തൃശൂർ: രാമേശ്വരത്തിനുള്ള സ്പെഷൽ ട്രെയിനിന്‍റെ സമയം മാറ്റുന്നു. തൃശൂരിൽ നിന്നു കയറുന്ന യാത്രക്കാർക്ക് അനുയോജ്യമായ രീതിയിലാണ് സമയം മാറ്റിയിരിക്കുന്നത്. അടുത്ത മാസം 14, 21, 28 തിയതികളിൽ ഓടുന്ന സ്പെഷൽ ട്രെയിനിന്‍റെ സമയമാണ് മാറ്റിയിരിക്കുന്നത്. രാത്രി ഏഴിന് എറണാകുളത്തു നിന്നു പുറപ്പെടുന്ന ട്രെയിൻ രാത്രി എട്ടിന് തൃശൂരിലെത്തും. രാവിലെ ഏഴരയ്ക്ക് ട്രെയിൻ രാമേശ്വരത്തെത്തും.
ഒറ്റദിവസം കൊണ്ട് രാമേശ്വരത്തെത്തി മടങ്ങാൻ കഴിയുമെന്നതാണ് ഇതിന്‍റെ പ്രത്യേകത. നിലവിൽ ഓടുന്ന ട്രെയിൻ പാതിരാത്രിക്കാണ് തൃശൂരിലെത്തുക. ഇത് പിന്നീട് രാമേശ്വരത്തെത്താൻ വൈകും. അടുത്തമാസം മുതൽ സമയക്രമം മാറ്റുന്നതോടെ ആളുകൾക്ക് ഒറ്റ ദിവസം കൊണ്ട് രാമേശ്വരത്തെത്താനും രാത്രി അവിടെ നിന്ന് മടങ്ങാനുമുള്ള സൗകര്യം ഉണ്ടാകും.
