അ​ല്ലെ​ങ്കി​ലേ തി​ര​ക്ക്… അതിന്‍റെയിടയില് 2 കൗണ്ടറുകളും; ഈ ​മെ​ഡി​ക്ക​ൽ കോ​ള​ജെ​ന്താ ഇ​ങ്ങ​നെ…

സ്വ​ന്തം ലേ​ഖ​ക​ൻ
മു​ള​ങ്കു​ന്ന​ത്തു​കാ​വ്: സ്വ​ത​വേ ദു​ർ​ബ​ല പോ​രെ​ങ്കി​ൽ….​എ​ന്നു പ​റ​യു​ന്ന പോ​ലെ…​അ​ല്ലെ​ങ്കി​ലേ തി​ര​ക്ക് അ​തി​ന്‍റെ​യി​ട​യി​ല് ര​ണ്ട് കൗ​ണ്ട​റു​ക​ളും എ​ന്ന അ​വ​സ്ഥ​യി​ൽ തൃ​ശൂ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ അ​ത്യാ​ഹി​ത വി​ഭാ​ഗം ശ്വാ​സം മു​ട്ടു​ന്നു.

അ​ത്യാ​ഹി​ത വി​ഭാ​ഗ​ത്തി​ലേ​ക്കു​ള്ള പ്ര​ധാ​ന പ്ര​വേ​ശ ക​വാ​ട​ത്തി​ന്‍റെ ഇ​രു​വ​ശ​ത്തു​മാ​യി ര​ണ്ടു പു​തി​യ കൗ​ണ്ട​റു​ക​ൾ സ്ഥാ​പി​ച്ച​തോ​ടെ അ​ത്യാ​ഹി​ത വി​ഭാ​ഗ​ത്തി​ലേ​ക്ക് ക​ട​ക്കു​ക എ​ന്ന​ത് വ​ലി​യൊ​രു പ​ണി​യാ​യി​രി​ക്കു​ക​യാ​ണ്. അ​ത്യാ​ഹി​ത വി​ഭാ​ഗ​ത്തി​ന്‍റെ ഫാ​ർ​മ​സി​യും ഒ​പി ടി​ക്ക​റ്റി​ന്‍റെ​യും അ​ഡ്മി​ഷ​ൻ പൈ​സ അ​ട​ക്കു​ന്ന​തി​ന്‍റെ​യും കൗ​ണ്ട​റു​ക​ളു​മാ​ണ് വ​ഴി​മു​ട​ക്കി​ക​ളാ​യി​രി​ക്കു​ന്ന​ത്.

അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കു​ക​യാ​ണ് എ​ന്ന് പ​റ​യു​ന്നു​ണ്ടെ​ങ്കി​ലും ഈ ​കൗ​ണ്ട​റു​ക​ൾ അ​ത്യാ​ഹി​ത​വി​ഭാ​ഗ​ത്തി​ലേ​ക്കു​ള്ള വ​ഴി ത​ട​സ​പ്പെ​ടു​ത്തു​ന്ന​വ​യാ​യി. ഈ ​പു​തി​യ പ​രി​ഷ്കാ​രം ആ​വ​ശ്യ​മി​ല്ലാ​തെ പ​ണം പാ​ഴാ​ക്കി​യെ​ന്ന പ​രാ​തി​യും ഉ​യ​ർ​ന്നി​ട്ടു​ണ്ട്. പു​തി​യ കൗ്ണ്ട​റു​ക​ൾ വ​ന്ന​തോ​ടെ അ​ത്യാ​ഹി​ത വി​ഭാ​ഗ​ത്തി​നു മു​ന്നി​ൽ തി​ര​ക്ക് കൂ​ടി.

ഈ ​തി​ര​ക്കി​നി​ട​യി​ലൂ​ടെ വേ​ണം അ​പ​ക​ട​ത്തി​ൽ പെ​ട്ട രോ​ഗി​ക​ള​ട​ക്ക​മു​ള്ള​വ​ർ​ക്ക് ഉ​ള്ളി​ലേ​ക്ക് എ​ത്താ​ൻ. ര​ണ്ടു കൗ​ണ്ട​റു​ക​ളു​ടേ​യും ക്യൂ​വി​ൽ നി​ൽ​ക്കു​ന്ന​വ​രെ മാ​റ്റി​നി​ർ​ത്തി​യോ അ​വ​രെ ത​ട്ടി​മു​ട്ടി​യോ വേ​ണം അ​ത്യാ​ഹി​ത വി​ഭാ​ഗ​ത്തി​ലേ​ക്ക് ക​ട​ക്കാ​ൻ. ത​ർ​ക്ക​ങ്ങ​ളും പ​തി​വാ​യി​ട്ടു​ണ്ട് ഇ​വി​ടെ.

പ​ല​പ്പോ​ഴും അ​ഡ്മി​ഷ​ൻ കൗ​ണ്ട​റി​ലി​രി​ക്കു​ന്ന​വ​ർ​ക്ക് രോ​ഗി​ക​ളു​ടെ കൂ​ട്ടി​രി​പ്പു​കാ​ർ പ​റ​യു​ന്ന​തൊ​ന്നും കേ​ൾ​ക്കാ​ൻ ക​ഴി​യാ​ത്ത സ്ഥി​തി​യു​ണ്ട്. അ​ത്യാ​ഹി​ത വി​ഭാ​ഗ​ത്തി​ലെ തി​ക്കും തി​ര​ക്കും സൈ​റ​ണ്‍ മു​ഴ​ക്കി​യെ​ത്തു​ന്ന ആം​ബു​ല​ൻ​സു​ക​ളു​ടേ​യും മ​റ്റു വാ​ഹ​ന​ങ്ങ​ളു​ടേ​യും ശ​ബ്ദ​വും കാ​ര​ണം രോ​ഗി​യു​ടെ പേ​രും വ​യ​സു​മെ​ല്ലാം തെ​റ്റി രേ​ഖ​പ്പ​ടു​ത്തു​ന്ന​താ​യും ആ​ക്ഷേ​പ​മു​ണ്ട്.

ഇ​തി​ന്‍റെ പേ​രി​ലും ത​ർ​ക്ക​ങ്ങ​ളു​ണ്ടാ​വു​ന്നു​ണ്ട്. പ​രി​ഷ്കാ​ര​ങ്ങ​ൾ രോ​ഗി​ക​ൾ​ക്കും കൂ​ട്ടി​രി​പ്പു​കാ​ർ​ക്കും പ​രീ​ക്ഷ​ണ​മാ​കു​ന്ന സ്ഥി​തി​യാ​ണി​പ്പോ​ൾ.