ട്രെ​യി​ൻ ത​ട​ഞ്ഞ​വ​ർ  ഊ​രാ​ക്കു​ടു​ക്കി​ലേ​ക്ക്; ജാ​മ്യ​മി​ല്ലാ വ​കു​പ്പു​മാ​യി ആ​ർ​പി​എ​ഫ്; കൊ​ച്ചി​യി​ൽ 350 പേ​ർ​ക്കെ​തി​രേ കേ​സ്

ജോ​ണ്‍​സ​ണ്‍ വേ​ങ്ങ​ത്ത​ടം
കൊ​ച്ചി: പ്ര​തി​പ​ക്ഷ​പാ​ർ​ട്ടി​ക​ൾ രാ​ജ്യ​വ്യാ​പ​ക​മാ​യി പ്ര​ഖ്യാ​പി​ച്ച 48 മ​ണി​ക്കൂ​ർ പ​ണി​മു​ട​ക്കി​ൽ പ​ങ്കെ​ടു​ത്തു സം​സ്ഥാ​ന​ത്തു ട്രെ​യി​ൻ ത​ട​ഞ്ഞ നേ​താ​ക്ക​ൾ ഉ​ൾ​പ്പെ​ടെ ഉൗ​രാ​ക്കു​ടു​ക്കി​ലേ​ക്ക്. സം​സ്ഥാ​ന സ​ർ​ക്കാ​രി​ന് യാ​തൊ​രു നി​യ​ന്ത്ര​ണ​വു​മി​ല്ലാ​ത്ത റെ​യി​ൽ​വേ സു​ര​ക്ഷ ാസേ​ന (ആ​ർ​പി​എ​ഫ്) ട്രെ​യി​നു​ക​ൾ ത​ട​ഞ്ഞ​വ​ർ​ക്കെ​തി​രേ ജാ​മ്യ​മി​ല്ലാ​വ​കു​പ്പ് പ്ര​കാ​രം കേ​സെ​ടു​ത്തി​രി​ക്കു​ക​യാ​ണ്.

ട്രെ​യി​നു​ക​ൾ ത​ട​ഞ്ഞ​വ​ർ​ക്കെ​തി​രേ ശ​ക്ത​മാ​യ നി​യ​മ​ന​ട​പ​ടി സ്വീ​ക​രി​ക്കാ​നാ​ണ് നി​ർ​ദേ​ശം ല​ഭി​ച്ചി​രി​ക്കു​ന്ന​ത്. റെ​യി​ൽ​വേ വ​കു​പ്പി​ൽ നി​ന്നു​മാ​ണ് നി​ർ​ദേ​ശ​മെ​ന്ന് ഉ​ദ്യോ​ഗ​സ്ഥ​ർ പ​റ​യു​ന്നു. ഇ​തി​ൽ യാ​തൊ​രു​വി​ധ വി​ട്ടു​വീ​ഴ്ച​യും വേ​ണ്ടെ​ന്നും നി​ർ​ദേ​ശ​മു​ണ്ട്. ട്രെ​യി​നു​ക​ൾ​ക്കു മു​ക​ളി​ൽ ക​യ​റി നി​ന്നു പ്ര​സം​ഗി​ച്ച​വ​ർ ഉ​ൾ​പ്പെ​ടെ അ​ക​ത്താ​കു​ന്ന അ​വ​സ്ഥ​യാ​ണ്. അ​നു​വാ​ദ​മി​ല്ലാ​തെ റെ​യി​ൽ​വേ പ​രി​സ​ര​ത്ത് ക​യ​റ​ൽ, നി​യ​മാ​നു​സൃ​ത​മു​ള്ള റെ​യി​ൽ​വേ ജോ​ലി ത​ട​സ​പ്പെ​ടു​ത്ത​ൽ, വ​ണ്ടി​ത​ട​യ​ൽ, യാ​ത്ര ത​ട​സ​പ്പെ​ടു​ത്ത​ൽ തു​ട​ങ്ങി​യ വ​കു​പ്പു​ക​ളാ​ണ് ചേ​ർ​ത്തി​ട്ടു​ള്ള​ത്.

ക​ണ്ടാ​ല​റി​യു​ന്ന​വ​ർ​ക്കെ​തി​രേ പി​ന്നീ​ട് കേ​സെ​ടു​ക്കും. ഏ​താ​യാ​ലും കേ​ര​ള​ത്തി​ലെ പോ​ലീ​സി​നു സ​ഹാ​യി​ക്കാ​ൻ പ​റ്റാ​ത്ത വി​ധം കു​രു​ക്കു മു​റു​ക്കു​ക​യാ​ണ് ആ​ർ​പി​എ​ഫ്. റെ​യി​ൽ​വേ​യ്ക്കു ക​ന​ത്ത ന​ഷ്ടം വ​രു​ത്തി​യെ​ന്നാ​ണ് റി​പ്പോ​ർ​ട്ട് പോ​യി​രി​ക്കു​ന്ന​ത്. തി​രു​വ​ന​ന്ത​പു​ര​ത്ത് സി​പി​എം സം​സ്ഥാ​ന ക​മ്മി​റ്റി അം​ഗ​ങ്ങ​ൾ​ക്കെ​തി​രേ വ​രെ കേ​സെ​ടു​ത്തി​ട്ടു​ണ്ട്. കേ​സു​മാ​യി മു​ന്നോട്ട് പോ​യാ​ൽ പ​ല​ നേ​താ​ക്ക​ളും അ​ക​ത്താ​കു​ക​യും മ​ത്സ​ര​രം​ഗ​ത്തു നി​ന്നു​മാ​റി നി​ല്ക്കേ​ണ്ടി​യും വ​രും.

കൊ​ച്ചി​യി​ൽ മാ​ത്രം ര​ണ്ടു ദി​വ​സ​മാ​യി 350 പേ​രു​ടെ പേ​രി​ലാ​ണ് കേ​സെ​ടു​ത്തി​രി​ക്കു​ന്ന​ത്. ടൗ​ണ്‍ ജം​ഗ്ഷ​ൻ, ക​ള​മ​ശേ​രി, തൃ​പ്പൂ​ണി​ത്തു​റ എ​ന്നീ സ്റ്റേ​ഷ​നു​ക​ളി​ൽ ട്രെ​യി​നു​ക​ൾ ത​ട​ഞ്ഞ​തി​നാ​ണ് 350പേ​ർ​ക്കെ​തി​രേ കേ​സ്. പ​ണി​മു​ട​ക്കി​നു ട്രെ​യി​ൻ ത​ട​ഞ്ഞ​വ​ർ​ക്കെ​തി​രെ മൂ​ന്നു വ​ർ​ഷം ത​ട​വ് ഉ​ൾ​പ്പെ​ടെ ല​ഭി​ക്കാ​വു​ന്ന കു​റ്റ​ങ്ങ​ൾ ചു​മ​ത്തി​യാ​ണ് റെ​യി​ൽ​വേ സം​ര​ക്ഷ​ണ​സേ​ന കേ​സെ​ടു​ത്ത​ത്. തി​രു​വ​ന​ന്ത​പു​രം, പാ​ല​ക്കാ​ട് ഡി​വി​ഷ​നു​ക​ളി​ലാ​യി 49 ട്രെ​യി​നു​ക​ളാ​ണ് ര​ണ്ടു ദി​വ​സ​മാ​യി ത​ട​ഞ്ഞ​ത്.

ചെ​റു​വ​ത്തൂ​ർ, കാ​ഞ്ഞ​ങ്ങാ​ട്, കാ​സ​ർ​ഗോഡ് സ്റ്റേ​ഷ​നു​ക​ളി​ൽ വ​ണ്ടി ത​ട​ഞ്ഞ​തി​നു 32 പേ​ർ​ക്കെ​തി​രേ​യാ​ണ് കേ​സെ​ടു​ത്ത​ത്. നാ​ലു റെ​യി​ൽ​വേ വ​കു​പ്പു​ക​ൾ ചേ​ർ​ത്താ​ണ് കേ​സെ​ടു​ത്ത​ത്. ചെ​റു​വ​ത്തൂ​രി​ൽ 12-ഉം ​കാ​ഞ്ഞ​ങ്ങാ​ട്ടും കാ​സ​ർ​ഗോട്ടും 10 വീ​ത​വും നേ​താ​ക്ക​ൾ​ക്കെ​തി​രേ​യാ​ണ് കേ​സു​ള്ള​ത്. പ​ണി​മു​ട​ക്കി​ന്‍റെ ര​ണ്ടാം​ദി​നം ക​ണ്ണൂ​ർ ജി​ല്ല​യി​ൽ നാ​ല് സ്റ്റേ​ഷ​നു​ക​ളി​ൽ തീ​വ​ണ്ടി ത​ട​ഞ്ഞു.

ത​ല​ശേ​രി സ്റ്റേ​ഷ​നി​ൽ രാ​വി​ലെ മം​ഗ​ളൂ​രു-​കോ​ഴി​ക്കോ​ട് പാ​സ​ഞ്ച​റാ​ണ് ത​ട​ഞ്ഞ​ത്. ക​ണ്ണൂ​രി​ൽ ബു​ധാ​ഴ്ച​യും ചെ​ന്നൈ-​മം​ഗ​ളൂ​രു മെ​യി​ൽ ത​ട​ഞ്ഞു. അ​ര​മ​ണി​ക്കൂ​റി​നു ശേ​ഷം വ​ണ്ടി വി​ട്ടു. ക​ണ്ണ​പു​ര​ത്ത് മം​ഗ​ളൂ​രു-​എ​ഗ്മോ​റും പ​യ്യ​ന്നൂ​രി​ൽ തി​രു​വ​ന​ന്ത​പു​രം-​മം​ഗ​ളൂ​രു മ​ല​ബാ​ർ എ​ക്സ്പ്ര​സു​മാ​ണ് ത​ട​ഞ്ഞ​ത്.

ക​ണ്ണൂ​രി​ൽ തീ​വ​ണ്ടി എ​ൻ​ജി​നു മു​ക​ളി​ൽ ക​യ​റി​യു​ള്ള പ്ര​സം​ഗ​വും വി​വാ​ദ​മാ​കു​ന്നു. ചൊ​വ്വാ​ഴ്ച തീ​വ​ണ്ടി ത​ട​ഞ്ഞ​തി​നു ശേ​ഷം നേ​താ​ക്ക​ൾ എ​ൻ​ജി​നു മു​ന്നി​ലെ ചെ​റി​യ സ്ഥ​ല​ത്ത് ക​യ​റി പ്ര​സം​ഗി​ച്ച​താ​ണ് പ്ര​ശ്ന​മാ​യ​ത്. ചൊ​വ്വാ​ഴ്ച ത​ല​ശേ​രി സ്റ്റേ​ഷ​നി​ൽ കോ​ഴി​ക്കോ​ട്-​ക​ണ്ണൂ​ർ പാ​സ​ഞ്ച​ർ ത​ട​ഞ്ഞി​രു​ന്നു. എ​ൻ​ജി​ൻ പ​രി​ശോ​ധി​ക്കു​ന്ന മു​ൻ​വ​ശ​ത്തെ സ്ഥ​ല​ത്ത് ക​യ​റി​യാ​ണ് നേ​താ​ക്ക​ൾ പ്ര​സം​ഗി​ച്ച​ത്.

പാ​സ​ഞ്ച​റി​ൽ ഡീ​സ​ൽ എ​ൻ​ജി​നാ​ണെ​ങ്കി​ലും മു​ക​ളി​ൽ 25,000 വോ​ൾ​ട്ട് പ്ര​വ​ഹി​ക്കു​ന്ന വൈ​ദ്യു​തി ലൈ​ൻ പോ​കു​ന്നു​ണ്ട്. അ​ബ​ദ്ധ​ത്തി​ൽ കൊ​ടി​യോ മ​റ്റോ ലൈ​നി​ൽ കു​ടു​ങ്ങി​യാ​ൽ അ​പ​ക​ടം സം​ഭ​വി​ക്കും. ഇ​ത്ത​രം പ്ര​സം​ഗ​ത്തി​ന്‍റെ ചി​ത്രം സാ​മൂ​ഹി​ക​മാ​ധ്യ​മ​ങ്ങ​ളി​ൽ പ്ര​ച​രി​ച്ചി​രു​ന്നു. ക​ണ്ണൂ​ർ റെ​യി​ൽ​വേ സ്റ്റേ​ഷ​നി​ൽ മെ​യി​ലി​ന്‍റെ എ​ൻ​ജി​നി​ലും ക​യ​റി​പ്പ​റ്റാ​ൻ ചി​ല​ർ ശ്ര​മി​ച്ചു. റെ​യി​ൽ​വേ സു​ര​ക്ഷാ​വി​ഭാ​ഗ​ത്തി​ന്‍റെ ഇ​ട​പെ​ട​ൽ​മൂ​ലം ന​ട​ന്നി​ല്ല.