കുരങ്ങ് ശല്യം രൂക്ഷമായതിനെ തുടർന്ന് വളർത്ത് നായയെ പെയിന്‍റടിച്ച് കടുവയാക്കി കർഷകൻ. ഷിമോഗയിലാണ് സംഭവം. കർഷകനായ ശ്രീകാന്ത് ഗൗഡയാണ് തുടർച്ചയായി വിളവുകൾ നശിപ്പിക്കുന്ന കുരങ്ങന്മാരെ തുരത്തുവാൻ ഈ മാർഗം സ്വീകരിച്ചത്.
വർഷങ്ങൾക്ക് മുമ്പ് കുരങ്ങന്മാരെ തുരത്തുവനായി കർഷകന്മാർ കടുവകളുടെ പാവകളെ ഉപയോഗിച്ചിരുന്നു. അതിൽ നിന്നുമാണ് വളർത്ത് നായയെ കടുവയാക്കുവാനുള്ള ആശയം ഇദ്ദേഹത്തിന്‍റെ മനസിൽ ഉരുത്തിരിഞ്ഞത്.
ഈ ആശയം വിജയം കണ്ടുവെന്നുവാണ് ശ്രീകാന്ത് പറയുന്നത്. നായയെ കണ്ട് കുരങ്ങന്മാർ കൃഷിയിടത്തിലേക്ക് അടുക്കുന്നു പോലുമില്ലെന്ന് അദ്ദേഹം വ്യക്തമാക്കി.
