കോട്ടയം: കോട്ടയം-കുമരകം റോഡില്‍ ദീപിക ഓഫീസിനു സമീപം റോഡിലേക്ക് മാവിന്‍റെ കൂറ്റന്‍ ശിഖരം ഒടിഞ്ഞുവീണു. അര്‍ധരാത്രിയിലായതിനാല്‍ ആളപായമോ നാശനഷ്ടമോ ഉണ്ടായില്ല.
കുമരകം ഭാഗത്തേക്കുള്ള ബസ്‌റ്റോപ്പിന് സമീപമായിരുന്നു സംഭവം. നിരവധി ആളുകള്‍ ബസ് കാത്ത് നില്‍ക്കുന്ന സ്ഥലമാണിത്.
സ്വകാര്യ വ്യക്തിയുടെ പുരയിടത്തില്‍നില്‍ക്കുന്ന വലിയ മാവിന്‍റെ ശിഖരമാണ് ഒടിഞ്ഞുവീണത്. ഇത്തിള്‍ക്കണ്ണി പിടിച്ച് മരത്തിന്‍റെ ശിഖരങ്ങള്‍ ദ്രവിച്ച അവസ്ഥയിലാണ്.
ഈ പുരയിടത്തിലെ റോഡിനോട് ചേര്‍ന്ന് നില്‍ക്കുന്ന മരങ്ങളും ഉണങ്ങിയ അവസ്ഥയിലാണ്. ഇതും നിലംപതിക്കാം.
