മലപ്പുറം: പന്പിൽ നിന്നും ബൈക്കിൽ പെട്രോൾ അടിക്കുന്നതിനിയിൽ തീ പടർന്നു. പെട്രോൾപന്പ് ജീവനക്കാരുടെ സമയോചിത ഇടപെടൽ മൂലം വൻഅപകടം ഒഴിവായി. തിരുവോണനാളിൽ വൈകിട്ടോടെ മലപ്പുറം മൈലപ്പുറത്തെ പെട്രോൾ പന്പിലാണ് അപകടമുണ്ടായത്.
പെട്രോൾ അടിക്കാൻ എത്തിയ മോട്ടോർ ബൈക്കിനാണ് പെട്രോൾ അടിച്ചു കഴിഞ്ഞ് യാത്രക്കാരൻ പണം നൽകുന്നതിനിടയിൽ തീ പടർന്നത്. ഇതോടെ ഉടമ ബൈക്ക് തള്ളിയിട്ട് ഇറങ്ങിയോടി. ഉടൻ തന്നെ പെട്രോൾ പന്പിലെ ജീവനക്കാർ ഫയർ എക്സിറ്റ് ഉപയോഗിച്ച് തീ കെടുത്തുകയായിരുന്നു.
തീ പടരാനുണ്ടായ കാരണം വ്യക്തമായിട്ടില്ല.
