കൊച്ചി: എക്സൈസ് ഓഫീസിൽ അതിക്രമിച്ചു കയറി അസഭ്യവർഷവും നഗ്നതാ പ്രദർശനവും നടത്തി ട്രാൻസ്ജെൻഡർ.
പെരുമ്പാവൂർ എക്സൈസ് ഓഫീസിലേക്കാണ് ആസാം സ്വദേശിയായ യുവതി അതിക്രമിച്ചു കയറിയത്. മദ്യ ലഹരിയിലായിരുന്ന ഇവർ ഉദ്യോഗസ്ഥരെ അസഭ്യം പറയുകയും നഗ്‌നതാപ്രദര്‍ശനം നടത്തുകയും ചെയ്യുകയായിരുന്നു.
ഇവരെ ഓഫീസില്‍നിന്ന് പുറത്താക്കി ഗേറ്റ് അടച്ചെങ്കിലും റോഡിലും പരാക്രമം തുടര്‍ന്നതോടെ പെരുമ്പാവൂര്‍ പൊലീസെത്തി യുവതിയെ കസ്റ്റഡിയിലെടുക്കുകയായിരുന്നു.
മദ്യപിച്ച് ബഹളമുണ്ടാക്കിയതിനും ഓഫിസിൽ അതിക്രമിച്ചു കയറിയതിനും യുവതിക്കെതിരേ കേസെടുത്തിട്ടുണ്ട്.
