ചാത്തന്നൂർ: എല്ലാ വീട്ടിലും ഫസ്റ്റ് ബെൽ മുഴങ്ങും എസ്എഫ്ഐ കൂടെയുണ്ട് സന്ദേശവുമായി സ്റ്റുഡന്‍റ്സ് ടിവി ചലഞ്ച്. ഓൺലൈൻ ക്ലാസിന് സൗകര്യമില്ലാത്ത വിദ്യാർഥികളെ സഹായിക്കാനാണ് എസ്എഫ്ഐ കൊട്ടിയം ഏരിയ കമ്മിറ്റി ചലഞ്ച് ഏറ്റെടുത്തിരിക്കുന്നത്.
ഏരിയയിലെ മുഴുവൻ വിദ്യാർഥികൾക്കും ഓൺലൈൻ പഠനം ഉറപ്പുവരുത്തുകയാണ് ലക്ഷ്യം. എസ്എഫ്ഐ ടി വി ചലഞ്ചിന്‍റെ ഏരിയാതല ഉദ്ഘാടനം മയ്യനാട് താന്നി സുനാമി ഫ്ളാറ്റിലെ മൂന്ന് വിദ്യാർഥികൾ അടങ്ങിയ കുടുംബത്തിന് എം. നൗഷാദ് എം എൽ എ ടെലിവിഷൻ കൈമാറി നിർവഹിച്ചു.
എസ്എഫ്ഐ കൊട്ടിയം ഏരിയാ സെക്രട്ടറി സച്ചിൻ ദാസ്, പ്രസിഡന്‍റ് ആദർശ് എസ് മോഹൻ, പഞ്ചായത്ത് അംഗം ഉദയകുമാർ, ഏരിയ വൈസ് പ്രസിഡന്‍റ് ആനന്ദ്, പ്രമോദ്, ആദർശ്, ഹരിലാൽ എന്നിവർ പങ്കെടുത്തു.
