മോസ്കോ: ലോകകപ്പ് ഫുട്ബോളിൽ രണ്ടാം ജയത്തോടെ ഉറുഗ്വെ പ്രീക്വാർട്ടർ ഉറപ്പിച്ചു. ഗ്രൂപ്പ് എയിൽ തങ്ങളുടെ രണ്ടാം മത്സരത്തിൽ ലൂയിസ് സുവാരസിന്‍റെ ഗോളിൽ 1-0ന് സൗദി അറേബ്യയെയാണ് ഉറുഗ്വെ കീഴടക്കിയത്.
ഗ്രൂപ്പ് ബിയിലെ പോരാട്ടങ്ങളിൽ ക്രിസ്റ്റ്യാനോ റൊണാൾഡോയുടെ ഏകഗോളിൽ പോർച്ചുഗൽ മൊറോക്കോയെ1-0നു കീഴടക്കി പ്രീക്വാർട്ടറിലേക്കടുത്തു. സ്പെയിൻ ഡിയേഗോ കോസ്റ്റയുടെ ഗോളിൽ ഇറാനെ 1-0നു പരാജയപ്പെടുത്തി പ്രീക്വാർട്ടർ സാധ്യത നിലനിർത്തി. ആദ്യ മത്സരത്തിൽ പോർച്ചുഗലും സ്പെയിനും സമനിലയിൽ പിരിഞ്ഞിരുന്നു. ഇതോടെ ഗ്രൂപ്പ് ബിയിൽ സ്പെയിനിനും പോർച്ചുഗലിനും നാലു പോയിന്‍റുവീതമായി.
