തോ​ട്ട​പ്പ​ള്ളി തു​റ​മു​ഖം കൊണ്ട് മ​ത്സ്യ​ത്തൊ​ഴി​ലാ​ളി​ക​ൾ​ക്ക് എ​ന്തു​ഗു​ണം? വികസനം കടലാസിൽ മാത്രം

അമ്പ​ല​പ്പു​ഴ: മ​ത്സ്യ​ത്തൊ​ഴി​ലാ​ളി​ക​ൾ​ക്കു പ്ര​യോ​ജ​ന​പ്പെ​ടാ​തെ തോ​ട്ട​പ്പ​ള്ളി തു​റ​മു​ഖം. സ​ർ​ക്കാ​ർ ഖ​ജ​നാ​വി​ൽനി​ന്ന് കോ​ടി​ക​ൾ ചെ​ല​വ​ഴി​ച്ചു നി​ർ​മി​ച്ച തു​റ​മു​ഖം കാ​ഴ്ച​വ​സ്തു​വാ​യി. ആ​യി​ര​ക്ക​ണ​ക്കി​ന് മ​ത്സ്യ​ത്തൊ​ഴി​ലാ​ളി​ക​ൾ​ക്ക് പ്ര​യോ​ജ​ന​മാ​കേ​ണ്ട തോ​ട്ട​പ്പ​ള്ളി തു​റ​മു​ഖ​ത്തി​നാ​ണ് ഈ ​ദു​ര​വ​സ്ഥ. ര​ണ്ടാംഘ​ട്ട വി​ക​സ​നം ക​ട​ലാ​സി​ലൊ​തു​ങ്ങി​യ​തോ​ടെ തു​റ​മു​ഖം നോ​ക്കു​കു​ത്തി​യാ​യി മാ​റി​യി​രി​ക്കു​ക​യാ​ണ്.

പൊ​ഴി​മു​ഖം മ​ണ​ല​ടി​ഞ്ഞു ക​യ​റി​യ​തി​നാ​ൽ വ​ലി​യ ലൈലാ​ൻഡ് വ​ള്ള​ങ്ങ​ൾ​ക്ക് തു​റ​മു​ഖ​ത്ത് ക​ട​ക്കാ​ൻ ക​ഴി​യാ​ത്ത സ്ഥി​തി​യാ​ണ്. 1987ൽ ​ഫി​ഷ് ലാ​ൻഡിംഗ് സെ​ന്‍ററാ​യാ​ണ് ഇ​തി​നു തു​ട​ക്ക​മാ​യ​ത്. 1991ൽ ​ഫി​ഷ് ലാ​ൻഡിംഗ് സെ​ന്‍റർ നി​ർ​മാ​ണം പൂ​ർ​ത്തി​യാ​യി. പി​ന്നീ​ട് 2004ൽ ​തു​റ​മു​ഖ നി​ർ​മാ​ണോ​ദ്ഘാ​ട​നം ന​ട​ന്നു.

2011 ൽ ​തു​റ​മു​ഖ​ത്തി​ന്‍റെ ആ​ദ്യ​ഘ​ട്ട നി​ർ​മാ​ണം പൂ​ർ​ത്തി​യാ​ക്കി ഉ​ദ്ഘാ​ട​നം ന​ട​ന്നു. 15 കോ​ടി​യോ​ളം രൂ​പ ഖ​ജ​നാ​വി​ൽനി​ന്ന് ചെ​ല​വ​ഴി​ച്ച് നി​ർ​മി​ച്ച, മ​ത്സ്യ​ത്തൊ​ഴി​ലാ​ളി​ക​ളു​ടെ പ്ര​തീ​ക്ഷ​യാ​യി​രു​ന്ന ഈ ​ഹാ​ർ​ബ​ർ പ്ര​വ​ർ​ത്ത​നം തു​ട​ങ്ങി മൂന്നുവ​ർ​ഷം പി​ന്നി​ട്ട് 2014ൽ ​പ്ര​വ​ർ​ത്ത​നര​ഹി​ത​മാ​യി.

ര​ണ്ടാംഘ​ട്ട വി​ക​സ​നം
പൊ​ഴി​മു​ഖ​ത്ത് മ​ണ​ല​ടി​ഞ്ഞു ക​യ​റി തു​റ​മു​ഖ​ത്ത് മ​ണ​ൽ നി​റ​ഞ്ഞ​തോ​ടെ വ​ലി​യ ലൈലാൻഡ് വ​ള്ള​ങ്ങ​ൾ​ക്ക് തു​റ​മു​ഖ​ത്ത് ക​ട​ക്കാ​ൻ ക​ഴി​യാ​താ​യി. ഒ​രു പ​തി​റ്റാ​ണ്ട് പി​ന്നി​ട്ടി​ട്ടും പ്ര​ഖ്യാ​പ​ന​ങ്ങ​ളും വാ​ഗ്ദാ​ന​ങ്ങ​ളു​മ​ല്ലാ​തെ തോ​ട്ട​പ്പ​ള്ളി തു​റ​മു​ഖ​ത്തി​ന്‍റെ ര​ണ്ടാം ഘ​ട്ട വി​ക​സ​നം എ​ങ്ങുമെ​ത്തി​യി​ല്ല. പൊ​ഴി​മു​ഖ​ത്ത് അ​ടി​ഞ്ഞുകൂ​ടി​യ മ​ണ​ൽ നീ​ക്കം ചെ​യ്യാ​ൻ തു​ട​ക്ക​ത്തി​ൽ ഐആ​ർഇ​ക്ക് അ​നു​മ​തി ന​ൽ​കി​യി​രു​ന്നു.​

ഇ​തി​ന്‍റെ തു​ട​ർ​ച്ച​യാ​യാ​ണ് പി​ന്നീ​ട് വി​വാ​ദ​മാ​യ ക​രി​മ​ണ​ൽ ഖ​ന​ന​വും തോ​ട്ട​പ്പ​ള്ളി​യി​ൽ ആ​രം​ഭി​ച്ച​ത്.​ ഇ​പ്പോ​ൾ ചെ​റി​യ ഡി​സ്ക്കോ വ​ള്ള​ങ്ങ​ൾ മാ​ത്ര​മാ​ണ് തു​റ​മു​ഖ​ത്ത് ക​ട​ക്കു​ന്ന​ത്. തി​ക​ച്ചും അ​ശാ​സ്ത്രീ​യ​മാ​യ രീ​തി​യി​ൽ നി​ർ​മാ​ണം ന​ട​ത്തി​യ​തി​ലൂ​ടെ ഖ​ജ​നാ​വി​ലെ കോ​ടി​ക​ളാ​ണ് പാ​ഴാ​യ​ത്. ചെ​ന്നൈ ഐ​ഐ​ടി​യു​ടെ പ​ഠ​ന റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ ത​യാ​റാ​ക്കി​യ തു​റ​മു​ഖ​ത്തി​നാ​ണ് ഇ​പ്പോ​ൾ ഈ ​അ​വ​സ്ഥ.

മ​ണ​ലൂ​റ്റ് കേ​ന്ദ്രം
വെ​റും മ​ണ​ലൂ​റ്റ് കേ​ന്ദ്രം മാ​ത്ര​മാ​യി തോ​ട്ട​പ്പ​ള്ളി തു​റ​മു​ഖം മാ​റു​ന്ന​താ​ണ് കാ​ണു​ന്ന​ത്. ഇ​തോ​ടെ തു​റ​മു​ഖ​ത്തെ ആ​ശ്ര​യി​ച്ച് ഉ​പ​ജീ​വ​നം ന​ട​ത്തി​വ​ന്ന ആ​യി​ര​ക്ക​ണ​ക്കി​നു തൊ​ഴി​ലാ​ളി​ക​ളും ദു​രി​ത​ത്തി​ലാ​യി. തു​റ​മു​ഖ വി​ക​സ​ന​ത്തി​നാ​യി മാ​റി മാ​റി വ​ന്ന സ​ർ​ക്കാ​രു​ക​ൾ കോ​ടി​ക​ൾ പ്ര​ഖ്യാ​പി​ച്ചെ​ങ്കി​ലും ഇ​തൊ​ന്നും യാ​ഥാ​ർ​ഥ്യ​മാ​യി​ല്ല.

200 ഓ​ളം ലൈലാൻ ഡ് വ​ള്ള​ങ്ങ​ൾ​ക്ക് ക​ട​ക്കാ​വു​ന്ന ത​ര​ത്തി​ലാ​ണ് തു​റ​മു​ഖം രൂ​പ​ക​ൽ​പ​ന ചെ​യ്ത​ത്. എ​ന്നാ​ൽ, തു​റ​മു​ഖ​മാ​കെ മ​ണ​ല​ടി​ഞ്ഞ​തോ​ടെ വ​ലി​യ വ​ള്ള​ങ്ങ​ൾ​ക്ക് മ​റ്റു തു​റ​മു​ഖ​ങ്ങ​ളെ ആ​ശ്ര​യി​ക്കേ​ണ്ട സ്ഥി​തി​യാ​യി. മ​ണ​ല​ടി​ഞ്ഞു ക​യ​റാ​തി​രി​ക്കാ​ൻ വ​ട​ക്ക് ഭാ​ഗ​ത്താ​രം​ഭി​ച്ച പു​ലി​മു​ട്ട നി​ർ​മാ​ണ​വും ഇ​ഴ​ഞ്ഞു നീ​ങ്ങു​ക​യാ​ണ്. ട്രോ​ളിം​ഗ് കാ​ല​ത്തി​ൽ ജി​ല്ല​യി​ലെ നൂ​റു​ക​ണ​ക്കി​ന് വ​ള്ള​ങ്ങ​ൾ​ക്ക് ആ​ശ്ര​യ​മാ​കേ​ണ്ട തു​റ​മു​ഖ​ത്തി​ന്‍റെ ദു​ര​വ​സ്ഥ​ക്ക് ഇ​നി​യും പ​രി​ഹാ​ര​മാ​യി​ട്ടി​ല്ല.