ഇരിങ്ങാലക്കുട: നടൻ ടൊവിനോ വോട്ടു ചെയ്യാൻ എത്തിയതു നിറം മാറുന്ന ഷർട്ടും ധരിച്ച്. താരം ക്യൂ നിന്ന് വോട്ടു രേഖപ്പെടുത്തി കഴിഞ്ഞ പ്പോൾ അടുത്ത ചർച്ച ടൊവിനോ ധരിച്ച ഷർട്ടിനെക്കുറിച്ചായി.
ഇരിങ്ങാലക്കുട ഗേൾസ് ഹൈസ്കൂളിൽ കുടുംബാംഗങ്ങളോടൊപ്പം രാവിലെ 6.45 നുതന്നെ ടൊവിനോ വോട്ടുരേഖപ്പെടുത്താൻ എ ത്തി. വോട്ടുചെയ്ത ശേഷം ഷൂട്ടിംഗിനായി എറണാകുളത്തേക്കു തിരിച്ചു.
ഡൽഹിയിൽ നടക്കുന്ന കർഷകസമരത്തോടു ഐക്യദാർഢ്യം പ്രകടിപ്പിച്ച നടൻ കർഷകർ ഇല്ലെങ്കിൽ അന്നം മുടങ്ങുമെന്നു വ്യക്തമാണെന്നു വോട്ട് രേഖപ്പെടുത്തിയ ശേഷം മാധ്യമങ്ങളോടു പറഞ്ഞു.
വോട്ട് രേഖപ്പെടുത്താൻ ക്യൂവിൽ നിൽക്കുന്ന താരത്തിന്‍റെ ചിത്രവും ശേഷമുള്ള ചിത്രവും ഇതിനകംതന്നെ വൈറലായി. വെള്ള നിറമുള്ള ഷർട്ട് ധരിച്ചായിരുന്നു ടൊവിനോ വോട്ട് രേഖപ്പെടുത്താൻ എത്തിയത്.
വെയിലത്തേക്ക് എത്തുന്പോൾ വെളുത്ത ഷർട്ടിൽ നീല നിറത്തിൽ ഒലിവിലകൾക്കു സമാനമായ ഡിസൈൻ പ്രത്യക്ഷപ്പെടും. ടൊവിനോയുടെ വോട്ടിനൊപ്പം ഷർട്ടും ഇപ്പോൾ ചർച്ചയാണ്.
