നെഞ്ചോടു ചേർത്തു വെക്കുന്ന പ്രണയ ജോഡികളാണ് ജാക്കും, റോസും. ഒരു നോവോടെ അല്ലാതെ ടെെറ്റാനിക് എന്ന ചിത്രത്തെ കുറിച്ച് ഓർക്കാൻ തന്നെ പ്രയാസമാണ്.
ഇപ്പോഴിതാ സിനിമയിൽ ലിയനാർഡോ ഡി കാപ്രിയോ ധരിച്ച വസ്ത്രം ലേലത്തിനെത്തുന്നു എന്ന വാർത്തയാണ് പുറത്തു വരുന്നത്. അടുത്ത മാസമാണ് ലേലം. ചിത്രത്തിന്‍റെ വസ്ത്രാലങ്കാരം ഡെബോറാ ലിൻ സ്കോട്ട് ആണ്.
ലിയനാർഡോ ഡി കാപ്രിയോയുടെ കോർഡുറോയ്‌സ് പാന്‍റും വെള്ള കോളർ ലെസ് ഷർട്ടും ചാർക്കോൾ നിറത്തിലുള്ള ഓവർകോട്ടുമാണ് ലേലത്തിനെത്തുന്നത്.
100,000 മുതൽ 200,000 യൂറോ ആണ് വില. 2 കോടി രൂപയോളം ആണ് വില. ഇതിനു മുൻപ് ടൈറ്റാനികിൽ കേറ്റ് ധരിച്ച ഓവർകോട്ടും ലേലത്തിന് വച്ചിരുന്നു.
സിനിമാ ടിവി രംഗത്തെ പ്രധാന വസ്തുക്കൾ ലേലം ചെയ്യുന്ന പ്രോപ്പ് സ്റ്റോറാണ് ലേലത്തിന് നേതൃത്വം നൽകുന്നത്.
