ഉ​രു​ൾ​പൊ​ട്ട​ലു​ക​ൾ, മ​ല​വെ​ള്ള​പ്പാ​ച്ചി​ലു​ക​ൾ, മ​ണ്ണി​ടി​ച്ചി​ൽ, വെ​ള്ള​പ്പൊ​ക്കം;  ഹൃ​ദ​യം പി​ള​ർ​ന്ന് മ​ല​യോ​ര പ്ര​ദേ​ശ​ങ്ങ​ൾ

മു​ക്കം: സ​മാ​ന​ത​ക​ളി​ല്ലാ​ത്ത ദു​ര​ന്ത​മാ​ണ് മ​ല​യോ​ര മേ​ഖ​ല​ക​ളി​ൽ അ​ല​യ​ടി​ച്ച​ത്. തു​ട​ർ​ച്ച​യാ​യി ഉ​ണ്ടാ​യ ഉ​രു​ൾ​പൊ​ട്ട​ലും മ​ല​വെ​ള്ള​പ്പാ​ച്ചി​ലും മ​ണ്ണി​ടി​ച്ചി​ലും വെ​ള്ള​പ്പൊ​ക്ക​വും മ​ല​യോ​ര മേ​ഖ​ല​ക​ളെ​യാ​കെ ത​ക​ർ​ത്തു ക​ള​ഞ്ഞു. കോ​ടി​ക്ക​ണ​ക്കി​ന് രൂ​പ​യു​ടെ നാ​ശ​ന​ഷ്ട​ങ്ങ​ളാ​ണ് ഇ​വി​ട​ങ്ങ​ളി​ൽ ഉ​ണ്ടാ​യി​രി​ക്കു​ന്ന​ത്. പ​ല സ്ഥ​ല​ങ്ങ​ളും പു​ന​ർ​നി​ർ​മി​ക്കാ​നാ​വാ​ത്ത വി​ധം ത​ക​ർ​ന്നു പോ​യി.

അ​പാ​യ​ങ്ങ​ളി​ൽ നി​ന്നും ത​ല​നാ​രി​ഴ​ക്കാ​ണ് പ​ല കു​ടും​ബ​ങ്ങ​ളും ര​ക്ഷ​പ്പെ​ട്ട​ത്. ആ​യി​ര​ക്ക​ണ​ക്കി​ന് വീ​ടു​ക​ളി​ൽ വെ​ള്ളം ക​യ​റി. നൂ​റു​ക​ണ​ക്കി​ന് വീ​ടു​ക​ൾ ത​ക​രു​ക​യും കേ​ടു​പാ​ടു​ക​ൾ സം​ഭ​വി​ക്കു​ക​യും ചെ​യ്തു. ക​ട​ക​ളും കെ​ട്ടി​ട​ങ്ങ​ളും വി​ദ്യാ​ഭ്യാ​സ സ്ഥാ​പ​ന​ങ്ങ​ളും ആ​രാ​ധ​നാ​ല​യ​ങ്ങ​ളും മ​ദ്റ​സ​ക​ളും സ​ർ​ക്കാ​ർ ഓ​ഫി​സു​ക​ളു​മ​ട​ക്കം പ​ല​തും ഇ​ര​ച്ചെ​ത്തി​യ വെ​ള്ള​ത്തി​ൽ മു​ങ്ങി​പോ​യി.

ആ​യി​ര​ങ്ങ​ളാ​ണ് വി​വി​ധ ദു​രി​താ​ശ്വാ​സ ക്യാ​ന്പു​ക​ളി​ൽ ക​ഴി​യു​ന്ന​ത്. ഹെ​ക്ട​ർ ക​ണ​ക്കി​ന് കൃ​ഷി​സ്ഥ​ല​ങ്ങ​ളും പ​റ​മ്പു​ക​ളും ന​ശി​ച്ചു. മേ​ഖ​ല​യി​ലെ ഭൂ​രി​ഭാ​ഗം റോ​ഡു​ക​ളും ഉ​പ​യോ​ഗി​ക്കാ​നാ​വാ​ത്ത വി​ധം ത​ക​ർ​ന്ന​ടി​ഞ്ഞു. നി​ര​വ​ധി പാ​ല​ങ്ങ​ൾ ഒ​ലി​ച്ചു​പോ​യി. വ​ള​ർ​ത്തു മൃ​ഗ​ങ്ങ​ളും ഫാ​മു​ക​ളും ന​ശി​ച്ചു.

ര​ണ്ടു മാ​സ​ത്തി​നി​ടെ മൂ​ന്ന് ത​വ​ണ​യാ​ണ് വെ​ള്ള​പ്പൊ​ക്കം ഉ​ണ്ടാ​യ​ത്. ഓ​രോ ത​വ​ണ വെ​ള്ളം ക​യ​റു​മ്പോ​ഴും ഇ​ര​ക​ൾ അ​നു​ഭ​വി​ക്കു​ന്ന ദു​രി​തം വാ​ക്കു​ക​ൾ​ക്ക​തീ​ത​മാ​ണ്. കു​ത്തി​യൊ​ലി​ച്ചു വ​രു​ന്ന മ​ഴ​വെ​ള്ള​ത്തി​ന് മു​ൻ​പി​ൽ നി​സ​ഹാ​യ​ത​യോ​ടെ നോ​ക്കി നി​ൽ​ക്കു​വാ​ൻ മാ​ത്ര​മാ​ണ് പ​ല​ർ​ക്കും ക​ഴി​ഞ്ഞ​ത്. പ​ല​രും കൈ​പ്പി​ടി​യി​ലൊ​തു​ങ്ങു​ന്ന വ​സ്തു​ക്ക​ളു​മെ​ടു​ത്താ​ണ് ദു​രി​താ​ശ്വാ​സ ക്യാം​പു​ക​ളി​ലും ബ​ന്ധു വീ​ടു​ക​ളി​ലും അ​ഭ​യം തേ​ടി​യ​ത്.

ജീ​വി​ത സ​മ്പാ​ദ്യ​ങ്ങ​ളും ഉ​പാ​ധി​ക​ളും ഉ​പ​ജീ​വ​ന മാ​ർ​ഗ​ങ്ങ​ളു​മെ​ല്ലാം കു​ത്തി​യൊ​ലി​ച്ചു വ​ന്ന പ്ര​ള​യ​ത്തി​ൽ ന​ഷ്ട​പ്പെ​ട്ട​വ​ർ നി​ര​വ​ധി​യാ​ണ്. അ​തി​ൽ ഏ​റ്റ​വും വ​ലി​യ ന​ഷ്ടം വീ​ടു​ക​ൾ​ക്ക് ത​ന്നെ​യാ​ണ്. ദി​വ​സ​ങ്ങ​ളോ​ളം വെ​ള്ളം ക​യ​റി​യ​തി​നെ തു​ട​ർ​ന്ന് പ​ല വീ​ടു​ക​ൾ​ക്കും കെ​ട്ടി​ട​ങ്ങ​ൾ​ക്കും ബ​ല​ക്ഷ​യം സം​ഭ​വി​ച്ചി​ട്ടു​ണ്ട്. ഒ​ട്ടു​മി​ക്ക പ​ഴ​യ വീ​ടു​ക​ളും ത​ക​ർ​ന്നു.

അ​ങ്ങാ​ടി​ക​ളി​ൽ വെ​ള്ളം ക​യ​റി​യ​തി​നെ തു​ട​ർ​ന്ന് നി​ര​വ​ധി ക​ട​ക​ളി​ലെ വി​ൽ​പ​ന​ച്ച​ര​ക്കു​ക​ൾ ന​ശി​ക്കു​ക​യും ഒ​ലി​ച്ചു പോ​വു​ക​യും ചെ​യ്തു. ആ​യി​ര​ക്ക​ണ​ക്കി​ന് കി​ണ​റു​ക​ളി​ൽ പു​ഴ വെ​ള്ളം ക​യ​റി മ​ലി​ന​മാ​യി. അ​ന​വ​ധി വാ​ഹ​ന​ങ്ങ​ൾ ന​ശി​ച്ചു. വീ​ടു​ക​ളി​ലെ ശു​ചി​മു​റി​ക​ളി​ൽ വെ​ള്ളം ക​യ​റി​യ​തി​നെ തു​ട​ർ​ന്ന് ക​ക്കൂ​സ് മാ​ലി​ന്യ​ങ്ങ​ൾ പു​റ​ത്തേ​ക്ക് ഒ​ഴു​കു​ന്ന സാ​ഹ​ച​ര്യ​മു​ണ്ടാ​യി.

ഇ​തി​നെ​ത്തു​ട​ർ​ന്ന് വെ​ള്ള​പ്പൊ​ക്ക ബാ​ധി​ത മേ​ഖ​ല​യി​ൽ ക​ന​ത്ത പ​ക​ർ​ച്ച​വ്യാ​ധി ഭീ​ഷ​ണി​യാ​ണ് നി​ല​നി​ൽ​ക്കു​ന്ന​ത്. അ​വ​ശ്യ രേ​ഖ​ക​ളും സ​ർ​ട്ടി​ഫി​ക്ക​റ്റു​ക​ളും ന​ഷ്ട​പ്പെ​ട്ട​വ​രും നി​ര​വ​ധി​യാ​ണ്. വെ​ള്ളം ക​യ​റി​യ വീ​ടു​ക​ളി​ലെ വ​സ്ത്ര​ങ്ങ​ൾ, പ​ല​വ്യ​ഞ്ജ​ന​ങ്ങ​ൾ അ​ട​ക്ക​മു​ള്ള മി​ക്ക സാ​ധ​ന​ങ്ങ​ളും വെ​ള്ള​ത്തി​ൽ ഒ​ലി​ച്ചു​പോ​യി.

ഉ​രു​ൾ​പൊ​ട്ടി​യ പ്ര​ദേ​ശ​ങ്ങ​ളി​ലെ കാ​ഴ്ച​ക​ളാ​ണ് ഏ​റെ ദ​യ​നീ​യം. മ​നു​ഷ്യ​വാ​സം സാ​ധ്യ​മ​ല്ലാ​ത്ത​വി​ധം ത​ക​ർ​ന്ന​ടി​ഞ്ഞ് കി​ട​ക്കു​ക​യാ​ണ് പ​ല സ്ഥ​ല​ങ്ങ​ളും. റോ​ഡ്, പാ​ല​ങ്ങ​ൾ അ​ട​ക്ക​മു​ള്ള ഗ​താ​ഗ​ത സം​വി​ധാ​ന​ങ്ങ​ൾ ഒ​ലി​ച്ചു പോ​യ​തി​നാ​ൽ പ​ല സ്ഥ​ല​ങ്ങ​ളും ഒ​റ്റ​പ്പെ​ട്ട നി​ല​യി​ലാ​ണ്. പ​ല​യി​ട​ത്തും വ്യാ​പ​ക​മാ​യ രീ​തി​യി​ൽ മ​ണ്ണി​ടി​ച്ചി​ലു​ണ്ടാ​യി. ഒ​രൊ​റ്റ രാ​ത്രി​കൊ​ണ്ട് സ​ർ​വ​തും ന​ഷ്ട​പ്പെ​ട്ട വേ​ദ​ന​യാ​ണ് ദു​രി​താ​ശ്വാ​സ ക്യാം​പു​ക​ളി​ൽ ക​ഴി​യു​ന്ന മി​ക്ക​വ​ർ​ക്കും പ​ങ്കു​വെ​ക്കാ​നു​ള്ള​ത്.