കോട്ടയം: ലോക്ഡൗണ്‍ നിയന്ത്രണങ്ങളുടെ ഭാഗമായി നാളെയും ഞായറാഴ്ചയും അധികനിയന്ത്രണങ്ങളാണ് ഏര്‍പ്പെടുത്തിയിരിക്കുന്നത്.പോലീസ് അനുമതിയോടെ സാമൂഹിക അകലം പാലിച്ചു നിര്‍മാണ പ്രവര്‍ത്തനങ്ങള്‍ നടത്താം.
അടിയന്തര ആവശ്യ സര്‍വീസില്‍പ്പെട്ട കേന്ദ്ര, സംസ്ഥാന സ്വയംഭരണ സ്ഥാപനങ്ങള്‍ കോവിഡ് പ്രതിരോധ പ്രവര്‍ത്തനങ്ങളില്‍ ഏര്‍പ്പെട്ടിരിക്കുന്ന ഓഫീസുകള്‍ക്കും അവിടുത്തെ ഉദ്യോഗസ്ഥര്ക്കും യാത്ര ചെയ്യാം.
അടിയന്തര ആവശ്യ സര്‍വീസില്‍പ്പെട്ട 24 മണിക്കൂറും പ്രവര്‍ത്തിക്കുന്ന എല്ലാ വ്യവസായ സ്ഥാപനങ്ങളും കമ്പനികള്‍ക്കും ഇവിടുത്തെ ജീവനക്കാര്‍ക്കും തിരിച്ചറിയല്‍ കാര്‍ഡ് ഉപയോഗിച്ചു യാത്ര ചെയ്യാം.
ടെലികോം ഇന്‍റ്‍നെറ്റ് സേവന ദാതാക്കളുടെ വാഹനങ്ങള്‍ ജീവനക്കാര്‍ എന്നിവര്‍ക്ക് തിരിച്ചറിയല്‍ കാര്‍ഡ് ഉപയോഗിച്ചു യാത്ര ചെയ്യാം.
ഐടി സ്ഥാപനങ്ങളുടെ പ്രവര്‍ത്തനം ആവശ്യം വേണ്ട ജീവനക്കാരെ മാത്രം നിയോഗിച്ചു നടത്താം.രോഗികള്‍ക്കും സഹായികള്‍ക്കും വാക്‌സിനേഷനു പോകുന്നവര്‍ എന്നിവര്‍ക്ക് തിരിച്ചറിയല്‍ കാര്‍ഡ് ഉപയോഗിച്ചു യാത്ര ചെയ്യാം.
ആവശ്യസാധനങ്ങള്‍ വില്ക്കുന്ന കടകള്‍, പാല്‍ ഉല്പാദക വിതരണ കേന്ദ്രങ്ങള്‍, കള്ള് ഷാപ്പുകള്‍ മത്സ്യ മാംസ വിതരണ കേന്ദ്രങ്ങള്‍ എന്നിവ രാവിലെ ഏഴു മുതല്‍ രാത്രി ഏഴു വരെ പ്രവര്‍ത്തിക്കാം. ഈ സ്ഥാപനങ്ങള്‍ കഴിവതും ഹോം ഡെലിവറി നടത്തണം.
ഹോട്ടലുകള്‍, ബേക്കറികള്‍ എന്നിവ ഹോം ഡെലിവറി സര്‍വീസിനായി മാത്രം രാവിലെ ഏഴു മുതല്‍ രാത്രി ഏഴു വരെ പ്രവര്‍ത്തിക്കാം.
ദീര്‍ഘദൂര ബസ് സര്‍വീസുകള്‍, പൊതുഗതാഗതം, ചരക്ക് വാഹനങ്ങള്‍, എയര്‍പോര്‍ട്ട്, റെയില്‍വേ സ്‌റ്റേഷന്‍, ബസ് സ്റ്റാന്‍ഡ് എന്നിവിടങ്ങളിലേക്കു സ്വകാര്യ പൊതു വാഹനങ്ങള്‍ മതിയായ യാത്ര രേഖകളോടെ അനുവദിച്ചിട്ടുണ്ട്.
കോവിഡ് ജാഗ്രത പോര്‍ട്ടലില്‍ രജിസ്റ്റര്‍ ചെയ്ത വിവാഹം, ഗൃഹപ്രവേശം എന്നിവ പ്രോട്ടോക്കോള് പാലിച്ചു നടത്താം.
കണ്ടെയ്‌മെന്‍റ് സോണുകളില്‍ ഇളവുകള്‍ അനുവദിച്ചിട്ടില്ല. ഇവിടങ്ങളില്‍ അധിക നിയന്ത്രണങ്ങള്‍ തുടരും.
