മായാമോഹിനിയിൽ പെണ്‍വെഷത്തിൽ എത്തി ദിലീപ് ഞെട്ടിച്ചതിനു ശേഷം പെണ്‍വേഷത്തിലെത്തി ആരാധകരെ മുഴുവൻ ഞെട്ടിച്ചിരിക്കുകയാണ് നടൻ ഉണ്ണി മുകുന്ദൻ. കണ്ണൻ താമരക്കുളം സംവിധാനം ചെയ്യുന്ന ചാണക്യതന്ത്രത്തിലാണ് താരത്തിന്‍റെ അസാധാരണ രൂപമാറ്റം.
തന്‍റെ ഫേസ്ബുക്ക് പേജിൽ പങ്കുവെച്ച ചിത്രത്തോടൊപ്പം “ഇതാണ് ബെറ്റർ ഹാഫ് കരിഷ്മ. ഇവളിലേക്കുള്ള യാത്ര അൽപം കഠിനമായിരുന്നു. പക്ഷെ ഇപ്പോൾ ഞാൻ സമ്മതിക്കുന്നു. എല്ലാ വേദനകൾക്കും ഫലമുണ്ടായി. എന്നെയും കരിഷ്മയെയും അനുഗ്രഹിക്കണം’എന്ന് അദ്ദേഹം കുറിക്കുകയും ചെയ്തിട്ടുണ്ട്.
ഉണ്ണി മുകുന്ദന്‍റെ കരിഷ്മയുടെ രൂപമാറ്റത്തിലേക്കുള്ള മേക്കിംഗ് വീഡിയോയും അണിയറപ്രവർത്തകർ പുറത്തുവിട്ടിട്ടുണ്ട്.
