ഭയാശങ്കകളോടെ യു​ക്രെ​യ്നി​ലെ മ​ല​യാ​ളി വി​ദ്യാ​ർ​ഥി​ക​ൾ! കോ​ട്ട​യം സ്വ​ദേ​ശി​നി സൂ​സ​ൻ, മ​ല​പ്പു​റം സ്വ​ദേ​ശി​നി സ​ഹ​ല എ​ന്നി​വ​ർ രാഷ്ട്രദീപി​ക​ യോട് പറഞ്ഞത് ഇങ്ങനെ…

ജോ​മി കു​ര്യാ​ക്കോ​സ്

കോ​ട്ട​യം: മി​സൈ​ലു​ക​ൾ വ​ർ​ഷി​ക്കു​ന്പോ​ൾ അ​ഗ്നി​കു​ണ്ഡ​മാ​യി ന​ഗ​രം ക​ത്തി​യ​മ​രു​ന്ന​തും വീ​ടും വാ​ഹ​ന​വും സ്വ​ത്തും സ​ന്പാ​ദ്യ​ങ്ങ​ളും നി​മി​ഷ നേ​ര​ത്താ​ൽ ചാ​ന്പ​ലു​പോ​ലെ എ​രി​ഞ്ഞ​ട​ങ്ങു​ന്ന​തും നോ​ക്കി​നി​ല്ക്കു​ന്ന നി​രാ​ലംബ​രാ​യ ഒ​രു ജ​ന​ത​യെ ക​ണ്‍​മു​ന്നി​ൽ കാ​ണു​ന്ന​തി​ന്‍റെ ആ​കു​ല​ത​യി​ലാ​ണ് മ​ല​യാ​ളി വി​ദ്യാ​ർ​ഥി​ക​ൾ യു​ക്രെ​യ്നി​ൽ.

അ​ഗ്നി​വ​ർ​ഷ​ങ്ങ​ളി​ൽ ക​ത്തി​യ​മ​രു​ന്ന ജീ​വി​ത​ങ്ങ​ൾ ഭ​യ​പ്പെ​ടു​ത്തു​ന്ന സ്വ​പ്ന​ങ്ങ​ളാ​യി മാ​റു​ന്പോ​ൾ അ​തി​ജീ​വ​ന​ത്തി​നും ആ​ശ്ര​യ​ത്തി​നും വ​ഴി​ക​ൾ തേ​ടു​ക​യാ​ണ് ഇ​വ​ർ.

ഏ​തു​നി​മി​ഷ​വും നാ​ട്ടി​ലേ​ക്കു മ​ട​ങ്ങാ​നു​ള്ള ത​യാ​റെ​ടു​പ്പി​ലാ​ണ് യു​ക്രെ​നി​ലെ മ​ല​യാ​ളി വി​ദ്യാ​ർ​ഥി​ക​ൾ.

പ്ര​ധാ​ന​ന​ഗ​ര​ങ്ങ​ളി​ലു​ണ്ടാ​കു​ന്ന റ​ഷ്യ​യു​ടെ ആ​ക്ര​മണ ദു​രി​ത​ങ്ങ​ളെ​പ്പ​റ്റി അ​റി​യു​ന്നു​ണ്ടെ​ങ്കി​ലും യു​ക്രെ​നി​ൽ മ​ല​യാ​ളി വി​ദ്യാ​ർ​ഥി​ക​ൾ കൂ​ടു​ത​ലു​ള്ള പ​ല​സ്ഥ​ല​ങ്ങ​ളി​ലും നി​ല​വി​ൽ പ്ര​ശ്ന​ങ്ങ​ളി​ല്ലെ​ന്ന് ക​പ്പോ​ർ​ച്ചി​യ ആ​രോ​ഗ്യ സ​ർ​വ​ക​ലാ​ശാ​ല​യി​ലെ വി​ദ്യാ​ർ​ഥി​ക​ൾ പ​റ​യു​ന്നു.

കീ​വ്, ക്ര​മ​റ്റോ​സ്കി എ​ന്നി​വി​ട​ങ്ങ​ളി​ൽ പ​ഠി​ക്കു​ന്ന വി​ദ്യാ​ർ​ഥി​ക​ൾ ആ​ശ​ങ്ക​യി​ലാ​ണെ​ന്നും റി​പ്പോ​ർ​ട്ടു​ക​ളു​ണ്ട്. ഇ​വി​ടെ​യു​ള്ള​വ​ർ സു​ര​ക്ഷി​ത മേ​ഖ​ല തേ​ടു​ക​യാ​ണ്.

എ​ല്ലാ​വി​ധ സ​ഹാ​യ​ങ്ങ​ളു​മാ​യി കോ​ണ്‍​സു​ലേ​റ്റ് സ​മ​യാ​സ​മ​യ​ങ്ങ​ളി​ൽ ബ​ന്ധ​പ്പെ​ടു​ന്ന​ത് പ്ര​തീ​ക്ഷ ന​ൽ​കു​ന്നു.

ആ​ക്ര​മ​ണ​ങ്ങ​ൾ ന​ട​ക്കു​ന്ന സ്ഥ​ല​ങ്ങ​ളെ​ക്കു​റി​ച്ചു​ള്ള വി​വ​ര​ങ്ങ​ൾ മാ​ധ്യ​മ​ങ്ങ​ൾ വ​ഴി അ​റി​യു​ന്നു​ണ്ട്.

സ​മൂ​ഹ മാ​ധ്യ​മ​ങ്ങ​ളി​ലും ആ​ക്ര​മ​ണ ദൃ​ശ്യ​ങ്ങ​ൾ പ്ര​ച​രി​ക്കു​ന്നു​. സ​ർ​വ​ക​ലാ​ശാ​ല ഹോ​സ്റ്റ​ലി​ൽ ത​ന്നെ ക​ഴി​യു​ക​യാ​ണെ​ന്ന് ക​പ്പോ​ർ​ച്ചി​യ ആ​രോ​ഗ്യ സ​ർ​വ​ക​ലാ​ശാ​ല​യി​ൽ പ​ഠി​ക്കു​ന്ന കോ​ട്ട​യം സ്വ​ദേ​ശി​നി സൂ​സ​ൻ, മ​ല​പ്പു​റം സ്വ​ദേ​ശി​നി സ​ഹ​ല എ​ന്നി​വ​ർ രാ​ഷ്്ട്ര​ദീ​പി​ക​യോ​ടു പ​റ​ഞ്ഞു.

സ​ർ​വ​ക​ലാ​ശാ​ല​യി​ലെ 80 ശ​ത​മാ​നം വി​ദ്യാ​ർ​ഥി​ക​ളും ഇ​ന്ത്യ​ക്കാ​രാ​ണ്. അ​തി​ൽ കൂ​ടു​ത​ലും മ​ല​യാ​ളി​ക​ളാ​ണ്. ആ​ന്ധ്രാ, തെ​ലു​ങ്കാ​ന സ്വ​ദേ​ശി​ക​ളും ഒ​പ്പ​മു​ണ്ട്.

കോ​വി​ഡ് പ്ര​തി​സ​ന്ധി രൂ​ക്ഷ​മാ​യ​പ്പോ​ൾ നാ​ട്ടി​ലെ​ത്തി​യ മ​ല​യാ​ളി​ക​ളു​ൾ​പ്പ​ടെ​യു​ള്ള വി​ദ്യാ​ർ​ഥി​ക​ൾ ക​ഴി​ഞ്ഞ ഒ​ക്ടോ​ബ​റി​ലാ​ണു യു​ക്രൈ​നി​ലേ​ക്കു മ​ട​ങ്ങി​യ​ത്.

മി​ക്ക സ്ഥ​ല​ങ്ങ​ളി​ലും ഇ​ന്ന​ലെ രാ​വി​ലെ തി​ര​ക്കാ​യി​രു​ന്നു. യു​ദ്ധം രൂ​ക്ഷ​മാ​യ​തോ​ടെ ഉ​ച്ച​ക​ഴി​ഞ്ഞ​പ്പോ​ൾ ന​ഗ​രം വി​ജ​ന​മാ​യി. ര​ണ്ടാ​ഴ്ച​യ്ക്കു​ള്ള ഭ​ക്ഷ​ണ​സാ​ധ​ന​ങ്ങ​ൾ ക​രു​താ​ൻ പ​റ​ഞ്ഞി​രു​ന്നു.

നി​ല​വി​ൽ ഭ​ക്ഷ​ണ​ത്തി​ന് ബു​ദ്ധി​മു​ട്ട് ഇ​ല്ല. പ​ച്ച​ക്ക​റി​ക​ൾ, അ​രി, ന്യൂ​ഡി​ൽ​സ്, പി​സാ എ​ന്നി​വ ര​ണ്ടാ​ഴ്ച​യ്ക്കു ക​രു​തി​യി​ട്ടു​ണ്ട്. ഡി​ജി​റ്റ​ൽ പ​ണ​മി​ട​പാ​ടു​ക​ൾ വ​ഴി സാ​ധ​ന​ങ്ങ​ൾ വാ​ങ്ങു​വാ​ൻ സാ​ധി​ക്കു​ന്നു​ണ്ട്.

കു​റ​ച്ച് പ​ണം കൈ​യി​ൽ ക​രു​ത​ണ​മെ​ന്ന് നി​ർ​ദേ​ശം ല​ഭി​ച്ച​തോ​ടെ വി​ദ്യാ​ർ​ഥി​ക​ൾ കൂ​ട്ട​ത്തോ​ടെ എ​ടി​എ​മ്മി​ൽ​നി​ന്നു പ​ണം പി​ൻ​വ​ലി​ക്കാ​ൻ എ​ത്തി​യ​ത് തി​ര​ക്കി​നി​ട​യാ​ക്കി. പ​ല എ​ടി​എ​മ്മു​ക​ളും നി​മി​ഷ​ങ്ങ​ൾ​ക്ക​കം കാ​ലി​യാ​യി.

ഏ​തു​സ​മ​യ​ത്തും യാ​ത്ര ചെ​യ്യാ​ൻ ത​യാ​റാ​യി​രി​ക്ക​ണ​മെ​ന്ന് അ​ധി​കൃ​ത​ർ വി​ദ്യാ​ർ​ഥി​ക​ളോ​ട് അ​റി​യി​ച്ചി​ട്ടു​ണ്ട്. രാ​ജ്യ​ാന്ത​ര​ത​ല​ത്തി​ൽ സ​ഹാ​യം ല​ഭി​ച്ചെ​ങ്കി​ൽ മാ​ത്ര​മേ യാ​ത്ര ചെ​യ്യാ​നാ​കു.

നി​ർ​ദേ​ശ​മു​ണ്ടാ​യാ​ൽ ക​സാ​ഖി​സ്ഥാ​നി​ലേ​ക്കും അ​വി​ടെ​നി​ന്നും ഇ​ന്ത്യ​യി​ലേ​ക്കും മ​ട​ങ്ങാ​നു​ള്ള ത​യാ​റെ​ടു​പ്പു​ക​ൾ ന​ട​ത്തി​യി​രി​ക്ക​ണ​മെ​ന്ന് കോ​ണ്‍​സു​ലേ​റ്റി​ൽ​നി​ന്നും വി​ദ്യാ​ർ​ഥി​ക​ൾ​ക്ക് മു​ന്ന​റി​യി​പ്പു​ണ്ട്.

ക​പ്പോ​ർ​ച്ചി​യ​യി​ലു​ള്ള​വ​ർ സു​ര​ക്ഷി​ത​രാ​ണെ​ന്നും അ​വി​ടെ യു​ദ്ധ​പ്ര​ശ്ന​ങ്ങ​ളി​ല്ലെ​ന്നും വി​ദ്യാ​ർ​ഥി​ക​ൾ പ​റ​യു​ന്നു.