തിരുവനന്തപുരം: പാളത്തില്‍ അറ്റകുറ്റപ്പണി നടക്കുന്നതിനാല്‍ ട്രെയിന്‍ ഗതാഗതത്തില്‍ നിയന്ത്രണമേര്‍പ്പെടുത്തിയതായി റെയില്‍വേ അറിയിച്ചു.
ഹരിപ്പാട്, ചേപ്പാട്, പുതുക്കാട്, തൃപ്പൂണിത്തുറ, മുളന്തുരുത്തി, ഓച്ചിറ, കരുനാഗപ്പള്ളി മേഖലകളില്‍ പാളത്തില്‍ അറ്റകുറ്റപ്പണി നടക്കുന്നതിനാലാണ് നിയന്ത്രണം ഏർപ്പെടുത്തിയിരിക്കു ന്നത്. നാല് ട്രെയിനുകള്‍ പൂര്‍ണമായും ആറെണ്ണം ഭാഗികമായും റദ്ദാക്കി.
മാര്‍ച്ച് 26ന് തിരുവനന്തപുരം-കണ്ണൂര്‍ ജനശതാബ്ദി, എറണാകുളം- ഷൊര്‍ണൂര്‍ മെമു, എറണാകുളം-ഗുരുവായൂര്‍ എക്‌സ്പ്രസ് എന്നിവയും മാര്‍ച്ച് 27ലെ കണ്ണൂര്‍-തിരുവനന്തപുരം ജനശതാബ്‌ദിയും റദ്ദാക്കി.
മാര്‍ച്ച് 8, 9, 13, 17, 19 ദിവസങ്ങളില്‍ കൊല്ലം-എറണാകുളം മെമു കായംകുളത്തും 26ന് തൃശൂരും യാത്ര അവസാനിപ്പിക്കും. 25ന് പുറപ്പെടുന്ന ചെന്നൈ സെന്‍ട്രല്‍- തിരുവനന്തപുരം 26ന് തൃശൂരും യാത്ര അവസാനിപ്പിക്കും.
26ന് തിരുവനന്തപുരത്ത് നിന്ന് പുറപ്പെടേണ്ട ചെന്നൈ സെന്‍ട്രല്‍ തൃശൂരില്‍ നിന്ന് പുറപ്പെടും.മാര്‍ച്ച് 12 മുതല്‍ 31 വരെ (19നും 26നും ഒഴികെ) നിലമ്പൂര്‍-കോട്ടയം എറണാകുളത്ത് യാത്ര അവസാനിപ്പിക്കും.
ഇന്നത്തെ കൊച്ചുവേളി-ലോകമാന്യതിലക് സൂപ്പര്‍ഫാസ്റ്റ് കോട്ടയം മുളന്തുരുത്തി സെക‌്ഷനില്‍ ഒരു മണിക്കൂര്‍ വൈകും. ഇന്നു മുതല്‍ 31 വരെ (ബുധനാഴ്ചകളില്‍ ഒഴികെ) എറണാകുളം-കൊല്ലം കായംകുളത്ത് യാത്ര അവസാനിപ്പിക്കും.
8, 9, 13, 14, 17, 18, 19 ദിവസങ്ങളില്‍ ചെന്നൈ എഗ്മോര്‍-ഗുരുവായൂര്‍ കായംകുളത്ത് അരമണിക്കൂര്‍ നിര്‍ത്തിയിടും. ഒമ്പതിന് പുറപ്പെടുന്ന കൊച്ചുവേളി-ലോകമാന്യതിലക് മുളന്തുരുത്തിയില്‍ ഒരു മണിക്കൂര്‍ നിര്‍ത്തിയിടും.
26ന് കന്യാകുമാരി-ബംഗളൂരു രണ്ടു മണിക്കൂര്‍ വൈകി 12.10ന് കന്യാകുമാരിയില്‍നിന്ന് പുറപ്പെടും. 11നും 16നും ഒന്നേകാല്‍ മണിക്കൂര്‍ വൈകുകയും ചെയ്യും.
