ലക്നോ: ഉത്തർപ്രദേശിൽ പീഡനശ്രമം എതിർത്ത പെൺകുട്ടിയെ നാലു പേർ ചേർന്ന് അടിച്ചുകൊന്ന് മരത്തിൽ കെട്ടിത്തൂക്കി. പെൺകുട്ടിയുടെ ഷാൾ ഉപയോഗിച്ച് കഴുത്തിൽ കുരുക്കിട്ടാണ് മരത്തിൽ കെട്ടിത്തൂക്കിയത്.
പടിഞ്ഞാറൻ ഉത്തർപ്രദേശിലെ മെയ്ൻപുരി ജില്ലയിലാണ് സംഭവം. പതിനൊന്നാം ക്ലാസ് വിദ്യാർഥിയായ പതിനഞ്ചുകാരിയാണ് കൊല്ലപ്പെട്ടത്. പെൺകുട്ടി ഗാന്ധിജയന്തി ആഘോഷങ്ങൾക്കു ശേഷം സ്കൂളിൽനിന്നും മടങ്ങിവരുമ്പോഴായിരുന്നു ആക്രമണം.
പെൺകുട്ടിയെ മാനഭംഗത്തിനിരയാക്കാൻ ശ്രമിച്ചപ്പോൾ എതിർത്തതാണ് കൊലപാതകത്തിൽ കലാശിച്ചത്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.
