കോ​ട്ട​യ​ത്തെ ഗ​താ​ഗ​ത​ക്കു​രു​ക്കി​ന് അ​വ​സാ​ന​മി​ല്ലേ ‍‍? ജ​നം സാ​ധാ​ര​ണ ജീ​വി​ത​ത്തി​ലേ​ക്ക് തി​രി​ച്ചെ​ത്തി​യ​പ്പോ​ൾ ന​ഗ​ര​ത്തി​ലെ​ത്താ​ൻ കാ​ത്തു​കി​ട​ക്കേ​ണ്ട​ത് മ​ണി​ക്കൂ​റു​കൾ…

കോ​ട്ട​യം: ന​ഗ​ര​ത്തി​ലെ ഗ​താ​ത​ഗ​ക്കു​രു​ക്കി​നു പ​രി​ഹാ​ര​മി​ല്ല. വ​ല​യു​ന്ന​ത് യാ​ത്ര​ക്കാ​ർ. ഇ​ന്ന​ലെ പ​ക​ൽ ന​ഗ​ര​ത്തി​ലും പ​രി​സ​ര ടൗ​ണു​ക​ളി​ലും അ​തി​യാ​യ ഗ​താ​ഗ​ത​ക്കു​രു​ക്കാ​ണ് അ​നു​ഭ​വ​പ്പെ​ട്ട​ത്.പ്ര​ധാ​ന റോ​ഡു​ക​ളി​ലെ​ല്ലാം വാ​ഹ​ന​ങ്ങ​ളു​ടെ വ​ലി​യ തി​ര​ക്കാ​ണ് അ​നു​ഭ​വ​പ്പെ​ട്ട​ത്.

എം​സി റോ​ഡി​ൽ ചി​ങ്ങ​വ​നം ച​ന്ത​ക്ക​വ​ല​യി​ലും സി​മന്‍റ് ക​വ​ല​യി​ലും ന​ഗ​ര​ത്തി​ലും നാ​ഗ​ന്പ​ടം പാ​ല​ം ഭാഗത്തും ഗ​താ​ഗ​ത​കു​രു​ക്ക് രൂ​ക്ഷ​മാ​യി​രു​ന്നു. കെ​കെ റോ​ഡി​ൽ ക​ഞ്ഞി​ക്കു​ഴി മു​ത​ൽ തി​രു​ന​ക്ക​ര​വ​രെ വ​ലി​യ കു​രു​ക്കാ​ണ് അ​നു​ഭ​വ​പ്പെ​ട്ട​ത്.

എം​സി റോ​ഡി​ൽ നാ​ഗ​ന്പ​ടം പാ​ല​ത്തി​നും റെ​യി​ൽ​വേ മേ​ൽ​പാ​ല​ത്തി​നും ഇ​ട​യി​ലു​ള്ള ഭാ​ഗ​ത്ത് റോ​ഡി​ൽ രൂ​പ​പ്പെ​ട്ട കു​ഴി​ക​ളാ​ണ് ഗ​താ​ഗ​ത​ക്കു​രു​ക്കി​നു കാ​ര​ണ​മാ​യ​ത്. വ​ലി​യ വാ​ഹ​ന​ങ്ങ​ൾ കു​ഴി​ക​ളി​ൽ ചാ​ടി​യി​റ​ങ്ങു​ന്പോ​ൾ ദീ​ർ​ഘ​സ​മ​യം ഏ​ടു​ക്കും.

ഇ​തോ​ടെ സീ​സ​ർ ജം​ഗ്ഷ​ൻ മു​ത​ലും ഇ​പ്പു​റ​ത്ത് എ​സ്എ​ച്ച് മൗ​ണ്ട് വ​രെ​യും ഗ​താ​ഗ​ത​ക്കു​രു​ക്ക് നീ​ണ്ടു. ഗ​താ​ഗ​ത​ക്കു​രു​ക്കി​ൽ അ​ക​പ്പെ​ട്ട് വാ​ഹ​ന​ങ്ങ​ൾ ഇ​രു​വ​ശ​ങ്ങ​ളി​ലും നി​ര​ന്ന​തോ​ടെ നാ​ഗ​ന്പ​ടം ശ​രി​ക്കും കു​രു​ങ്ങി. രാ​വി​ലെ​യും വൈ​കു​ന്നേ​ര​വു​മു​ണ്ടാ​യ കു​രു​ക്ക് ഏ​റെ നേ​രം നീ​ണ്ടു നി​ന്നു.

റോ​ഡി​ലെ കു​ഴി​ക​ൾ ക​ഴി​ഞ്ഞ​ദി​വ​സം അ​ധി​കൃ​ത​ർ ചെ​റി​യ മെ​റ്റ​ൽ ഉ​പ​യോ​ഗി​ച്ച് നി​ക​ത്തി​യെ​ങ്കി​ലും ഫ​ല​പ്ര​ദ​മാ​യി​ല്ല.ച​ന്ത​ക്ക​വ​ല​യി​ൽ രൂ​ക്ഷ​മാ​യ വാ​ഹ​ന കു​രു​ക്ക് ഒ​ഴി​വാ​ക്കാ​ൻ അ​ധി​കൃ​ത​ർ ബാ​രി​ക്കേ​ഡ് സ്ഥാ​പി​ച്ച​തു കൂ​ടു​ത​ൽ ബു​ദ്ധി​മു​ട്ട് സൃ​ഷ്ടി​ച്ച​താ​യി ആ​ളു​ക​ൾ പ​റ​യു​ന്നു.

ഞാ​ലി​യാ​കു​ഴി റോ​ഡി​ൽ​നി​ന്നും ച​ന്ത​ക്ക​ട​വി​ലേ​ക്ക് പോ​കു​വാ​നും തി​രി​ച്ചും സി​മ​ന്‍റ് ക​വ​ല​യി​ൽനിന്ന് പാ​റേ​ച്ചാ​ൽ ബൈ​പ്പാ​സി​ലേ​ക്കു ക​ട​ക്കു​ന്ന​തും തി​രി​ച്ച് എം​സി റോ​ഡി​ലേ​ക്ക് ക​യ​റു​ന്ന​തും ഏ​റെ ദു​ഷ്ക​ര​മാ​ണ്. റോ​ഡി​നു വീ​തി കു​റ​വാ​ണു ഇ​വി​ടു​ത്തെ പ്ര​ധാ​ന പ്ര​ശ്നം. എം​സി റോ​ഡി​ൽ കു​രു​ക്കി​ല​ക​പ്പെ​ടു​ന്ന വാ​ഹ​ന​ങ്ങ​ളു​ടെ നീ​ണ്ട നി​ര​യാ​ണു പ​ല​പ്പോ​ഴും.