അഞ്ചു വർഷം വെള്ളം കോരിയത് വെറുതെയോ? മുഖ്യമന്ത്രിയെ തെരഞ്ഞെടുപ്പിനു ശേഷം പ്രഖ്യാപിക്കുമെന്നതിലും അപകടം മണത്ത് ഐ ഗ്രൂപ്പ്; അപ്രതീക്ഷിത തിരിച്ചടിയിൽ ഐ ഗ്രൂപ്പിന്‍റെ മറുതന്ത്രം തയാർ

എം.​ജെ ശ്രീ​ജി​ത്ത്

തി​രു​വ​ന​ന്ത​പു​രം: അ​ഞ്ചു വ​ർ​ഷം വെ​ള്ളം കോ​രി​യ​തു വെ​റു​തെ​യാ​കു​മോ? തെ​ര​ഞ്ഞെ​ടു​പ്പി​നു തൊ​ട്ടു​മു​ന്പ് നാ​യ​ക​നാ​യി ഉ​മ്മ​ൻ ചാ​ണ്ടി​യെ നി​യോ​ഗി​ച്ച ഹൈ​ക്ക​മാ​ൻ​ഡ് തീ​രു​മാ​ന​ത്തി​ൽ ഞെ​ട്ടി​ത്ത​രി​ച്ചു ഐ ​ഗ്രൂ​പ്പ്.

തെ​ര​ഞ്ഞെ​ടു​പ്പി​ലെ നാ​യ​ക​സ്ഥാ​നം ഉ​മ്മ​ൻ ചാ​ണ്ടി​ക്കു ന​ൽ​കു​ന്ന​തി​ൽ ഐ ​ഗ്രൂ​പ്പി​ൽ ക​ടു​ത്ത അ​മ​ർ​ഷ​മാ​ണ് ഉ​യ​ർ​ന്നി​രി​ക്കു​ന്ന​ത്. മു​ഖ്യ​മ​ന്ത്രി​യെ തെ​ര​ഞ്ഞെ​ടു​പ്പി​നു ശേ​ഷം പ്ര​ഖ്യാ​പി​ക്കും എ​ന്ന​തി​ൽ വ​ലി​യ അ​പ​ക​ട​മാ​ണ് പ​തി​യി​രി​ക്കു​ന്ന​തെ​ന്നാ​ണ് ഐ ​ഗ്രൂ​പ്പ് വി​ല​യി​രു​ത്ത​ൽ.

കൂ​ടു​ത​ൽ എം​എ​ൽ​എ​മാ​രെ എ ​ഗ്രൂ​പ്പ് നേ​ടി​യാ​ൽ ര​മേ​ശ് ചെ​ന്നി​ത്ത​ല​യു​ടെ അ​വ​സ​ര​ത്തി​ന് അ​പ്പോ​ൾ ത​ട​യി​ടു​മോ​യെ​ന്ന ആ​ശ​ങ്ക​യാ​ണ് ഐ ​ഗ്രൂ​പ്പി​ൽ ക​ല​ശ​ലാ​യി​രി​ക്കു​ന്ന​ത്.

ഫ​ല​ത്തി​ൽ വീ​ണ്ടും മു​ഖ്യ​മ​ന്ത്രി സ്ഥാ​നം ഉ​മ്മ​ൻ ചാ​ണ്ടി​യി​ലേ​ക്കു ത​ന്നെ എ​ത്താ​നു​ള്ള വ​ഴി​യാ​ണ് തു​റ​ന്നി​രി​ക്കു​ന്ന​ത്. ക​ഴി​ഞ്ഞ അ​ഞ്ചു വ​ർ​ഷ​വും പ്ര​തി​പ​ക്ഷ നേ​താ​വാ​യി മി​ക​ച്ച പ്ര​ക​ട​ന​മാ​ണ് ര​മേ​ശ് ചെ​ന്നി​ത്ത​ല ന​ട​ത്തി​യ​തെ​ന്ന് ഐ ​ഗ്രൂ​പ്പ് പ​റ​യു​ന്നു.

സ്പ്രിം​ഗ്ള​ർ അ​ട​ക്കം നി​ര​വ​ധി അ​ഴി​മ​തി​യാ​രോ​പ​ണ​ങ്ങ​ളു​മാ​യി സ​ർ​ക്കാ​രി​നെ മു​ൾ​മു​ന​യി​ൽ നി​ർ​ത്തി​യ ര​മേ​ശ് ചെ​ന്നി​ത്ത​ല​യെ പാ​ടെ ഒ​ഴി​വാ​ക്കു​ന്ന ന​ട​പ​ടി​യാ​ണ് ഹൈ​ക്ക​മാ​ൻ​ഡി​ന്‍റെ ഭാ​ഗ​ത്തു നി​ന്നു​ണ്ടാ​യ​തെ​ന്നാ​ണ് ഐ ​ഗ്രൂ​പ്പ് ക​രു​തു​ന്ന​ത്.

ക​ഴി​ഞ്ഞ നി​യ​മ സ​ഭാ തെ​ര​ഞ്ഞെ​ടു​പ്പി​നു​ശേ​ഷം ഉ​മ്മ​ൻ ചാ​ണ്ടി നേ​തൃ​സ്ഥാ​ന​ത്തു​നി​ന്നു മാ​റി നി​ന്ന​പ്പോ​ൾ ഘ​ട​ക​ക​ക്ഷി​ക​ൾ ഉ​ൾ​പ്പെ​ടെ എ​ല്ലാ​വ​രേ​യും ചെ​ന്നി​ത്ത​ല ഒ​രു​മി​ച്ചു നി​ർ​ത്തി​യ​തും ത​ദ്ദേ​ശ തെ​ര​ഞ്ഞെ​ടു​പ്പി​ൽ നേ​രി​യ തോ​തി​ൽ പി​ന്നോ​ക്കം പോ​യെ​ങ്കി​ലും മി​ക​ച്ച പ്ര​ക​ട​നം കാ​ഴ്ചവ​ച്ച​തും കാ​ണാ​തെ​യു​ള്ള ഹൈ​ക്ക​മാ​ൻ​ഡി​ന്‍റെ ഇ​പ്പോ​ഴ​ത്തെ തീ​രു​മാ​നം എ ​ഗ്രൂ​പ്പി​ന്‍റെ സ​മ്മ​ർ​ദ്ദ​ങ്ങ​ൾ​ക്കു വ​ഴ​ങ്ങി​യാ​ണെ​ന്നാ​ണ് ഐ ​ഗ്രൂ​പ്പി​ന്‍റെ നി​ല​പാ​ട്.

വി​ട്ടു​കൊ​ടു​ക്കി​ല്ല

ത​ത്കാ​ലം മി​ണ്ടാ​തി​രു​ന്നാ​ലും നി​യ​മ​സ​ഭാ തെ​ര​ഞ്ഞെ​ടു​പ്പ് ക​ഴി​യു​ന്പോ​ൾ എ ​ഗ്രൂ​പ്പി​നേ​ക്കാ​ൾ കൂ​ടു​ത​ൽ എം​എ​ൽ​എ​മാ​ർ ഐ ​ഗ്രൂ​പ്പി​നു​ണ്ടാ​യാ​ൽ മു​ഖ്യ​മ​ന്ത്രി സ്ഥാ​നം വി​ട്ടു കൊ​ടു​ക്കേ​ണ്ടെ​ന്നാ​ണ് തീ​രു​മാ​നം.

ക​ഴി​ഞ്ഞ ത​വ​ണ ഇ​തേ മാ​ന​ദ​ണ്ഡം ഉ​പ​യോ​ഗി​ച്ചാ​ണ് പ്ര​തി​പ​ക്ഷ നേ​തൃ​സ്ഥാ​നം ഐ ​ഗ്രൂ​പ്പ് നേ​ടി​യെ​ടു​ത്ത​ത്.

ഇ​തു മ​ന​സി​ൽ ക​ണ്ടു​ള്ള നീ​ക്കം ത​ന്നെ​യാ​ണ് ഐ ​ഗ്രൂ​പ്പ് ന​ട​ത്താ​ൻ പോ​കു​ന്ന​ത്. എം​എ​ൽ​എ​മാ​രു​ടെ എ​ണ്ണം കൂ​ടി​യാ​ൽ ഇ​തു ചൂ​ണ്ടി​ക്കാ​ട്ടി ഹൈ​ക്ക​മാ​ൻ​ഡി​നെ സ​മ്മ​ർ​ദ്ദ​ത്തി​ലാ​ക്കാ​നും ഐ ​ഗ്രൂ​പ്പി​നു ക​ഴി​യും.

അ​തി​നാ​ൽ വ​രു​ന്ന നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ത​ങ്ങ​ൾ​ക്കു കി​ട്ടു​ന്ന സീ​റ്റു​ക​ളി​ലെ​ല്ലാം വി​ജ​യി​ക്കാ​നു​ള്ള ഒ​രു​ക്ക​ങ്ങ​ൾ ഇ​പ്പോ​ൾ​ത്ത​ന്നെ ഐ ​ഗ്രൂ​പ്പ് തു​ട​ങ്ങി​ക്ക​ഴി​ഞ്ഞു. മാ​ത്ര​മ​ല്ല നി​ല​വി​ൽ ജ​യി​ച്ചു നി​ൽ​ക്കു​ന്ന സീ​റ്റു​ക​ൾ വ​ച്ചു​മാ​റി​ല്ലെ​ന്ന നി​ല​പാ​ടി​ലു​മാ​ണ് ഐ ​ഗ്രൂ​പ്പ്.

ഹൈ​ക്ക​മാ​ൻ​ഡ് നി​ല​പാ​ട് വ​ന്ന​തോ​ടെ കെ.​മു​ര​ളീ​ധ​ര​ൻ‌ ഉ​ൾ​പ്പെ​ടെ​യു​ള്ള ഇ​ട​ഞ്ഞു നി​ൽ​ക്കു​ന്ന മു​ൻ ഐ​ഗ്രൂ​പ്പ് നേ​താ​ക്ക​ളെ​യെ​ല്ലാം വീ​ണ്ടും ഐ ​ഗ്രൂ​പ്പി​ലെ​ത്തി​ക്കാ​നു​ള്ള ശ്ര​മ​ങ്ങ​ളും ആ​രം​ഭി​ച്ചി​ട്ടു​ണ്ട്.

ആ​ദ്യ സൂ​ച​ന

ഹൈ​ക്ക​മാ​ൻ​ഡി​ന്‍റെ തീ​രു​മാ​നം ന​ൽ​കി​യ ഞെ​ട്ട​ലി​ൽ നി​ന്നും ഇ​തു​വ​രെ ഐ ​ഗ്രൂ​പ്പ് പു​റ​ത്തു വ​ന്നി​ട്ടി​ല്ല. വ​രും ദി​വ​സ​ങ്ങ​ളി​ലും ഈ ​വി​ഷ​യ​ത്തി​ൽ ഐ ​ഗ്രൂ​പ്പി​ൽ നി​ന്നും കൂ​ടു​ത​ൽ പ​ര​സ്യ പ്ര​തി​ക​ര​ണ​ങ്ങ​ൾ ഉ​ണ്ടാ​കും.
ആ​ദ്യ സൂ​ച​ന​ക​ൾ ഇ​പ്പോ​ൾ​ത്ത​ന്നെ വ​ന്നു ക​ഴി​ഞ്ഞു.

ര​മേ​ശ് ചെ​ന്നി​ത്ത​ല​യെ എ​ഴു​തി​ത്ത​ള്ളാ​ൻ ക​ഴി​യി​ല്ലെ​ന്ന നി​ല​പാ​ടു​മാ​യി ര​മേ​ശ് ചെ​ന്നി​ത്ത​ല​യു​ടെ വി​ശ്വ​സ്ത​നും ഐ​എ​ൻ​ടി​യു​സി നേ​താ​വു​മാ​യ ആ​ര്‍. ച​ന്ദ്ര​ശേ​ഖ​ര​ൻ രം​ഗ​ത്തെ​ത്തി.

ഒ​രു മാ​ധ്യ​മ​ത്തി​നു ന​ൽ​കി​യ അ​ഭി​മു​ഖ​ത്തി​ലാ​ണ് ര​മേ​ശ് ചെ​ന്നി​ത്ത​ല​യ്ക്ക് അ​ർ​ഹ​മാ​യ സ്ഥാ​നം ന​ൽ​ക​ണ​മെ​ന്ന് ആ​ർ.​ച​ന്ദ്ര​ശേ​ഖ​ര​ൻ അ​ഭി​പ്രാ​യ​പ്പെ​ട്ട​ത്.

കെ ​ക​രു​ണാ​ക​ര​നു ശേ​ഷം സ​ഭ​യി​ൽ എ​ൽ​ഡി​എ​ഫി​നെ​തി​രെ ശ​ക്ത​മാ​യി പ്ര​തി​ക​രി​ച്ച നേ​താ​വാ​ണ് ര​മേ​ശ് ചെ​ന്നി​ത്ത​ല​യെ​ന്നും ച​ന്ദ്ര​ശേ​ഖ​ര​ൻ വി​ശേ​ഷി​പ്പി​ച്ചു.