യാ​ത്ര​ക്കാ​രെ കു​ഴി​യി​ൽ വീ​ഴ്ത്താ​ൻ  തൃ​പ്പൂ​ണി​ത്തു​റ​യി​ലെ റോ​ഡു​ക​ൾ; ഗതാഗതക്കുരുക്കിൽ കിടക്കേണ്ടി വരുന്നത് മണിക്കൂറുകൾ

തൃ​പ്പൂ​ണി​ത്തു​റ: ഗ​ർ​ത്ത​ങ്ങ​ൾ നി​റ​ഞ്ഞ് തൃ​പ്പു​ണി​ത്തു​റ ന​ഗ​ര​ത്തി​ലെ പ്ര​ധാ​ന റോ​ഡു​ക​ൾ ഗ​താ​ഗ​ത യോ​ഗ്യ​മ​ല്ലാ​താ​യി. അ​റ്റ​കു​റ്റ പ​ണി​ക​ൾ ചെ​യ്തെ​ങ്കി​ലും ദി​വ​സ​ങ്ങ​ൾ​ക്കു​ള്ളി​ൽ റോ​ഡി​ൽ വീ​ണ്ടും കു​ഴി​ക​ൾ രൂ​പ​പ്പെ​ടു​ക​യാ​ണ്. തൃ​പ്പൂ​ണി​ത്തു​റ ന​ഗ​ര​ത്തി​ലേ​ക്ക് വാ​ഹ​ന​ങ്ങ​ൾ തി​രി​യു​ന്ന എ​സ്എ​ൻ ജം​ഗ്ഷ​നി​ലെ കു​ഴി​ക​ളും പേ​ട്ട പാ​ല​ത്തി​ൽ അ​ടു​ത്ത കാ​ല​ത്താ​യി രൂ​പ​പ്പെ​ട്ട വ​ലി​യ കു​ഴി​ക​ളും കാ​ര​ണം ഗ​താ​ഗ​ത​ക്കു​രു​ക്ക് മ​ണി​ക്കൂ​റു​ക​ളോ​ളം നീ​ളു​ക​യാ​ണ്.

കൊ​ച്ചി മെ​ട്രോ നി​ർ​മാ​ണ​വു​മാ​യി ബ​ന്ധ​പ്പെ​ട്ട് കൊ​ച്ചി​ൻ റി​ഫൈ​ന​റി​യി​ൽ നി​ന്നും എ​റ​ണാ​കു​ളം വാ​ർ​ഫി​ലേ​ക്ക് പോ​കു​ന്ന എ​ണ്ണ​ക്കു​ഴ​ൽ ക​ണ്ടെ​ത്തു​ന്ന​തി​നാ​യി പേ​ട്ട പാ​ല​ത്തി​ന്‍റെ കി​ഴ​ക്ക് ഭാ​ഗം മു​ത​ൽ എ​സ്എ​ൻ ജം​ഗ്‌​ഷ​ൻ-​മി​ൽ​മ വ​രെ​യു​ള്ള റോ​ഡി​ൽ പ​ല സ്ഥ​ല​ങ്ങ​ളി​ലാ​യി ജെ​സി​ബി കൊ​ണ്ട് കു​ഴി​ക​ൾ എ​ടു​ക്കു​ക​യും ചെ​യ്തി​രു​ന്നു. എ​ന്നാ​ൽ പി​ന്നീ​ട് ഈ ​ഭാ​ഗ​ത്തെ കു​ഴി​ക​ൾ ശ​രി​യാ​യ രീ​തി​യി​ൽ മൂ​ടാ​തെ കി​ട​ന്ന​തി​നാ​ൽ മ​ഴ​ക്കാ​ലം ആ​രം​ഭി​ച്ച​തോ​ടെ കു​ഴി​ക​ളു​ടെ വ​ലി​പ്പ​വും കൂ​ടി.

ഓ​രോ ദി​വ​സ​വും ഈ ​റോ​ഡി​ൽ കൂ​ടി ശ​രാ​ശ​രി 40 ട​ൺ ഭാ​രം ക​യ​റ്റി​യ ആ​യി​ര​ക്ക​ണ​ക്കി​ന് ടോ​റ​സു​ക​ളാ​ണ് ക​ട​ന്നു​പോ​കു​ന്ന​ത്. മ​റ്റ് വാ​ഹ​ന​ങ്ങ​ൾ വേ​റെ​യും. ഈ ​വാ​ഹ​ന​ങ്ങ​ൾ കു​ഴി​യി​ൽ വീ​ഴു​മ്പോ​ൾ കെ​ആ​ർ​എ​ൽ റോ​ഡി​ന്‍റെ ഇ​രു​വ​ശ​വും താ​മ​സി​ക്കു​ന്ന​വ​രു​ടെ വീ​ടു​ക​ൾ കു​ലു​ങ്ങു​ക​യും ചു​മ​രു​ക​ൾ​ക്ക് വി​ള്ള​ർ സം​ഭ​വി​ക്കു​ന്ന​താ​യും പ്ര​ദേ​ശ​ത്തു​ള്ള​വ​ർ പ​രാ​തി​പ്പെ​ടു​ന്നു.

കൊ​ച്ചി​ൽ റി​ഫൈ​ന​റി കെ​ആ​ർ​എ​ൽ റോ​ഡി​ൽ ഏ​ക​ദേ​ശം പ​തി​ന​ഞ്ചോ​ളം ഇ​ല​ട്രി​ക്ക് പോ​സ്റ്റു​ക​ളി​ൽ സോ​ഡി​യം വേ​പ്പ​ർ ലാ​ബു​ക​ൾ സ്ഥാ​പി​ച്ചി​രു​ന്ന​താ​ണ്. എ​ന്നാ​ൽ റി​ഫൈ​ന​റി​യു​ടെ ത​ന്നെ വി​ക​സ​ന​ത്തി​നും മ​റ്റു​മാ​യി കൂ​റ്റ​ൻ ടാ​ങ്ക​റു​ക​ള​ട​ക്കം ത​ട​സം കൂ​ടാ​തെ കൊ​ണ്ടു​പോ​കു​ന്ന​തി​നാ​യി ഈ ​സോ​ഡി​യം വേ​പ്പ​ർ ലാ​ബു​ക​ൾ അ​ഴി​ച്ചു മാ​റ്റി​യ ശേ​ഷം പി​ന്നീ​ട് പു​ന​സ്ഥാ​പി​ച്ചി​ട്ടി​ല്ല.

രാ​ത്രി കാ​ല​ങ്ങ​ളി​ൽ ഈ ​ഭാ​ഗ​ത്തെ കു​ഴി​ക​ളി​ൽ വീ​ണ് അ​പ​ക​ട​ങ്ങ​ൾ ഉ​ണ്ടാ​കു​ന്ന​ത് നി​ത്യ സം​ഭ​വ​മാ​യി മാ​റു​ന്നു. ഈ ​വി​ഷ​യ​ത്തി​ൽ എ​ത്ര​യും വേ​ഗം ശാ​ശ്വ​ത പ​രി​ഹാ​രം കാ​ണ​ണെ​മെ​ന്ന് പ്ര​ദേ​ശ​വാ​സി​ക​ളും റ​സി​ഡ​ൻ​സ് അ​സോ​സി​യേ​ഷ​നു​ക​ളും ആ​വ​ശ്യ​പ്പെ​ടു​ന്നു.

പേ​ട്ട പാ​ല​ത്തി​ന്‍റെ ഇ​രു വ​ശ​ത്തേ​യും റോ​ഡി​ന്‍റെ വീ​തി കു​റ​വും ഗ​താ​ഗ​ത​ക്കു​രു​ക്ക് വ​ർ​ധി​പ്പി​ക്കു​ന്ന​തി​ന് ഇ​ട​യാ​ക്കു​ന്നു. റോ​ഡി​ന്‍റെ ശോ​ച​നീ​യാ​വ​സ്ഥ കൂ​ടി ആ​യ​പ്പോ​ൾ ഇ​ത് ഇ​ര​ട്ടി ദു​രി​ത​മാ​യി. കൂ​ടാ​തെ തൃ​പ്പൂ​ണി​ത്തു​റ പൂ​ത്തോ​ട്ട റോ​ഡി​ൽ പു​തി​യ​കാ​വ് മു​ത​ൽ പെ​രും തൃ​ക്കോ​വി​ൽ ക്ഷേ​ത്രം വ​രെ​യു​ള്ള ഭാ​ഗ​ങ്ങ​ളി​ൽ കു​ഴി​യി​ല്ലാ​ത്ത ഒ​രു പ്ര​ദേ​ശം പോ​ലു​മി​ല്ല. ഈ ​റോ​ഡി​ലൂ​ടെ നി​ത്യേ​നേ നി​ര​വ​ധി ഇ​രു​ച​ക്ര യാ​ത്രി​ക​ർ ജീ​വ​ൻ പ​ണ​യം വ​ച്ചാ​ണ് സ​ഞ്ച​രി​ക്കു​ന്ന​ത്.