തൃ​ശൂ​ർ ജി​ല്ലാ സ​ഹകരണ ബാ​ങ്കി​ൽ വാ​യ്പാ കുടിശിക 423 കോ​ടി; ഇ​ല്ലാ​ത്ത കമ്പ​നി​ക​ളു​ടെ പേ​രി​ലും ഭൂ​മി​ക്ക​ച്ച​വ​ട​ത്തി​നും വ​ഴി​വി​ട്ട വാ​യ്പ

സ്വ​ന്തം ലേ​ഖ​ക​ൻ
തൃ​ശൂ​ർ: ര​ജി​സ്റ്റ​ർ ചെ​യ്യാ​ത്ത ക​ന്പ​നി​ക​ളു​ടെ പേ​രി​ലും ഭൂ​മി​ക്ക​ച്ച​വ​ട​ത്തി​നും വ​ഴി​വി​ട്ട വാ​യ്പ ന​ൽ​കി തൃ​ശൂ​ർ ജി​ല്ലാ സ​ഹ​ക​ര​ണ ബാ​ങ്കി​ൽ 423 കോ​ടി​യി​ലേ​റെ വാ​യ്പാ കു​ടി​ശി​ക ക്ര​മ​ക്കേ​ട്. മു​ൻ ഭ​ര​ണ​സ​മി​തി​യു​ടെ കാ​ല​ത്തെ വാ​യ്പാ ക്ര​മ​ക്കേ​ടു​ക​ളാ​ണു ക​ണ്ടെ​ത്തി​യി​രി​ക്കു​ന്ന​ത്. പ​ത്തു​കോ​ടി രൂ​പ​യി​ലേ​റെ വാ​യ്പ​യെ​ടു​ത്ത് തി​രി​ച്ച​ട​യ്ക്കാ​ത്ത അ​റു​പ​തി​ലേ​റെ ഇ​ട​പാ​ടു​കാ​രു​ണ്ട്. ഭൂ​മി​വാ​ങ്ങാ​ൻ നി​യ​മ​വി​രു​ദ്ധ​മാ​യി വാ​യ്പ ന​ൽ​കി കു​ടി​ശി​ക വ​രു​ത്തി​യ​വ​ർ​ക്ക് അ​തേ പ​ണ​യ​ഭൂ​മി​യു​ടെ ഈ​ടി​ൽ വീ​ണ്ടും പ​ല​ത​വ​ണ വാ​യ്പ​ന​ൽ​കി​യ​താ​യും ക​ണ്ടെ​ത്തി​യി​ട്ടു​ണ്ട്.

പ​ഞ്ചാ​ബ് നാ​ഷ​ണ​ൽ ബാ​ങ്ക് അ​ട​ക്കം പ​ല ദേ​ശ​സാ​ത്കൃ​ത ബാ​ങ്കു​ക​ളി​ലു​മു​ള്ള വാ​യ്പാ ത​ട്ടി​പ്പു​ക​ൾ സം​ബ​ന്ധി​ച്ച് അ​ന്വേ​ഷ​ണം ചൂ​ടു​പി​ടി​ച്ചി​രി​ക്കേ​യാ​ണ് ജി​ല്ലാ സ​ഹ​ക​ര​ണ ബാ​ങ്കി​ലെ വാ​യ്പാ ത​ട്ടി​പ്പു​ക​ൾ ക​ണ്ടെ​ത്തി​യി​രി​ക്കു​ന്ന​ത്. ജി​ല്ലാ ബാ​ങ്ക് ഭ​ര​ണ​സ​മി​തി യു​ഡി​എ​ഫ് ഭ​രി​ച്ചി​രു​ന്ന 2015 മു​ത​ൽ 2017 വ​രെ​യു​ള്ള വ​ർ​ഷ​ങ്ങ​ളി​ലാ​ണു ക്ര​മ​ക്കേ​ട്. വാ​യ്പാ കു​ടി​ശി​ക തി​രി​ച്ച​ട​ക്കാ​ത്ത അ​റു​പ​തി​ലേ​റെ വ​ൻ​കി​ട വാ​യ്പ​ക്കാ​രി​ൽ ഏ​റെ​യും റി​യ​ൽ എ​സ്റ്റേ​റ്റ് ബി​സി​ന​സു​കാ​രും ബി​ൽ​ഡേ​ഴ്സു​മാ​ണ്.

ക​റ​ൻ​സി നി​രോ​ധ​ന​ത്തോ​ടെ സ്ഥ​ല​ക്ക​ച്ച​വ​ട​വും നി​ർ​മാ​ണ​മേ​ഖ​ല​യും ത​ക​ർ​ന്ന​താ​ണ് തി​രി​ച്ച​ട​വു മു​ട​ങ്ങാ​ൻ കാ​ര​ണം. ഈ​ടാ​യി ന​ൽ​കി​യ പ​ണ​യ​ഭൂ​മി​യു​ടെ യ​ഥാ​ർ​ഥ വി​ല​യേ​ക്കാ​ൾ കൂ​ടു​ത​ൽ തു​ക വാ​യ്പ​ന​ൽ​കി​യ കേ​സു​ക​ളു​മു​ണ്ട്. പ​ണ​യ​ഭൂ​മി ക​ണ്ടു​കെ​ട്ടി​യാ​ലും പ​ലി​ശ​യും മു​ത​ലും വീ​ണ്ടെ​ടു​ക്കാ​നാ​വി​ല്ല. വി​ദേ​ശ​ത്തു​ള്ള​യാ​ളു​ടെ മൂ​ന്ന​ര ഏ​ക്ക​ർസ്ഥ​ലം മു​ക്ത്യാ​ർ സ​ഹി​തം ക​ര​സ്ഥ​മാ​ക്കി പ​ണ​യ​പ്പെ​ടു​ത്തി പ​ല ധ​ന​കാ​ര്യ സ്ഥാ​പ​ന​ങ്ങ​ളി​ൽ​നി​ന്നാ​യി കോ​ടി​ക്ക​ണ​ക്കി​നു രൂ​പ വാ​യ്പ​യെ​ടു​ത്ത സം​ഭ​വ​വും ഉ​ണ്ട്.

മൂ​ന്ന​ര ഏ​ക്ക​ർ സ്ഥ​ല​ത്തി​ന് 60 ല​ക്ഷം രൂ​പ ആ​ദ്യ​ഘ​ട്ടം വി​ല​യാ​യി ന​ൽ​കി​യാ​ണ് ത​ട്ടി​പ്പു​സം​ഘം മു​ക്ത്യാ​ർ സ​ഹി​തം സ്ഥ​ലം കൈ​വ​ശ​പ്പെ​ടു​ത്തി​യ​ത്. ജി​ല്ലാ സ​ഹ​ക​ര​ണ ബാ​ങ്കി​ൽ പ​ണ​യ​പ്പെ​ടു​ത്തി​യ സ്ഥ​ല​ത്തി​ന്‍റെ ബാ​ധ്യ​ത ആ​റു​കോ​ടി രൂ​പ​യാ​ണ്. ബാധ്യ​താ വി​വ​രം അ​റി​ഞ്ഞ് ബാ​ങ്കി​ൽ എ​ത്തി​യ സ്ഥ​ല​മു​ട​മ പ​രാ​തി ഫ​യ​ൽ ചെ​യ്തി​ട്ടു​ണ്ട്.ക​ന്പ​നി നി​യ​മ​മ​നു​സ​രി​ച്ച് ര​ജി​സ്റ്റ​ർ ചെ​യ്യാ​ത്ത സ്ഥാ​പ​ന​ങ്ങ​ളു​ടെ പേ​രി​ലും കോ​ടി​ക്ക​ണ​ക്കി​നു രൂ​പ വാ​യ്പ ന​ൽ​കി​യി​ട്ടു​ണ്ട്.

സ്ഥാ​പ​ന​ത്തി​ന്‍റെ ഡ​യ​റ​ക്ട​ർ​മാ​രെ ക​ണ്ട് വാ​യ്പാ കു​ടി​ശി​ക​ക്കാ​ര്യം ചോ​ദി​ച്ച​പ്പോ​ൾ ത​ങ്ങ​ൾ ഡ​യ​റ​ക്ട​റ​ല്ലെ​ന്നു മ​റു​പ​ടി ന​ൽ​കി​യ സം​ഭ​വ​ങ്ങ​ളും ഉ​ണ്ട്. ക​ന്പ​നി​ക്കു​വേ​ണ്ടി വാ​യ്പ​യെ​ടു​ക്കു​ന്പോ​ൾ പ​ണ​യ്പെ​ടു​ത്തേ​ണ്ട​ത് ക​ന്പ​നി​യു​ടെ സ്വ​ത്തു​വ​ക​ക​ളാ​ണ്. എ​ന്നാ​ൽ ക​ന്പ​നി​യു​മാ​യി ഒ​രു ബ​ന്ധ​വു​മി​ല്ലാ​ത്ത സ്വ​കാ​ര്യ വ്യ​ക്തി​ക​ളു​ടെ ഭൂ​മി പ​ണ​യ​പ്പെ​ടു​ത്തി വാ​യ്പ​യെ​ടു​ത്ത് തി​രി​ച്ച​ട​യ്ക്കാ​തെ കെ​ണി​യി​ല​ക​പ്പെ​ട്ട​വ​രു​മു​ണ്ട്.

പ​രി​ശോ​ധ​ന​ക​ൾ ഉ​ട​നേ പൂ​ർ​ത്തി​യാ​ക്കി കു​റ്റ​ക്കാ​രാ​യ ഉ​ദ്യോ​ഗ​സ്ഥ​ർ​ക്കും വാ​യ്പ​യെ​ടു​ത്ത​വ​ർ​ക്കും എ​തി​രേ ന​ട​പ​ടി​യെ​ടു​ക്കു​മെ​ന്ന് അ​ഡ്മി​നി​സ്ട്രേ​റ്റ​ർ ടി.​കെ. സ​തീ​ഷ്കു​മാ​റും ജ​ന​റ​ൽ മാ​നേ​ജ​ർ ഡോ. ​എം. രാ​മ​നു​ണ്ണി​യും പ​ത്ര​സ​മ്മേ​ള​ന​ത്തി​ൽ അ​റി​യി​ച്ചു. പോ​ലീ​സ് ന​ട​പ​ടി​ക​ളും വേ​ണ്ടി​വ​രു​മെ​ന്ന് അ​വ​ർ പ​റ​ഞ്ഞു.