ആലപ്പുഴ: വിദേശത്തേക്ക് പോകുന്നവർക്കുള്ള വാക്‌സിനേഷൻ രജിസ്‌ട്രേഷനായി രജിസ്റ്റർ ചെയ്യാം.
www.cowin.gov.in എന്ന ലിങ്കിൽ ആദ്യം വ്യക്തിഗത വിവരങ്ങൾ നൽകി രജിസ്റ്റർ ചെയ്യുക. തുടർന്ന് മുൻഗണന ലഭിക്കുന്നതിനായി https://covid19.kerala. gov.in/ vaccine എന്ന ലിങ്കിൽ രജിസ്റ്റർ ചെയ്യണം.
സപ്പോർട്ടിംഗ് ഡോക്യുമെന്‍റ്സ് സഹിതം പാസ്‌പോർട്ടിന്‍റെ ആദ്യത്തെയും അവസാനത്തെയും പേജുകൾ ഒറ്റപ്പേജായി കോപ്പി എടുത്ത ഫയലും രണ്ടാമത്തേതിൽ പ്രവാസികളുടെ വിസ സംബന്ധമായ വിവരങ്ങളും അപ്‌ലോഡ് ചെയ്യുക.
അപേക്ഷയും കൂടെ നൽകിയ രേഖകളും ജില്ലാതലത്തിൽ പരിശോധിച്ച ശേഷം അർഹരായവരെ വാക്‌സിൻ ലഭ്യതയും മുൻഗണനയും അനുസരിച്ച് വാക്‌സിനേഷൻ കേന്ദ്രം, തീയതി, സമയം എന്നിവ വ്യക്തമാക്കി എസ്എംഎസ് വഴി അറിയിക്കും.
വാക്‌സിനേഷൻ കേന്ദ്രത്തിലെത്തുമ്പോൾ അപ്പോയ്‌മെന്‍റ് എസ്എംഎസും തിരിച്ചറിയൽ രേഖയായി പാസ്‌പോർട്ടും കാണിക്കണം.
