അമേരിക്കൻ ഫുട്ബോൾ ലീഗ് ഡിസി യുണൈറ്റഡിൻ്റെ പരിശീലക സ്ഥാനം രാജിവച്ച് വെയിൻ റൂണി. ഇംഗ്ലണ്ടിൻ്റെ മുൻ താരമാണ് വെയിൻ റൂണി. രാജിവെക്കാൻ ഇതാണ് ശരിയായ സമയം എന്ന് റൂണി പറഞ്ഞു.
ടീം പ്ലേ ഓഫിൽ പ്രവേശിക്കാതിരുന്നതിനു പിന്നാലെയാണ് റൂണി സ്ഥാനമൊഴിഞ്ഞത്. പരസ്പര ധാരണയിൽ റൂണി സ്ഥാനമൊഴിയുന്നു എന്ന് പ്രസ്താവനയിൽ ക്ലബ് പറയുന്നു.
“ടീമിനു പ്ലേ ഓഫ് യോഗ്യത നേടിക്കൊടുക്കാൻ ഞാൻ കഴിയുന്നത്ര ശ്രമിച്ചു. ഒരു കാര്യം കൊണ്ടല്ല ഇത് സംഭവിച്ചത്. ടൈമിങ് ആണ്.”- റൂണി പറഞ്ഞു.
