ന്യൂയോർക്ക്: യുഎസ് ഓപ്പണ്‍ വനിതാ സിംഗിൾസിൽ നിലവിലെ ചാന്പ്യനായ പോളണ്ടിന്റെ ഇഗ ഷ്യാങ്ടെക് പുറത്ത്. ലോക ഒന്നാം നന്പറായ ഇഗ പ്രീക്വാർട്ടറിൽ ലാത്വിയയുടെ യെലേന ഒസ്താപെങ്കൊയോട് മൂന്നു സെറ്റ് നീണ്ട പോരാട്ടത്തിലാണ് ഇഗ ഷ്യാങ്ടെക് തോൽവി സമ്മതിച്ചത്.
സ്കോർ: 3-6, 6-3, 6-1. ഡെന്മാർക്കിന്‍റെ കരോളിൻ വോസ്നിയാകിയെ കീഴടക്കിയ അമേരിക്കയുടെ ആറാം സീഡായ കൊക്കൊ ഗഫാണു ക്വാർട്ടറിൽ ഒസ്താപെങ്കൊയുടെ എതിരാളി. സ്കോർ: 6-3, 3-6, 6-1.
ഫ്രിറ്റ്സ് x ജോക്കോ
പുരുഷ സിംഗിൾസ് ക്വാർട്ടർ ഫൈനലിൽ സെർബിയയുടെ നൊവാക് ജോക്കോവിച്ചിന്റെ എതിരാളി ഒന്പതാം സീഡായ അമേരിക്കയുടെ ടെയ്‌ലർ ഫ്രിറ്റ്സ്. സ്വിറ്റ്സർലൻഡിന്‍റെ ഡൊമിനിക് സ്ട്രീക്കറിനെ കീഴടക്കിയാണു ഫ്രിറ്റ്സ് ക്വാർട്ടറിൽ പ്രവേശിച്ചത്. സ്കോർ: 7-6 (7-2), 6-4, 6-4.
ക്രൊയേഷ്യയുടെ ബോർണ ജൊയൊയെ മറികടന്നാണു ജോക്കോവിച്ച് ക്വാർട്ടറിൽ ഇടം നേടിയയത്. സ്കോർ: 6-2, 7-5, 6-4.ഓസ്ട്രേലിയയുടെ റിങ്കി ഹിജികാതയെ 6-4, 6-1, 6-4നു കീഴടക്കി അമേരിക്കയുടെ ഫ്രാൻസെസ് തിയാഫോയും അവസാന എട്ടിൽ ഇടം പിടിച്ചു.
