തൊ​ഴി​ലാ​ളി ക്ഷാ​മം അ​പ്പ​ർ​കു​ട്ട​നാ​ട്ടി​ൽ  കൃ​ഷി വൈ​കു​ന്നു;  ഡിസംബറിലെങ്കിലും ആരംഭിച്ചില്ലെങ്കിൽ വേനൽമഴ ചതിക്കുമെന്ന ആശങ്കയിൽ കർഷകർ

തി​രു​വ​ല്ല: അ​പ്പ​ര്‍ കു​ട്ട​നാ​ട്ടി​ല്‍ കൃ​ഷി ന​ട​പ​ടി​ക​ള്‍ വൈ​കു​ന്നു. ന​വം​ബ​ര്‍ പ​കു​തി​യാ​യി​ട്ടും നി​ര​ണം,ക​ട​പ്ര,പെ​രി​ങ്ങ​ര,നെ​ടു​മ്പ്രം എ​ന്നീ പ​ഞ്ചാ​യ​ത്തു​ക​ളി​ല്‍ നെ​ല്‍​കൃ​ഷി ആ​രം​ഭി​ക്കാ​നു​ള​ള ന​ട​പ​ടി​ക​ള്‍ മ​ന്ദ​ഗ​തി​യി​ലാ​ണ്.നി​ര​ണം പ​ഞ്ചാ​യ​ത്തി​ലെ എ​ര​തോ​ട്, ഇ​ട​യോ​ടി ചെ​മ്പ്, അ​രി​യോ​ടി​ച്ചാ​ൽ, നി​ര​ണ​ത്ത് ത​ടം ക​ട​പ്ര പ​ഞ്ചാ​യ​ത്തി​ലെ ചേ​ന്ന​ങ്ക​രി ,അ​യ്യ​ങ്കോ​നാ​രി, പ​രു​ത്തി​ക്ക​ൽ, കാ​ക്ക​യി​ൽ എ​ന്നീ പാ​ട​ശേ​ഖ​ര​ങ്ങ​ളി​ലൊ​ന്നും പാ​ടം വൃ​ത്തി​യാ​ക്ക​ൽ പോ​ലും ആ​രം​ഭി​ച്ചി​ട്ടി​ല്ല.

മി​ക്ക പാ​ട​ശേ​ഖ​ര​ങ്ങ​ളി​ലും ന​വം​ബ​ര്‍ മ​ധ്യ​ത്തോ​ടെ കൃ​ഷി ഇ​റ​ക്കു​ന്ന​തി​നാ​ണ് തീ​രു​മാ​ന​മെ​ടു​ത്തി​രു​ന്ന​ത്. നേ​ര​ത്തേ കൃ​ഷി​യാ​രം​ഭി​ച്ചി​ല്ലെ​ങ്കി​ൽ വേ​ന​ൽ​മ​ഴ​യി​ൽ കൃ​ഷി നാ​ശം സം​ഭ​വി​ക്കാം. മാ​ത്ര​മ​ല്ല ര​ണ്ടാം കൃ​ഷി ന​ട​ത്താ​നും ക​ഴി​യും. പ്ര​ധാ​ന​മാ​യും തൊ​ഴി​ലാ​ളി ക്ഷാ​മം മൂ​ല​മാ​ണ് മി​ക്ക പാ​ട​ശേ​ഖ​ര​ങ്ങ​ളി​ലും കൃ​ഷി ന​ട​പ​ടി​ക​ള്‍ വൈ​കാ​ന്‍ ഇ​ട​യാ​ക്കി​യി​ട്ടു​ള​ള​ത്. മ​ഴ മ​റാ​ത്ത​തി​നാ​ൽ വി​ത​ക്കു​ന്ന വി​ത്തു​ക​ൾ ന​ശി​ക്കാ​നും ഇ​ട​യാ​ക്കും.

ഡി​സം​ബ​ർ ആ​ദ്യ​മെ​ങ്കി​ലും കൃ​ഷി ആ​രം​ഭി​ച്ചെ​ങ്കി​ല്‍ മാ​ത്ര​മേ വേ​ന​ല്‍ മ​ഴ​യ്ക്ക് മു​ന്പ് വി​ള​വെ​ടു​പ്പ് ന​ട​ത്താ​ന്‍ സാ​ധി​ക്കൂ. വ​ര​മ്പ് കു​ത്തി നി​ല​ങ്ങ​ള്‍ വേ​ര്‍​തി​രി​ക്കു​ന്ന​താ​ണ് ആ​ദ്യ ന​ട​പ​ടി. തു​ട​ര്‍​ന്ന് പാ​യ​ലും പോ​ള​യും നീ​ക്കി കൃ​ഷി​യി​ട​ങ്ങ​ള്‍ ഒ​രു​ക്ക​ണം. ഈ ​ജോ​ലി​ക​ള്‍ ചെ​യ്യു​ന്ന​ത് പൊ​തു​വേ പു​രു​ഷ തൊ​ഴി​ലാ​ളി​ക​ളാ​ണ്.

ഈ ​ജോ​ലി​ക്ക് ഇ​പ്പോ​ള്‍ ആ​ളെ കി​ട്ടാ​ത്ത​താ​ണ് ക​ര്‍​ഷ​ക​ര്‍ നേ​രി​ടു​ന്ന പ്ര​ധാ​ന വെ​ല്ലു​വി​ളി. 600 രൂ​പ​യാ​ണ് തൊ​ഴി​ലാ​ളി​ക​ളു​ടെ ശ​രാ​ശ​രി കൂ​ലി. ഈ ​തു​ക​യ്ക്ക് ചേ​റി​ലി​റ​ങ്ങി പ​ണി​യെ​ടു​ക്കാ​ന്‍ മി​ക്ക തൊ​ഴി​ലാ​ളി​ക​ളും ത​യാ​റാ​കാ​ത്ത​താ​ണ് പ്ര​തി​സ​ദ്ധി​ക്ക് ഇ​ട​യാ​ക്കി​യി​രി​ക്കു​ന്ന​ത്.

മാ​ത്ര​മ​ല്ല മി​ക്ക തൊ​ഴി​ലാ​ളി​ക​ളും പാ​ട്ട​കൃ​ഷി ഏ​റ്റെ​ടു​ത്ത് ചെ​യ്യു​ക​യു​മാ​ണ്. ഇ​തും പ്ര​തി​സ​ന്ധി​ക്ക് ഇ​ട​യാ​ക്കു​ന്നു​ണ്ട്. പു​ഞ്ച​കൃ​ഷി ന​ട​പ​ടി​ക​ള്‍ വേ​ഗ​ത്തി​ലാ​ക്കാ​ന്‍ വേ​ണ്ട ന​ട​പ​ടി​ക​ള്‍ സ​മ​യ​ബ​ന്ധി​ത​മാ​യി കൈ​ക്കൊ​ള​ളാ​ന്‍ അ​ധി​കൃ​ത​ര്‍ ത​യാ​റാ​കാ​ത്ത​തും കാ​ര്‍​ഷി​ക മേ​ഖ​ല​യി​ല്‍ പ്ര​ശ്‌​ന​ങ്ങ​ള്‍ സൃ​ഷ്ടി​ക്കു​ന്നു​ണ്ട്.

അ​പ്പ​ര്‍ കു​ട്ട​നാ​ട് മേ​ഖ​ല​യി​ല്‍ ന​ട​ന്നു​വ​ന്നി​രു​ന്ന ര​ണ്ടാം കൃ​ഷി​യും ഏ​താ​ണ്ട് മു​ട​ങ്ങു​ന്ന അ​വ​സ്ഥ​യാ​ണ് നി​ല​നി​ല്‍​ക്കു​ന്ന​ത്. ര​ണ്ടം കൃ​ഷി​ക്കാ​യു​ള​ള മാ​ര്‍​ഗ നി​ര്‍​ദേ​ശ​ങ്ങ​ളോ ന​ട​പ​ടി​ക​ളോ അ​ധി​കൃ​ത​രു​ടെ ഭാ​ഗ​ത്തു​നി​ന്നും ഉ​ണ്ടാ​കു​ന്നു​മി​ല്ല. കൃ​ഷി ന​ട​പ​ടി​ക​ള്‍ ആ​രം​ഭി​ക്കാ​ന്‍ വൈ​കു​ന്ന​തു മൂ​ലം വ​രാ​നി​രി​ക്കു​ന്ന വേ​ന​ല്‍​മ​ഴ ക​ര്‍​ഷ​ക​ന് ഭീ​ഷ​ണി​യാ​യി മാ​റി​യേ​ക്കാം.