ഒരു വിവാഹ ചടങ്ങിലെത്തിയ ക്ഷണിക്കപ്പെടാത്ത അതിഥിയുടെ നാടകീയമായ പ്രവേശനവും തുടർന്നുള്ള അയാളുടെ പ്രവൃത്തികളും കാണിക്കുന്ന ഒരു വീഡിയോ സോഷ്യൽ മീഡിയയിൽ വൈറലായിരിക്കുകയാണ്.
രോഹിത് സിംഗ് ചൗഹാൻ എന്ന ഇൻസ്റ്റാഗ്രാം ഉപയോക്താവ് പങ്കിട്ട വീഡിയോയിൽ, ഒരാൾ ഒരു വിവാഹ ആഘോഷത്തിൽ ക്ഷണിക്കപ്പെടാതെ എത്തി ഭക്ഷണം കഴിക്കാൻ ശ്രമിക്കുകയാണ്.
ഭക്ഷണങ്ങൾ കഴിക്കുമ്പോൾ ഓരോ ഇനത്തിന്‍റെ വിലയും അദ്ദേഹം പരസ്യമായി പറയുന്നു. വിവിധ വിഭവങ്ങളുടെ ഒരു പ്ലേറ്റ് 300 രൂപ, മഞ്ചൂറിയൻ 50 രൂപ, ഒരു ഗുലാബ് ജാമുൻ 20 രൂപ, മറ്റ് ഇനങ്ങൾക്ക് മൊത്തം 100 രൂപ. അങ്ങനെ ആകെ മൊത്തത്തിൽ ഭക്ഷണത്തിന്‍റെ വില 470 രൂപയായി.
ഭക്ഷണം കഴിച്ചതിന് ശേഷം അതിഥി വധുവിന് ഒരു സമ്മാനവും നൽകുന്നു. ഒരു കവറിൽ പൊതിഞ്ഞ വെറും 10 രൂപ നോട്ടാണ് ആ സമ്മാനം. തുച്ഛമായ തുക കണ്ടെത്തിയപ്പോൾ വധുവിന്‍റെ പ്രതികരണം വീഡിയോ തമാശയായി ചിത്രീകരിക്കുന്നു.
ആയിരക്കണക്കിന് ലൈക്കുകളും ഷെയറുകളോടുമൊപ്പം 10 ലക്ഷത്തിലധികം വ്യൂസ് നേടിയ ക്ലിപ്പ് സോഷ്യൽ മീഡിയയിൽ ഇതിനോടകം ശ്രദ്ധ നേടി. അതിഥിയുടെ ഭക്ഷണവും അവൻ്റെ സമ്മാനവും തമ്മിലുള്ള അസമത്വം ചില കാഴ്ചക്കാർ വീഡിയോയിൽ കമന്‍റ് ചെയ്തു.
