പാട്ടുപാടി രോഗിയെ പരിചരിക്കുന്ന നഴ്സിന്‍റെ വീഡിയോ വൈറലാകുന്നു. തിരുവല്ല പുഷ്പഗിരി മെഡിക്കൽ കോളേജിലെ നഴ്സ് മയൂഷയാണ് രോഗിയുടെ ആവശ്യപ്രകാരം പാട്ടുപാടിയത്.
രാജസംഹസമേ, സ്നേഹസ്വരൂപനാം നാഥ, എന്നീ ഗാനങ്ങളാണ് മയൂഷ പാടിയത്. പാടുന്നതിനിടെ രോഗിക്ക് ഭക്ഷണവും നൽകുന്നുണ്ട്.
മയൂഷയെ അഭിനന്ദിച്ച് നിരവധി പേരാണ് കമന്‍റുകൾ പോസ്റ്റ് ചെയ്തിരിക്കുന്നത്. മാസ്ക് വച്ച് സംസാരിക്കാൻ പാടു പെടുന്പോൾ മനോഹരമായ പാടിയെന്നാണ് ചിലരുടെ കമന്‍റ്.
ചെറിയ കുഞ്ഞുങ്ങൾക്കു അമ്മ വാത്സല്യത്തോടെ പാട്ടുപാടി കഥ പറഞ്ഞു ആഹാരം കൊടുക്കുന്നതുപോലെ തോന്നിയെന്നാണ് ചില കമന്‍റ്.
യുഎൻഎ ശ്രദ്ധയിൽപ്പെടുത്തിയതിനെത്തുടർന്ന് നഴ്സായിരുന്ന, സംഗീത സംവിധായകൻ ഷാന്‍റി ആന്‍റണി മയൂഷയെ പാടിക്കുമെന്ന് അറിയിച്ചിട്ടുണ്ട്.
