സൽമാൻഖാൻ ചിത്രം ടൈഗർ സിന്ദാഹെയുടെ കളക്‌ഷൻ മുന്നൂറ് കോടി കടക്കുമോയെന്ന ആകാംക്ഷയിലാണ് ആരാധകർ. റിലീസ് ചെയ്ത് രണ്ടാഴ്ചയ്ക്കുള്ളിൽ ചിത്രം 250 കോടി കളക്‌ഷൻ നേടിയിരുന്നു. പുറത്തുവരുന്ന റിപ്പോർട്ടുകൾ അനുസരിച്ച് ടൈഗർ മുന്നൂറ് കോടി കടക്കുമെന്നാണ് സൂചന.
കത്രീന കെയ്ഫാണ് ചിത്രത്തിൽ നായിക വേഷം കൈകാര്യം ചെയ്തത്. മുന്നൂറ് കോടി കടന്ന സൽമാൻ ഖാന്‍റെ മുൻ ചിത്രങ്ങളായ ബജ് രംഗി ഭായി ജാൻ, സുൽത്താൻ തുടങ്ങിയവയുടെ കളക്‌ഷൻ റിക്കാർഡ് ടൈഗർ മറികടക്കുമെന്ന പ്രതീക്ഷയിലാണ് ചിത്രത്തിന്‍റെ അണിയറ പ്രവർത്തകർ. അലി അബ്ബാസ് സഫറാണ് ചിത്രം സംവിധാനം ചെയ്തിരിക്കുന്നത്.
