നടി ഊർമിള എന്നു പറയുന്പോൾ തന്നെ ഓർമ വരിക രംഗീലയെന്ന ചിത്രമായിരിക്കും. ഈ ഒരു ഒറ്റ ചിത്രം ഊർമിളയ്ക്ക് നിരവധി ആരാധകരെയാണ് സമ്മാനിച്ചത്. താരം കുറെ വർഷങ്ങളായി സിനിമകളൊന്നും ചെയ്യാതെ മാറി നിൽക്കുകയായിരുന്നു.
തൊണ്ണൂറുകളിലെ പ്രിയനായിക ഇപ്പോൾ ബ്ലാക്ക്മെയിലെന്ന ബോളിവുഡ് ചിത്രത്തിലൂടെ തിരിച്ച് വരവിന് ഒരുങ്ങുകയാണ്. ഇർഫാൻ ഖാന്‍റെ നായകനാകുന്ന ചിത്രത്തിലൂടെയാണ് താരത്തിന്‍റെ മടങ്ങിവരവ്. എന്നാൽ ചിത്രത്തിലെ ഗാനം കഴിഞ്ഞ ദിവസം റിലീസ് ചെയ്തെങ്കിലും ഊർമിളയുടെ അഭിനയം അത്ര പോരായെന്നാണ് പ്രേക്ഷകർ പറയുന്നത്.
ഊർമിള ചിത്രത്തിൽ ആ ഒരു പാട്ട് രംഗത്തിൽ മാത്രമാണ് ഉള്ളത്. എന്തായാലും തിരിച്ചുവരവിൽ ഊർമിളയ്ക്ക് ആരാധകരെ തൃപ്തിപ്പെടുത്താൻ കഴിയാത്തത് സിനിമയെ കൂടി ബാധിക്കുമെന്നാണ് വിലയിരുത്തപ്പെടുന്നത്.
