എങ്ങനെ ഞെട്ടാതിരിക്കും, 12 ശവപ്പെട്ടികളല്ലേ കണ്ടത്…

യൂ​റോ​പ്യ​ൻ രാ​ജ്യ​മാ​യ ഉ​ക്രെ​യി​ന്‍റെ ത​ല​സ്ഥാ​ന​മാ​ണ് കീ​വ്. കീ​വി​ൽ​നി​ന്ന് കി​ലോ​മീ​റ്റ​റു​ക​ൾ മാ​റി സ്ഥി​തിചെ​യ്യു​ന്ന ഒ​റ്റ​പ്പെ​ട്ട ഗ്രാ​മ​മാ​ണ് കി​ലോ. ഈ ​ഗ്രാ​മ​ത്തോ​ടുചേ​ർ​ന്ന് സ്ഥി​തി​ചെ​യ്യു​ന്ന കാ​ട്ടി​ൽ തേ​നെ​ടു​ക്കാ​ൻ പോ​യ​താ​യി​രു​ന്നു കു​റ​ച്ചു ഗ്രാ​മ​വാ​സി​ക​ൾ. അ​വി​ടെ ഒ​രു കാ​ഴ്ച കണ്ട് അ​വ​ർ ഞെ​ട്ടി. കാ​ടി​ന്‍റെ അ​തി​ർ​ത്തി​യോ​ടുചേ​ർ​ന്നുള്ള സ്ഥ​ല​ത്ത് 12 ശ​വ​പ്പെ​ട്ടി​ക​ൾ ഉ​പേ​ക്ഷി​ക്ക​പ്പെ​ട്ട നി​ല​യി​ൽ കി​ട​ക്കു​ന്നു. ഗ്രാ​മ​വാ​സി​ക​ൾ ഉ​ട​ൻ പോ​ലീ​സി​ൽ വി​വ​രം അ​റി​യി​ച്ചു.

ഒരു ​ദി​വ​സം നീണ്ടുനി​ന്ന അ​ന്വേ​ഷ​ണ​ത്തി​നൊ​ടു​വി​ൽ പോ​ലീ​സ് ശ​വ​പ്പെ​ട്ടി​ക​ൾ കാ​ട്ടി​ൽ കൊണ്ടുപോ​യി ഇ​ട്ട​യാ​ളെ പി​ടി​കൂ​ടി. ആ​ന്ദ്രെ സെ​ൽ​വെ​ട്രോ എ​ന്ന മ​നഃശാ​സ്ത്ര​ജ്ഞ​നാ​യി​രു​ന്നു അ​ത്. ചോ​ദ്യംചെ​യ്യ​ലി​ൽ ആ ​ശ​വ​പ്പെ​ട്ടി​ക​ൾ ത​ന്‍റെ ഒ​രു പ്ര​ത്യേ​ക മ​നഃശാ​സ്ത്ര ചി​കി​ത്സ​യ്ക്കു​വേണ്ടി ഉ​പ​യോ​ഗി​ച്ച​താ​ണെ​ന്ന് അ​ദ്ദേ​ഹം വെ​ളി​പ്പെ​ടു​ത്തി.

മാ​ന​സി​ക സ​മ്മ​ർ​ദ്ദ​ങ്ങ​ളു​മാ​യി എ​ത്തു​ന്ന​വ​രെ കാ​ട്ടി​ൽ​കൊണ്ടുവ​ന്ന് ശ​വ​പ്പെ​ട്ടി​യി​ലാ​ക്കി രണ്ടു മണിക്കൂർ മ​ണ്ണി​ന​ടി​യി​ൽ കു​ഴി​ച്ചി​ടു​ന്ന​താ​ണ് ​വി​ചി​ത്ര ചി​കി​ത്സാ രീ​തി. പെ​ട്ടി​ക്കു​ള്ളി​ൽ കി​ട​ക്കു​ന്ന​വ​ർ​ക്ക് ശ്വ​സി​ക്കാ​നാ​യി പു​റ​ത്തേ​ക്ക് ഒ​രു പൈ​പ്പും സ്ഥാ​പി​ക്കും. ഇ​തു​വ​രെ 12 പേ​രി​ൽ ഈ ​ചി​കി​ത്സാ രീ​തി ന​ട​പ്പാ​ക്കി​യി​ട്ടു​ണ്ടെന്നും അ​വ​യെ​ല്ലാം വി​ജ​യ​ക​ര​മാ​യി​രു​ന്നു​വെ​ന്നും മ​നഃ​ശാ​സ്ത്ര​ജ്ഞ​ൻ അ​വ​കാ​ശ​പ്പെ​ടു​ന്നു.

ഷൂ​ട്ട് ചെ​യ്തുവ​ച്ചി​രു​ന്ന ചി​കി​ത്സാ രീ​തി​യു​ടെ കു​റ​ച്ചു ദൃ​ശ്യ​ങ്ങ​ളും അ​ദ്ദേ​ഹം പോ​ലീ​സി​നു കൈ​മാ​റി. ആ​ളു​ക​ൾക്ക് ത​ങ്ങ​ൾ ശ​രി​ക്കും ജീ​വി​ച്ചി​രി​ക്കു​ന്നുവെന്ന് ബോ​ധ്യ​പ്പെ​ടു​ത്തി കൊ​ടു​ക്കാ​ൻ ഈ ​തെ​റാ​പ്പി സ​ഹാ​യി​ക്കു​മ​ത്രേ.

ഏ​താ​യാ​ലും ആ​ന്ദ്രെ​യു​ടെ ചി​കി​ത്സ​യി​ലൂ​ടെ ക​ട​ന്നു​പോ​യ ചി​ല​രെ​യും പോ​ലീ​സ് ചോ​ദ്യം ചെ​യ്തു. അ​വ​രെ​ല്ലാം ഇ​ദ്ദേ​ഹ​ത്തി​ന്‍റെ ചി​കി​ത്സാ രീ​തി​യി​ൽ പൂ​ർ​ണ തൃ​പ്ത​രാ​ണെ​ന്ന് പോ​ലീ​സി​നെ അ​റി​യി​ച്ചു. അ​തോ​ടെ കാ​ട്ടി​ൽ ശ​വ​പ്പെ​ട്ടികൾ കണ്ടെത്തിയ കേ​സ് പോ​ലീ​സ് ഉ​പേ​ക്ഷി​ക്കു​ക​യും ചെ​യ്തു.