തുഷാർ വെള്ളാപ്പള്ളിക്കെതിരായ ചെക്ക് കേസ്; ആ​സൂ​ത്രി​ത​മാ​യ പ​ദ്ധ​തി​യാണോയെന്നന്വേഷിച്ച്  കേരളാ പോലീസും

തൃ​ശൂ​ർ: ബി​ഡി​​ജെഎ​സ് ചെ​യ​ർ​മാ​ൻ തു​ഷാ​ർ വെ​ള്ളാ​പ്പ​ള്ളി​യെ പ്ര​വാ​സി​യും തൃ​ശൂ​ർ മ​തി​ല​കം സ്വ​ദേ​ശി​യു​മാ​യ നാ​സി​ൽ അ​ബ്ദു​ള്ള ചെ​ക്ക് കേ​സി​ൽ കു​ടു​ക്കി​യ​ത് ആ​സൂ​ത്രി​ത​മാ​യ പ​ദ്ധ​തി​യി​ലൂ​ടെ​യാ​ണോ എ​ന്ന​തി​നെ​ക്കു​റി​ച്ച് കേ​ര​ള​ത്തി​ലും പോ​ലീ​സ് അ​ന്വേ​ഷ​ണം തു​ട​ങ്ങി. ക​ഴി​ഞ്ഞ ദി​വ​സം നാ​സി​ലി​ന്‍റേ​തെ​ന്ന് പ​റ​യ​പ്പെ​ടു​ന്ന വാ​ട്ട്സ്ആ​പ്പ് ശ​ബ്ദ​സ​ന്ദേ​ശ​ങ്ങ​ൾ പു​റ​ത്തു​വ​ന്ന​തി​നെ തു​ട​ർ​ന്നാ​ണ് ഈ ​സ​ന്ദേ​ശ​ങ്ങ​ളെ​ക്കു​റി​ച്ച് കേ​ര​ള പോ​ലീ​സും സൈ​ബ​ർ സെ​ല്ലും അ​ന്വേ​ഷ​ണ​ത്തി​ന് ത​യാ​റാ​യ​ത്. നാ​ട്ടി​ലെ ഒ​രു സു​ഹൃ​ത്തു​മാ​യി നാ​സി​ൽ ന​ട​ത്തി​യ​തെ​ന്ന് ക​രു​തു​ന്ന ശ​ബ്ദ​സ​ന്ദേ​ശ​മാ​ണ് പു​റ​ത്തു​വ​ന്ന​ത്.

തു​ഷാ​റി​നെ കു​ടു​ക്കാ​ൻ നാ​സി​ൽ ആ​സൂ​ത്ര​ണം ചെ​യ്യു​ന്ന രീ​തി​യി​ലാ​ണ് ശ​ബ്ദ സ​ന്ദേ​ശ​ങ്ങ​ൾ. ഇ​ത് നാ​സി​ലി​ന്‍റെ ശ​ബ്ദം ത​ന്നെ​യാ​ണോ എ​ന്ന​തും മ​റു​ഭാ​ഗ​ത്തെ സു​ഹൃ​ത്താ​രാ​ണ് എ​ന്ന​തും പോ​ലീ​സ് പ​രി​ശോ​ധി​ക്കും. വി​ദേ​ശ​ത്തെ അ​ന്വേ​ഷ​ണ ഏ​ജ​ൻ​സി​ക​ളും ഇ​ത് സം​ബ​ന്ധി​ച്ച് പ​രി​ശോ​ധ​ന ന​ട​ത്തും. തു​ഷാ​ർ വെ​ള്ളാ​പ്പ​ള്ളി​ക്കെ​തി​രെ കേ​സ് കൊ​ടു​ക്കാ​ൻ ഉ​പ​യോ​ഗി​ച്ച ചെ​ക്ക് ഒ​രു പ​രി​ച​യ​ക്കാ​ര​നി​ൽ നി​ന്ന് നാ​സി​ൽ അ​ബ്ദു​ല്ല പ​ണം ന​ൽ​കി സം​ഘ​ടി​പ്പി​ച്ച​താ​ണെ​ന്ന് സൂ​ചി​പ്പി​ക്കു​ന്ന ശ​ബ്ദ സ​ന്ദേ​ശ​ങ്ങ​ളാ​ണ് പു​റ​ത്തു​വ​ന്ന​ത്.

അ​ഞ്ച് ല​ക്ഷം രൂ​പ ന​ൽ​കി​യാ​ണ് ഈ ​ചെ​ക്ക് നാ​സി​ൽ അ​ബ്ദു​ള്ള സം​ഘ​ടി​പ്പി​ച്ച​തെ​ന്ന് ശ​ബ്ദ സ​ന്ദേ​ശ​ങ്ങ​ളി​ൽ പ​റ​യു​ന്നു. അ​ജ്മാ​ൻ പോ​ലീ​സി​ന്‍റെ സ​ഹാ​യ​ത്തോ​ടെ​യാ​ണ് നാ​സി​ൽ തു​ഷാ​റി​നെ ഗ​ൾ​ഫി​ൽ വെ​ച്ച് കു​ടു​ക്കി​യ​ത്. കോ​ട​തി​യി​ൽ വ​ൻ​തു​ക കെ​ട്ടി​വെ​ച്ച് പു​റ​ത്തി​റ​ങ്ങി​യ തു​ഷാ​റി​ന് പ​ക്ഷേ ഗ​ൾ​ഫി​ൽ നി​ന്ന് കേ​ര​ള​ത്തി​ലേ​ക്ക് വ​രാ​ൻ ക​ഴി​ഞ്ഞി​ട്ടി​ല്ല. മ​ധ്യ​സ്ഥ ച​ർ​ച്ച​ക​ളും ഫ​ലം ക​ണ്ടി​ട്ടി​ല്ല.

ഒ​ത്തു​തീ​ർ​പ്പി​ന് നാ​സി​ൽ മു​ന്നോ​ട്ടു​വെ​ച്ച തു​ക​യു​ടെ കാ​ര്യ​ത്തി​ൽ തീ​രു​മാ​ന​മാ​കാ​ത്ത​തി​നെ തു​ട​ർ​ന്ന് കാ​ര്യ​ങ്ങ​ൾ നീ​ണ്ടു​പോ​വു​ക​യാ​യി​രു​ന്നു. യു​എ​ഇ പൗ​ര​ന്‍റെ ആ​ൾ​ജാ​മ്യ​ത്തി​ൽ തു​ഷാ​ർ നാ​ട്ടി​ലെ​ത്താ​ൻ ശ്ര​മി​ച്ചെ​ങ്കി​ലും അ​തും ഫ​ല​വ​ത്താ​യി​ല്ല. അ​തി​നി​ടെ​യാ​ണ് നാ​സി​ലി​ന്‍റേ​തെ​ന്ന പേ​രി​ൽ ശ​ബ്ദ​സ​ന്ദേ​ശം കേ​സി​ൽ പു​തി​യ വ​ഴി​ത്തി​രി​വു​ണ്ടാ​ക്കു​ന്ന​ത്. വാ​ട്സാ​പ്പി​ലെ ശ​ബ്ദ​സ​ന്ദേ​ശം നാ​സി​ലി​ന്‍റേ​താ​ണെ​ന്ന് തെ​ളി​ഞ്ഞാ​ൽ തു​ഷാ​റി​ന് അ​ത് ഗു​ണം ചെ​യ്യും.

നാ​ട്ടി​ലെ ഒ​രു സു​ഹൃ​ത്തു​മാ​യു​ള്ള നാ​സി​ലി​ന്‍റെ സം​ഭാ​ഷ​ണ​മാ​ണ് പു​റ​ത്തു​വ​ന്നി​രി​ക്കു​ന്ന​ത്. തു​ക എ​ഴു​താ​ത്ത ബ്ലാ​ങ്ക് ചെ​ക്ക് സം​ഘ​ടി​പ്പി​ക്കാ​ൻ അ​ഞ്ച് ല​ക്ഷം രൂ​പ വേ​ണ​മെ​ന്നും കേ​സ് ക​ഴി​ഞ്ഞ് കി​ട്ടു​ന്ന തു​ക പാ​തി വീ​തം പ​ങ്കു​വെ​ക്കാ​മെ​ന്നും നാ​സി​ൽ സു​ഹൃ​ത്തി​ന് ഉ​റ​പ്പ് ന​ൽ​കു​ന്നു​ണ്ട്. അ​ഞ്ച് ല​ക്ഷം രൂ​പ ന​ൽ​കി​യാ​ൽ തു​ഷാ​റി​ന്‍റെ ഒ​പ്പു​ള്ള ബ്ലാ​ങ്ക് ചെ​ക്ക് ത​ന്‍റെ ക​യ്യി​ൽ കി​ട്ടു​മെ​ന്ന് നാ​സി​ൽ കൃ​ത്യ​മാ​യി പ​റ​യു​ന്നു​ണ്ട്.

തു​ഷാ​ർ അ​ടു​ത്ത ദി​വ​സം ത​ന്നെ ദു​ബാ​യി​ലെ​ത്തു​ന്നു​ണ്ടെ​ന്നും അ​പ്പോ​ൾ ത​ന്നെ കു​ടു​ക്ക​ണ​മെ​ന്നു​മാ​ണ് നാ​സി​ൽ പ​റ​യു​ന്ന​ത്. പെ​ട്ടെ​ന്ന് ത​ന്നെ അ​വ​ർ ഒ​ത്തു​തീ​ർ​പ്പി​ന് വ​രു​മെ​ന്നും ചു​രു​ങ്ങി​യ​ത് ആ​റ് ദ​ശ​ല​ക്ഷം ദി​ർ​ഹ​മെ​ങ്കി​ലും ഒ​ത്തു​തീ​ർ​പ്പ് ച​ർ​ച്ച​യി​ലൂ​ടെ കി​ട്ടു​മെ​ന്നു​മാ​ണ് പ​ണം സം​ഘ​ടി​പ്പി​ച്ച് ത​രാ​ൻ ആ​വ​ശ്യ​പ്പെ​ടു​ന്ന സ​ന്ദേ​ശ​ത്തി​ൽ നാ​സി​ൽ പ്ര​തീ​ക്ഷ പ​ങ്കു​വെ​ക്കു​ന്ന​ത്. ദു​ബാ​യി​യി​ൽ കേ​സ് കൊ​ടു​ത്താ​ൽ ശ​രി​യാ​വി​ല്ലെ​ന്നും ഷാ​ർ​ജ​യി​ൽ കേ​സ് കൊ​ടു​ക്കാ​മെ​ന്നും നാ​സി​ൽ പ​റ​യു​ന്നു​ണ്ട്.