മുംബൈ: ഏകദിന ലോകകപ്പിൽ ഹാർദിക് പാണ്ഡ്യയുടെ മാജിക്കൽ പ്രകടനത്തിനായി കാത്തിരിക്കുകയാണെന്ന് ഇന്ത്യയുടെ മുൻ താരം യുവരാജ് സിംഗ്. ഐപിഎലിൽ മുംബൈ ഇന്ത്യക്കായി ഹാർദിക് മാസ്മരിക പ്രകടനമാണ് കാഴ്ചവയ്ക്കുന്നത്.
സമാന രീതിയിൽ ലോകകപ്പിൽ ഇന്ത്യക്കായും കളി പുറത്തെടുക്കാൻ പ്രാപ്തനാണ്. ഈ ലോകകപ്പ് ഹാർദിക്കിന് പ്രത്യേകതയുള്ളതായിരിക്കുമെന്ന് അദ്ദേഹത്തോട് പറഞ്ഞതായും യുവി കൂട്ടിച്ചേർത്തു. മുംബൈ ഇന്ത്യൻ താരമാണ് യുവരാജും. 2011 ലോകകപ്പിൽ യുവരാജിന്‍റെ ഓൾ റൗണ്ട് പ്രകടനമാണ് ഇന്ത്യയെ കിരീടത്തിലേക്ക് നയിച്ച ഒരു പ്രധാനഘടകം.
