കോഴിക്കോട്: ആരുടെയും വീട്ടിലേക്ക് കൊണ്ടുപോകാന്‍ വേണ്ടിയല്ല പ്രളയകാലത്തെ രക്ഷാപ്രവര്‍ത്തനത്തില്‍ ഏര്‍പ്പെട്ട വ്യോമസേനയുള്പ്പെടെയുള്ളവയ്ക്ക് നല്‍കേണ്ട തുക കേന്ദ്രസര്‍ക്കാര്‍ ആവശ്യപ്പെട്ടതെന്ന് വി.മുരളീധരന്‍ എംപി.
രാജ്യത്ത് ഒരു നിയമമുണ്ട്. അത് അനുസരിക്കാന്‍ എല്ലാവും ബാധ്യസ്ഥരാണ്. ഇത് അറിയാത്തരവല്ല സംസ്ഥാനം ഭരിക്കുന്നത്. നിയമാനുസൃതമായല്ലാതെ തുക ആവശ്യപ്പെടാന്‍ കേന്ദ്രസര്‍ക്കാരിന് കഴിയുമോ. വെറുതേ ആരെങ്കിലും പണം ചോദിക്കുമോ?
ഇന്ത്യ ഭരിച്ച മുന്‍ സര്‍ക്കാരുകള്‍ തുടര്‍ന്നുപോരുന്ന രീതിയാണിത്. നിയമാനുസൃതമല്ലാത്ത കാര്യമാണിതെങ്കില്‍ സംസ്ഥാനത്തിന് കോടതിയെ സമീപിക്കാമല്ലോയെന്നും അദ്ദേഹം ‘രാഷ്‌ട്രദീപിക’യോട് പ്രതികരിച്ചു.
