തിരുവനന്തപുരം: കോണ്ഗ്രസ് മുക്ത ഭാരതമാണ് ബിജെപിയുടെ ലക്ഷ്യമെന്ന് ഉമ്മൻ ചാണ്ടി. പുതുച്ചേരിയിൽ വരെ നാം അത് കണ്ടു. തെരഞ്ഞെടുപ്പിന് തൊട്ടുമുൻപാണ് ബിജെപി പുതുച്ചേരിയിൽ കോണ്ഗ്രസിനെ അട്ടിമറിച്ചതെന്നും ഉമ്മൻ ചാണ്ടി മാധ്യമങ്ങളോട് പറഞ്ഞു.
40 സീറ്റ് കിട്ടായാൽ കേരളം ഭരിക്കുമെന്ന ബിജെപി സംസ്ഥാന അധ്യക്ഷൻ കെ. സുരേന്ദ്രന്‍റെ പ്രസ്താവനയോടും ഉമ്മൻ ചാണ്ടി പ്രതികരിച്ചു. 140 സീറ്റിൽ 40 എണ്ണം കിട്ടിയാൽ ഭരിക്കുമെന്നാണ് അവർ പറയുന്നത്. അതാണ് ബിജെപിയുടെ രാഷ്ട്രീയമെന്നും ഉമ്മൻ ചാണ്ടി കൂട്ടിച്ചേർത്തു.
