കോഴിക്കോട്: താമരശേരി ചുരത്തിൽ ഗതാഗത തടസം. കെഎസ്ആർടിസി ബസ് യന്ത്ര തകരാറിനെ തുടർന്ന് കുടുങ്ങിയതാണ് ഗതാഗതക്കുരുക്കിന് കാരണം.
ആറാം വളവിലാണ് കെഎസ്ആർടിസി എക്സ്പ്രസ് കുടുങ്ങിയത്. കർക്കിടക വാവു പ്രമാണിച്ച് ഇന്ന് അവധിയായതിനാൽ ചുരത്തിൽ വാഹനങ്ങളുടെ നല്ല ഒഴുക്കുണ്ട്.
വയനാട്ടിലെ വിവിധ ക്ഷേത്രങ്ങളിൽ ബലിയിടാനായി മറ്റു ജില്ലകളിൽനിന്ന് എത്തിയവരും കുരുക്കിൽപ്പെട്ടു.
ചുരം സംരക്ഷണ സമിതി പ്രവർത്തകർ ഇടപെട്ടാണ് ഇരുവശത്തേക്കും വാഹനങ്ങൾ കടത്തിവിടുന്നത്.
