കൂടുതല്‍ വെളിപ്പെടുത്തലുകള്‍! ഉത്രയെ കടിപ്പിക്കുന്നതിനു മുമ്പ് മൂര്‍ഖനെ ദിവസങ്ങളോളം പട്ടിണിക്കിട്ടു; പാമ്പിനെ ദിവസങ്ങളോളം അടൂരിലെ വീട്ടില്‍ സൂക്ഷിച്ചു…

കൊ​ല്ലം: അഞ്ചലിൽ ഉ​ത്ര​ എന്ന യുവതിയെ പാന്പിനെകൊണ്ട് കടിപ്പിച്ചു കൊന്ന കേസുമായി ബന്ധപ്പെട്ട് കൂടുതൽ വെളിപ്പെടുത്തലുകൾ.

ഉ​ത്ര​യെ കൊ​ല​പ്പെ​ടു​ത്താ​ൻ ദി​വ​സ​ങ്ങ​ളോ​ളം പാ​ന്പി​നെ അ​ടൂ​രി​ലെ വീ​ട്ടി​ൽ സൂ​ക്ഷി​ച്ചി​രു​ന്ന​താ​യാ​ണ് അ​ന്വേ​ഷ​ണ​സം​ഘ​ത്തി​ന് ല​ഭി​ച്ച​വി​വ​രം. പാ​ന്പി​നെ പ​ല​ത​വ​ണ ക​ണ്ടു​വെ​ന്ന സു​രേ​ന്ദ്ര​ന്‍റെ മൊ​ഴി ഇ​ക്കാ​ര്യം ശ​രി​വ​യ്ക്കു​ന്ന​താ​ണ്.

മാ​ർ​ച്ച് ര​ണ്ടി​നാ​ണ് ഉ​ത്ര​യ്ക്ക് ആ​ദ്യ​മാ​യി പാ​ന്പു​ക​ടി​യേ​റ്റ​ത്. ഇ​തി​ന് ദി​വ​സ​ങ്ങ​ൾ​ക്ക് മു​ന്പു​ത​ന്നെ വീ​ട്ടി​ൽ അ​ണ​ലി​യെ എ​ത്തി​ച്ചി​രു​ന്നു. പ​ല​ത​വ​ണ ഉ​ത്ര​യെ പാ​ന്പി​നെ ഉ​പ​യോ​ഗി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ചെ​ങ്കി​ലും വി​ജ​യി​ച്ചി​ല്ല.

ഉ​ത്ര പാ​ന്പി​നെ ക​ണ്ട് നി​ല​വി​ളി​ച്ച​പ്പോ​ൾ യാ​തൊ​രു ഭാ​വ​വ്യ​ത്യാ​സ​വു​മി​ല്ലാ​തെ ഭർ്തതാവ് സൂ​ര​ജ് പാ​ന്പി​നെ​യെ​ടു​ത്ത് ചാ​ക്കി​ലാ​ക്കി സൂ​ക്ഷി​ക്കു​ക​യാ​യി​രു​ന്നു.

മൂ​ർ​ഖ​ൻ പാ​ന്പി​നെ ദി​വ​സ​ങ്ങ​ളോ​ളം പ​ട്ടി​ണി​ക്കി​ട്ട​ശേ​ഷം ക​ടി​പ്പി​ക്കു​ക​യാ​യി​രു​ന്നു​വെ​ന്നാ​ണ് അ​ന്വേ​ഷ​ണ​സം​ഘ​ത്തി​ന് ല​ഭി​ച്ച​വി​വ​രം. തു​റ​ന്ന​വി​ട്ട​പാ​ടെ​ത​ന്നെ ഉ​ത്ര​യെ ക​ടി​ച്ച​താ​യും ത​നി​ക്കു​നേ​രെ ചീ​റി​യ​ടു​ത്ത​താ​യു​മു​ള്ള വി​വ​ര​വും വി​ശ​ദ​മാ​യ ചോ​ദ്യം ചെ​യ്യ​ലി​ൽ സൂ​ര​ജ് വെ​ളി​പ്പെ​ടു​ത്തി​യി​ട്ടു​ണ്ട്.

അതേസമയം ഭർത്താവ് സൂ​ര​ജി​ന്‍റെ പി​താ​വ് സു​രേ​ന്ദ്രനെ ഇ​ന്ന് അ​ടൂ​രി​ലെ വീ​ട്ടി​ൽ എ​ത്തി​ച്ച് തെ​ളി​വെ​ടു​പ്പ് ന​ട​ത്തി​യേ​ക്കും.​നൂ​റ് പ​വ​നോ​ളം സ്വ​ർ​ണ​ത്തി​ന്‍റെ ക​ണ​ക്ക് ല​ഭി​ക്കാ​നു​ണ്ട്. 38 പ​വ​ൻ മാ​ത്ര​മാ​ണ് കു​ഴി​ച്ചി​ട്ട​നി​ല​യി​ൽ ക​ണ്ടെ​ത്തി​യ​ത്.

ബാ​ക്കി സ്വ​ർ​ണ​ത്തി​ന്‍റെ വി​വ​ര​ങ്ങ​ൾ ശേ​ഖ​രി​ക്കു​ന്ന​തോ​ടൊ​പ്പം അ​ടൂ​രി​ലു​ള്ള ബാ​ങ്കി​ലെ ലോ​ക്ക​ർ പ​രി​ശോ​ധി​ക്കും. സ്വ​ർ​ണം പ​ണ​യം വ​ച്ച​താ​യു​ള്ള രേ​ഖ​ക​ളും ക​ണ്ടെ​ത്തേ​ണ്ട​തു​ണ്ട്.

കു​ഴി​ച്ചി​ട്ടി​രു​ന്ന സ്വ​ർ​ണ​ങ്ങ​ൾ ക​ണ്ടെ​ടു​ത്ത​ത് ഉ​ത്ര​യു​ടെ മാ​താ​വ് ഇ​ന്ന​ലെ ക്രൈം​ബ്രാ​ഞ്ച് ഓ​ഫീ​സി​ലെ​ത്തി തി​രി​ച്ച​റി​ഞ്ഞു. ഉ​ത്ര​യു​ടെ താ​ലി​മാ​ല ഉ​ൾ​പ്പ​ടെ​യു​ള്ള സ്വ​ർ​ണാ​ഭ​ര​ണ​ങ്ങ​ളാ​ണ് ഉ​ണ്ടാ​യി​രു​ന്ന​ത്.

സൂ​ര​ജി​ന്‍റെ അ​മ്മ രേ​ണു​ക​യേ​യും സ​ഹോ​ദ​രി സൂ​ര്യ​യേ​യും ഇ​ന്ന​ലെ ഏ​റെ നേ​രം ക്രൈം​ബ്രാ​ഞ്ച് ആ​സ്ഥാ​ന​ത്ത് ചോ​ദ്യം ചെ​യ്തി​രു​ന്നു. ഉ​ത്ര​യു​ടെ സ്വ​ർ​ണം കു​ഴി​ച്ചി​ട്ട​താ​യ വി​വ​രം സു​രേ​ന്ദ്ര​ൻ പ​റ​ഞ്ഞ​തും സം​ഭ​വ​സ്ഥ​ലം കാ​ണി​ച്ചു​കൊ​ടു​ത്ത​തും രേ​ണു​ക സ​മ്മ​തി​ച്ചി​രു​ന്നു.

ഉ​ത്ര​യെ ആ​ദ്യം ക​ടി​പ്പി​ക്കാ​നാ​യി കൊ​ണ്ടു​വ​ന്ന അ​ണ​ലി​യെ സൂ​ര​ജ് ഒ​ളി​പ്പി​ച്ചു​വ​ച്ച വി​വ​ര​വും അ​റി​യാ​മാ​യി​രു​ന്നു​വെ​ന്ന് ചോ​ദ്യം ചെ​യ്യ​ലി​ൽ രേ​ണു​ക പ​റ​ഞ്ഞി​രു​ന്നു.

അ​തേ​സ​മ​യം ഗാ​ർ​ഹി​ക പീ​ഡ​നം, ഗൂ​ഢആ​ലോ​ച​ന, തെ​ളി​വ് ന​ശി​പ്പി​ക്ക​ൽ തു​ട​ങ്ങി​യ വ​കു​പ്പു​ക​ളാ​ണ് സു​രേ​ന്ദ്ര​നെ​തി​രെ ചു​മ​ത്തി​യി​ട്ടു​ള്ള​ത്. ഇ​യാ​ളെ കേ​സി​ലെ ര​ണ്ടാം പ്ര​തി​യാ​ക്കാ​നാ​ണ് സാ​ധ്യ​ത.