പേര് ദോഷം മാറി വീ​ണ്ടും വാ​നി​ല വ​സ​ന്തം..! സം​സ്ക​രി​ച്ച വാ​നി​ല​യ്ക്ക് കി​ലോ​യ്ക്ക് മു​പ്പ​തി​നാ​യി​രം രൂ​പ​; വീ​ണ്ടും ഭാ​ഗ്യ​പ​രീ​ക്ഷ​ണത്തിനൊരുങ്ങി കർഷകർ

കെ.എ​ അ​ബ്ബാ​സ് 

പൊ​ൻ​കു​ന്നം: വാനില കൃഷയിടങ്ങളിൽ ഒരിടവേളയ്ക്കു ശേഷം വസന്തം വിരിയുന്നു. കു​റെ വ​ർ​ഷ​ങ്ങ​ൾ​ക്കു മു​ൻ​പ്, വാ​നി​ല​യു​ടെ വി​ല അ​പ്ര​തീ​ക്ഷി​ത​മാ​യി റോക്കറ്റ് പോ​ലെ കു​തി​ച്ചു ക​യ​റി​യ​പ്പോ​ൾ, നാ​ട്ടി​ൽ ഏ​റെ​പ്പേ​ർ റ​ബ്ബ​ർ മ​ര​ങ്ങ​ൾ വെ​ട്ടി​മാ​റ്റി വാ​നി​ല കൃ​ഷി ചെ​യ്തി​രു​ന്നു. രാ​ത്രി​യി​ൽ ക​ള്ളന്മാ​ർ വാ​നി​ല മോ​ഷ്ടി​ക്കാ​തി​രി​ക്കു​വാ​ൻ പ​ല​രും വാ​നി​ല തോ​ട്ട​ങ്ങ​ൾ​ക്കു കാ​വ​ൽ കി​ട​ന്നു.

തോ​ട്ട​ത്തി​നു ചു​റ്റും ക​ന്പി​വേ​ലി ചു​റ്റി അ​തി​ൽ കൂ​ടി വൈദ്യുതി ക​യ​റ്റി​വി​ട്ട സം​ഭ​വം വ​രെ​യു​ണ്ടാ​യി.എ​ന്നാ​ൽ പലയിടത്തും വിളവെ​ടു​പ്പി​ന്‍റെ സ​മ​യ​മാ​യ​പ്പോ​ൾ വാ​നി​ല​യു​ടെ അ​തി​പ്ര​സ​രം മൂ​ലം വി​ല കു​ത്ത​നെ ഇ​ടി​യു​ക​യാ​യി​രു​ന്നു. അ​തോ​ടെ ധാ​രാ​ളം പേ​രു​ടെ സ്വ​പ്ന​ങ്ങ​ളും ത​വി​ടു​പൊ​ടി​​യാ​യി​പ്പോ​യി​രു​ന്നു. പ്ര​തീ​ക്ഷി​ച്ച​തി​ന്‍റെ അ​ഞ്ചി​ലൊ​ന്നു​പോ​ലും വി​ല പ​ല​ർ​ക്കും കി​ട്ടി​യി​ല്ല.

അ​ഞ്ചു വ​ർ​ഷം മു​ൻ​പു കി​ലോ​ഗ്രാ​മി​ന് അ​ഞ്ഞൂ​റ് രൂ​പ വ​രെ വി​ല​യാ​യ​തോ​ടെ വ​ാനി​ല കൃ​ഷി ചെ​യ്തി​രു​ന്ന​വ​രെ​ല്ലാം കൃ​ഷി ഉ​പേ​ക്ഷി​ച്ചു. ദീ​ർ​ഘ​നാ​ള​ത്തെ വി​ല​ക്കു​റ​വും അ​വ​ഗ​ണ​ന​യും മൂ​ലം വ​ാനി​ല കൃ​ഷി ചെ​യ്ത ഭൂ​രി​ഭാ​ഗം ക​ർ​ഷ​ക​രും ഓ​മ​നി​ച്ചു വ​ള​ർ​ത്തി​യ വാ​നി​ല തോ​ട്ട​ങ്ങ​ൾ വെ​ട്ടി​ക്ക​ള​ഞ്ഞു മ​റ്റു കൃ​ഷി​ക​ളി​ലേ​ക്കു ചു​വ​ട് മാ​റ്റി​യി​രു​ന്നു.

അ​ന്നു​മു​ത​ൽ വാ​നി​ല​യെ ച​തി​ക്കു​ന്ന വി​ള​യാ​യാ​ണ് പ​ല​രും ക​ണ്ടി​രു​ന്ന​ത്.എ​ന്നാ​ൽ വീ​ണ്ടും ക​ർ​ഷ​ക​രെ പ്രലോ​ഭി​പ്പി​ച്ചു​കൊ​ണ്ടു വാ​നി​ല​യു​ടെ വി​ല കു​ത്ത​നെ ഉ​യ​ർ​ന്നി​രി​ക്കു​ന്നു . സം​സ്ക​രി​ച്ച വാ​നി​ല​യ്ക്ക് കി​ലോ​യ്ക്ക് മു​പ്പ​തി​നാ​യി​രം രൂ​പ​യു​ടെ മു​ക​ളി​ൽ ആ​ണ് ഇ​പ്പോ​ഴ​ത്തെ വി​ല. പ​തി​ന​ഞ്ചു വ​ർ​ഷ​ത്തി​നി​ട​യി​ലെ ഏ​റ്റ​വും ഉ​യ​ർ​ന്ന വി​ല​യാ​ണ് വീ​ണ്ടും വ​ാനി​ല​യ്ക്കു കൈ​വ​ന്നി​രി​ക്കു​ന്ന​ത്.

അ​തോ​ടെ വാനി​ല കൃ​ഷി തി​രി​ച്ചെ​ത്തി​ക്കാ​നു​ള്ള ശ്ര​മ​ത്തി​ലാ​ണ് ചി​ല ക​ർ​ഷ​ക​രെ​ങ്കി​ലും. റ​ബ്ബ​ർ വി​ല ത​ക​ർ​ന്നു ത​രി​പ്പ​ണ​മാ​യി നി​ൽ​ക്കു​ന്ന ഈ ​സ​മ​യ​ത്തു, വാ​നി​ല​കൃ​ഷി​യി​ലൂ​ടെ വീ​ണ്ടും ഭാ​ഗ്യ​പ​രീ​ക്ഷ​ണം ന​ട​ത്തു​ന്ന​തി​ൽ തെ​റ്റി​ല്ല എ​ന്നാ​ണ് പ​ല​രും ക​രു​തു​ന്ന​ത്.