ഒരു തുള്ളി വെ​ള്ള​മെ​ത്തി​യി​ല്ല; തൂ​പ്പ​ൻ​കാ​വ് പാടശേഖരത്തിലെ കൃ​ഷി​യി​റ​ക്ക​ൽ വൈ​കു​ന്നു

കൊ​ട​ക​ര: കൃ​ഷി​യി​റ​ക്കാ​ൻ വെ​ള്ളം കി​ട്ടു​മെ​ന്ന പ്ര​തീ​ക്ഷ​യി​ൽ നി​ല​മൊ​രു​ക്കി കാ​ത്തി​രി​ക്കു​ക​യാ​ണ് പ​റ​പ്പൂ​ക്ക​ര പ​ഞ്ചാ​യ​ത്തി​ലെ നെ​ല്ലാ​യി തൂ​പ്പ​ൻ​കാ​വ് പാ​ടശേ​ഖ​ര​ത്തി​ലെ ക​ർ​ഷ​ക​ർ. തൂ​പ്പ​ൻ​കാ​വ് ചി​റ​യി​ൽ വെ​ള്ള​മെ​ത്താ​ത്ത​തി​നാ​ൽ നൂ​റേ​ക്ക​റോ​ളം വ​രു​ന്ന പാ​ട​ശേ​ഖ​ര​ത്തി​ലെ കൃ​ഷി അ​നി​ശ്ചി​ത​മാ​യി വൈ​കു​ക​യാ​ണ്.

ക​ഴി​ഞ്ഞ കു​റേ വ​ർ​ഷ​ങ്ങ​ളാ​യി ആ​ണ്ടി​ൽ ഒ​രു​വ​ട്ടം മാ​ത്ര​മാ​ണ്് നെ​ല്ലാ​യി തൂ​പ്പ​ൻ​കാ​വ് പാ​ട​ശേ​ഖ​ര​ത്തി​ൽ കൃ​ഷി​യി​റ​ക്കു​ന്ന​ത്. മ​ഴ​ക്കെ​ടു​തി​യി​ൽ തു​ട​ർ​ച്ച​യാ​യി കൃ​ഷി ന​ശി​ച്ചു​പോ​യ​തു​കൊ​ണ്ടാ​ണ് ഇ​വ​ർ വി​രി​പ്പു​കൃ​ഷി ഉ​പേ​ക്ഷി​ച്ച​ത്. പി​ന്നീ​ട് മു​ണ്ട​ക​ൻ കൃ​ഷി മാ​ത്ര​മാ​യി. തൂ​പ്പ​ൻ​കാ​വ് ചി​റ​യി​ൽ സം​ഭ​രി​ച്ചു​നി​ർ​ത്തു​ന്ന വെ​ള്ള​ത്തെ ആ​ശ്ര​യി​ച്ചാ​ണ് മു​ണ്ട​ക​ൻ വി​ള​യി​റ​ക്കു​ന്ന​ത്.

ചി​റ​യി​ൽ ത​ട​ഞ്ഞു​നി​ർ​ത്തു​ന്ന വെ​ള്ളം ഇ​രു​വ​ശ​ത്തു​മു​ള്ള ചാ​ലു​ക​ൾ വ​ഴി​യാ​ണ് പാ​ട​ത്തേ​ക്കെ​ത്തു​ന്ന​ത്. ചി​റ​യി​ൽ ജ​ല​നി​ര​പ്പു താ​ഴ്ന്നാ​ൽ ചാ​ലു​ക​ളി​ലേ​ക്ക് വെ​ള്ളം ഒ​ഴു​കാ​തെ വ​രും. വേ​ന​ൽ​രൂ​ക്ഷ​മാ​യി തു​ട​ങ്ങി​യ​തോ​ടെ തൂ​പ്പ​ൻ​കാ​വ് ചി​റ​യി​ൽ ജ​ല​നി​ര​പ്പു താ​ഴ്ന്ന​താ​ണ് നെ​ല്ലാ​യി തൂ​പ്പ​ൻ​കാ​വ് പാ​ട​ശേ​ഖ​ര​സ​മി​തി​ക്കു കീ​ഴി​ലെ കൃ​ഷി​നി​ല​ങ്ങ​ളി​ലേ​ക്ക് വെ​ള്ളം എ​ത്താ​താ​യ​ത്. ചാ​ല​ക്കു​ടി വ​ല​തു​ക​ര ക​നാ​ൽ വ​ഴി ചി​റ​യി​ലേ​ക്ക് വെ​ള്ള​മെ​ത്തി​ച്ചാ​ലേ ഇ​വി​ടെ കൃ​ഷി സാ​ധ്യ​മാ​കൂ എ​ന്ന് പാ​ട​ശേ​ഖ​ര സ​മി​തി സെ​ക്ര​ട്ട​റി സു​നി​ൽ വ​ട​ക്കേ​ട​ൻ പ​റ​യു​ന്നു.

സ​മ​യ​ത്തി​ന് വെ​ള്ളം ല​ഭി​ക്കു​മെ​ന്ന പ്ര​തീ​ക്ഷ​യി​ൽ ക​ർ​ഷ​ക​ർ ട്രാ​ക്ട​ർ ഉ​പ​യോ​ഗി​ച്ച് നി​ല​മൊ​രു​ക്കി കാ​ത്തി​രി​ക്കാ​ൻ തു​ട​ങ്ങി​യി​ട്ട് ദി​വ​സ​ങ്ങ​ളേ​റെ​യാ​യി. എ​ന്നാ​ൽ ഇ​തു​വ​രേ​യും ചി​റ നി​റ​ക്കാ​ൻ ഇ​റി​ഗേ​ഷ​ൻ അ​ധി​കൃ​ത​ർ ത​യ്യാ​റാ​കാ​ത്ത​താ​ണ് ക​ർ​ഷ​ക​രെ വ​ല​യ്ക്കു​ന്ന​ത്.

സാ​ധാ​ര​ണ​യാ​യി ന​വം​ബ​ർ അ​വ​സാ​ന​ത്തോ​ടെ ഈ ​പാ​ട​ശേ​ഖ​ര​ത്തി​ൽ മു​ണ്ട​ക​ൻ കൃ​ഷി​യി​റ​ക്കാ​റു​ള്ള​താ​ണ്. ക​ഴി​ഞ്ഞ വ​ർ​ഷ​വും ഇ​ങ്ങ​നെ നി​ല​മൊ​രു​ക്കി കാ​ത്തി​രു​ന്നെ​ങ്കി​ലും വെ​ള്ളം കി​ട്ടാ​താ​യ​തോ​ടെ കൃ​ഷി ഉ​പേ​ക്ഷി​ക്കേ​ണ്ടി വ​ന്നു. ഇ​ത്ത​വ​ണ ജ​നു​വ​രി​യാ​യി​ട്ടും കൃ​ഷി​യി​റ​ക്കാ​ൻ മ​തി​യാ​യ വെ​ള്ളം ല​ഭ്യ​മാ​ക്കാ​ത്ത​തി​ൽ ക​ർ​ഷ​ക​ർ​ക്ക് പ്ര​തി​ഷേ​ധ​മു​ണ്ട്.