കുതിച്ചു പായുന്ന ട്രെയിനിൽ തൂങ്ങിക്കിടന്ന് യാത്ര ചെയ്യുന്ന യുവാവ് തെറിച്ചു വീഴുന്നതിന്‍റെ ഭീകരദൃശ്യങ്ങൾ പുറത്ത്. ബംഗളുരുവിനു സമീപമാണ് സംഭവം നടന്നത്. ബോഗിയിലെ ജനൽ കമ്പികളിൽ ഇദ്ദേഹം തൂങ്ങികിടന്ന് യാത്രചെയ്യുന്നതാണ് വീഡിയോയിൽ വ്യക്തമാകുന്നത്. അൽപ്പസമയത്തിനു ശേഷം ഇയാൾ കൈവഴുതി തെറിച്ചു വീഴുകയും ചെയ്തു.
ട്രെയിനിലെ മറ്റ് യാത്രികരാണ് ഈ ദൃശ്യങ്ങൾ പകർത്തിയത്. ഇയാളുടെ ആരോഗ്യനിലയെകുറിച്ച് വിവരങ്ങളൊന്നുമില്ല. സോഷ്യൽമീഡിയായിൽ ഈ വീഡിയോ വ്യാപകമായി പ്രചരിച്ചതിനെ തുടർന്ന് ഇയാൾ ഇത്രയും അപകടകരമായി സാഹസിക യാത്ര ചെയ്തിട്ടും ആരും ട്രെയിനിനുള്ളിലേക്ക് കയറ്റാനും ചങ്ങല വലിച്ച് ട്രെയിൻ നിർത്തുവാനും ശ്രമിക്കാഞ്ഞതിനെ വിമർശിച്ച് നിരവധിയാളുകൾ രംഗത്തെത്തിയിട്ടുണ്ട്.
