ന്യൂയോർക്ക്: മുൻ ചാമ്പ്യൻ റോജർ ഫെഡറർ യുഎസ് ഓപ്പൺ ക്വാർട്ടറിൽ പുറത്ത്. യുഎസ് ഓപ്പണിൽ അഞ്ച് തവണ കിരീടം ഉയർത്തിയിട്ടുള്ള ഫെഡററെ ബൾഗേറിയയുടെ ഗ്രിഗോർ ദിമത്രോവാണ് വീഴ്ത്തിയത്. രണ്ടിനെതിരെ മൂന്നു സെറ്റുകൾക്കാണ് ദിമത്രോവ് വെറ്ററൻ താരത്തെ പരാജയപ്പെടുത്തിയത്. സ്കോർ: 3-6, 6-4, 3-6, 6-4, 6-2.
കഴിഞ്ഞ ഏഴുതവണ ദിമത്രോവുമായി ഏറ്റുമുട്ടിയപ്പോഴും വിജയം മുപ്പത്തിയെട്ടുകാരനായ ഫെഡറർക്കൊപ്പമായിരുന്നു. സെമിയിൽ റഷ്യയുടെ അഞ്ചാം സീഡ് ദാനിൽ മെദ്‌വെദേവിനെ ദിമത്രോവ് നേരിടും.
