ചെറിയ ചെറിയ വേഷങ്ങളിലൂടെ സിനിമയില്‍ വലിയ നേട്ടങ്ങള്‍ സ്വന്തമാക്കിയ താരമാണ് ടൊവീനോ തോമസ്. ഗോദയും മായാനദിയുമെല്ലാം ടെവീനോയുടെ കരിയറില്‍ വലിയ വഴിത്തിരിവുകളായിരുന്നു. ഇപ്പോള്‍ തിയറ്ററുകളിലുള്ള മറഡോണയും ഹിറ്റിലേക്ക് കുതിക്കുകയാണ്. ഈ സിനിമ ഹിറ്റായതിന്റെ സന്തോഷം ഫേസ്ബുക്ക് ലൈവിലെത്തി അദേഹം പങ്കിടുകയും ചെയ്തു.
ടൊവിനോ ലൈവില്‍ ഒരു ആരാധകന് നല്‍കിയ മറുപടിയാണ് ഇപ്പോള്‍ വൈറലാകുന്നത്. മഴ നനഞ്ഞ് ആകെ ബുദ്ധിമുട്ടിലാണ് താനെന്നും ഫ്ലൈറ്റ് മിസായെന്നും താരം തുടക്കം തന്നെ പറഞ്ഞിരുന്നു. ഇതിന് ശേഷം കാറില്‍ കയറി യാത്ര ചെയ്യുമ്പോഴും താരം ലൈവ് തുടര്‍ന്നു. ചിത്രത്തെ കുറിച്ചും വരാനിരിക്കുന്ന പ്രോജക്റ്റുകളെക്കുറിച്ചും പരാജയപ്പെട്ട ചിത്രത്തെക്കുറിച്ചും താരം സംവദിക്കുന്നതിനിടയിലാണ് അപ്രതീക്ഷിതമായി ആ ചോദ്യം എത്തുന്നത്.
‘ബ്രോ രണ്ടെണ്ണം അടിച്ചിട്ടുണ്ടോ, നിങ്ങള്‍ നല്ല സ്റ്റെലായി സംസാരിക്കുന്നുണ്ടല്ലോ..’ അതിരുവിട്ട ഈ ചോദ്യത്തിന് ടൊവിനോ അപ്പോള്‍ തന്നെ മറുപടി നല്‍കി. അല്ല സുഹൃത്തേ നിങ്ങളും നിങ്ങളുടെ വീട്ടിലുള്ളവരും രണ്ടെണ്ണം അടിച്ചാല്‍ മാത്രമേ സ്റ്റെലായി സംസാരിക്കാരുള്ളോ. ഞങ്ങള്‍ കുടുംബപരമായിട്ട് അടിക്കാതെ തന്നെ നന്നായി സംസാരിക്കുന്നവരാണ്.’ ടൊവിനോയുടെ ഈ കലക്കന്‍ മറുപടി ലൈവ് കഴിഞ്ഞതോടെ വൈറലായി.
