കൊച്ചി: അഭിനയ പ്രതിഭ മമ്മൂട്ടിയുടെ കൈയില്‍നിന്ന് അവാര്‍ഡ് വാങ്ങാനായതിന്‍റെ സന്തോഷം പങ്കുവച്ചുകൊണ്ടുള്ള നടന്‍ ടൊവിനോ തോമസിന്‍റെ ഫേസ്ബുക്ക് പോസ്റ്റ് വൈറലാകുന്നു.
മമ്മുക്കയുടെ കൈയില്‍നിന്നാണ് അവാര്‍ഡും അനുഗ്രഹവും കിട്ടിയിരിക്കുന്നത്. ഇനി തന്നെ പിടിച്ചാ കിട്ടില്ലെന്നാണ് ടൊവിനോ ഫേസ്ബുക്കില്‍ കുറിച്ചത്.
യുകെയിലെ മാഞ്ചസ്റ്ററില്‍ നടന്ന അവാര്‍ഡ് ദാന ചടങ്ങിലാണ് ടൊവിനോയ്ക്ക് മമ്മൂട്ടി പുരസ്‌കാരം നല്‍കിയത്.”മമ്മൂക്കയില്‍ നിന്ന് ഒരു അവാര്‍ഡും അനുഗ്രഹവും നല്ല വാക്കുകളും സ്വീകരിക്കുന്നതിന്‍റെ അവിശ്വസനീയമായ നിമിഷം.
ഒപ്പംനിന്ന് അദ്ദേഹം എന്നെ കുറിച്ച് സന്തോഷകരമായ കാര്യങ്ങള്‍ പറയുന്നത് കേള്‍ക്കുന്നത് ശരിക്കും അതിശയിപ്പിക്കുന്നതായിരുന്നു.
ജീവിതത്തില്‍ ഇത് അഭിമാനത്തോടെ മുന്നോട്ട് കൊണ്ടുപോകും. മമ്മൂക്കയുടെ കൈയില്‍നിന്നാണ് അവാര്‍ഡും അനുഗ്രഹവും കിട്ടിയേക്കുന്നെ, ഇനി എന്നെ പിടിച്ചാ കിട്ടൂല്ല’ – എന്നാണ് ടൊവിനോ അവാര്‍ഡ് വാങ്ങുന്നതിന്‍റെ ദൃശ്യങ്ങള്‍ പങ്കുവച്ച് സോഷ്യല്‍ മീഡിയയില്‍ കുറിച്ചത്.
