ക​ട​യി​ൽ വി​റ്റ​ത്.

മു​ട്ടാ​ർ മു​സ്ലിം പ​ള്ളി​ക്ക് സ​മീ​പ​മു​ള്ള ആ​ക്രി​ക്ക​ട​യി​ലാ​ണ് നാ​ലു കെ​ട്ട് പോ​സ്റ്റ​റു​ക​ൾ വി​റ്റി​രി​ക്കു​ന്ന​ത്. ഇ​തു സം​ബ​ന്ധി​ച്ച് എ​ന്തെ​ങ്കി​ലും പ​റ​യാ​ൻ ക​ട​യി​ലെ ജോ​ലി​ക്കാ​ർ വി​സ​മ്മ​തി​ച്ചു. അ​ടൂ​ർ നി​യോ​ജ​കമ​ണ്ഡ​ലം പ​രി​ധി​യി​ലെ പ്ര​ദേ​ശ​മാ​ണ് പ​ന്ത​ളം.

എ​ൽ​ഡി​എ​ഫ് സ്ഥാ​നാ​ർ​ഥി​യു​ടെ പ്ര​ചാ​ര​ണ​വു​മാ​യി ബ​ന്ധ​പ്പെ​ട്ട് അ​ടൂ​ർ മ​ണ്ഡ​ല​ത്തി​ലെ ഉ​ന്ന​തനേ​താ​ക്ക​ൾ അ​ട​ക്ക​മു​ള്ള​വ​ർ​ക്കെ​തി​രേ ആ​ക്ഷേ​പം ഉ​യ​ർ​ന്നി​രു​ന്നു. ഇ​തി​നി​ടെ​യാ​ണ് പോ​സ്റ്റ​ർ ക​ച്ച​വ​ടം.

വി​ഭാ​ഗീ​യ​ത ഏ​റെ നി​ല​നി​ൽ​ക്കു​ന്ന പ്ര​ദേ​ശമാണ് പ​ന്ത​ളം. ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ലെ തോ​ൽ​വി​യെ​ത്തു​ട​ർ​ന്ന് ഏ​രി​യാ സെ​ക്ര​ട്ട​റി​യെ മാ​റ്റു​ക​യും അ​ടൂ​രി​ൽ​നി​ന്നു​ള്ള ഹ​ർ​ഷ​കു​മാ​റി​ന് ചു​മ​ത​ല ന​ൽ​കു​ക​യും ചെ​യ്തി​രു​ന്നു.

താ​ഴേ​ത്ത​ട്ടി​ൽ പ്ര​ചാ​ര​ണ പ്ര​വ​ർ​ത്ത​ന​ത്തി​ൽ വീ​ഴ്ച​യു​ണ്ടാ​യെ​ന്ന വി​മ​ർ​ശ​നം ജി​ല്ലാ ക​മ്മി​റ്റി യോ​ഗ​ത്തി​ലും ഉ​യ​ർ​ന്നി​രു​ന്നു. അ​തി​ന്‍റെ പേ​രി​ൽ സെ​ക്ര​ട്ടേ​റി​യ​റ്റ് യോ​ഗ​ത്തി​ൽ ക​യ്യാ​ങ്ക​ളി​യും ഉ​ണ്ടാ​യ​താ​ണ്.