കൊല്ലം: പാളം മുറിച്ചുകടക്കവെ കാൽ ട്രാക്കിൽ കുടുങ്ങിയതിനെതുടർന്ന് ട്രെയിൻ തട്ടി അധ്യാപികയുടെ കാൽ അറ്റു. വാളത്തുംഗൽ ഹൈസ്കൂളിലെ അധ്യാപിക കടവൂർ സ്വദേശി ശശികലയുടെ കാലാണ് ട്രെയിൻ തട്ടി അറ്റുപോയത്.
ഇന്നലെ വൈകുന്നേരം 4.45ഓടെ കൊല്ലം എസ്എൻ കോളജിന് സമീപത്തെ ട്രാക്കിലായിരുന്നു സംഭവം.
ഇവർ പാളം മറികടക്കുന്നതിനിടെ കാൽ പാളത്തിൽ കുടുങ്ങുകയായിരുന്നു. കാൽവലിച്ചെടുക്കാൻ ശ്രമിച്ചെങ്കിലും നടന്നില്ല. അപ്പോഴേക്കും കൊച്ചുവേള സ്പെഷൽ ട്രെയിൻ വന്ന് ഇടിയ്ക്കുകയായിരുന്നു. കാൽ അറ്റുപോയ ഇവരെ ഉടൻ ജില്ലാ ആശുപത്രിയിലും തുടർന്ന് മേവറത്തെ സ്വകാര്യ മെഡിക്കൽ കോളജ് ആശുപത്രിയിലും എത്തിച്ച് അടിയന്തിര ശസ്ത്രക്രിയ നടത്തി.
ു
