ബലാത്സംഗക്കേസില്‍ അറസ്റ്റിലായ യുവാവിനെ എസ്ഐ തൂണില്‍ ചേര്‍ത്ത് നിര്‍ത്തി തല്ലുന്ന വീഡിയോ വൈറലാകുന്നു. യുവാവിനെ മര്‍ദ്ദിച്ചു കൊണ്ട് ചോദ്യം ചെയ്യുന്ന വീഡിയോ ചര്‍ച്ചയായതിനെ തുടര്‍ന്ന് പോലീസ് അന്വേഷണത്തിന് ഉത്തരവിട്ടിട്ടുണ്ട്.
ഉത്തര്‍പ്രദേശിലെ മവുവിലായിരുന്നു സംഭവം. സബ്ഇന്‍സ്പെക്ടര്‍ മറ്റ് രണ്ട് പേരുടെ സഹായത്തോടെ യുവാവിനെ സ്റ്റേഷനിലെ തൂണില്‍ ചേര്‍ത്ത് നിര്‍ത്തി ബെല്‍റ്റ് കൊണ്ട് ആഞ്ഞടിക്കുന്നത് വീഡിയോയില്‍ കാണാം. സ്റ്റേഷനില്‍ മറ്റ് പോലീസുകാരുണ്ടെങ്കിലും അവരാരും എസ്ഐയെ തടയാന്‍ ശ്രമിക്കുന്നില്ലായെന്നതും വീഡിയോയില്‍ കാണാം.
