തിരുവനന്തപുരം: ബംഗളൂരു കോടതി വിധി വന്ന കേസില്‍ തനിക്ക് സമന്‍സ് ലഭിച്ചില്ലെന്ന് മുന്‍ മുഖ്യമന്ത്രി ഉമ്മന്‍ ചാണ്ടി. നിയമസഭയിലെ മീഡിയാ റൂമില്‍ വിളിച്ച് ചേര്‍ത്ത വാര്‍ത്താസമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്. കേസ് ഗൗരവമായി എടുക്കാത്തത് തന്റെ ഭാഗത്തു നിന്നും വന്ന പിഴവായി വേണമെങ്കില്‍ പറയാം. ബംഗളൂരുവില്‍ രജിസ്റ്റര്‍ ചെയ്ത സോളാര്‍ കേസില്‍ പരാതിയിലോ മൊഴിയിലോ എഫ്‌ഐആറിലോ പണം തട്ടിയതില്‍ തനിക്ക് പങ്കുള്ളതായി പറഞ്ഞിട്ടില്ലെന്നും ഉമ്മന്‍ ചാണ്ടി പറഞ്ഞു.
