പ​ണ​മു​ള്ള​വ​നു വാ​ക്സി​ൻ ഇ​ഷ്ടം​പോ​ലെ; ആ​രോ​ഗ്യ​വ​കു​പ്പി​നുമാ​ത്രം വാ​ക്സി​നി​ല്ല! ര​ണ്ടാം ഡോ​സി​ന്‍റെ കാ​ലാ​വ​ധി തീ​രാ​റാ​യ​തോ​ടെ ജനം വാ​ക്സി​നു​വേ​ണ്ടി നെ​ട്ടോ​ട്ട​മോ​ടു​ന്നു

സ്വ​ന്തം​ ലേ​ഖ​ക​ൻ

തൃ​ശൂ​ർ: കോവിഡ് വാക്സിൻ ആ​ദ്യ ഡോ​സെ​ടു​ത്തു ര​ണ്ടാം ഡോ​സി​ന്‍റെ കാ​ലാ​വ​ധി തീ​രാ​റാ​യ​തോ​ടെ ജനം വാ​ക്സി​നു​വേ​ണ്ടി നെ​ട്ടോ​ട്ട​മോ​ടു​ന്നു.

കേ​ര​ള​ത്തി​ലെ ജ​ന​ങ്ങ​ൾ​ക്കെ​ല്ലാം സൗ​ജ​ന്യ​മാ​യി വാ​ക്സി​ൻ ന​ൽ​കു​ന്ന​തി​നാ​യി വാ​ക്സി​ൻ ച​ല​ഞ്ചി​ലൂ​ടെ സ​ർ​ക്കാ​ർ കോ​ടി​ക​ൾ ശേ​ഖ​രി​ച്ചി​ട്ടും പ്രൈ​മ​റി ഹെ​ൽ​ത്ത് സെ​ന്‍റ​റു​ക​ളി​ലും സ​ർ​ക്കാ​ർ ആ​ശു​പ​ത്രി​ക​ളി​ലു​മൊ​ന്നും ആ​വ​ശ്യ​ത്തി​നു വാ​ക്സി​ൻ ഇ​ല്ല.

ര​ണ്ടാം ഡോ​സ് ന​ൽ​കേ​ണ്ട ഉ​ത്ത​ര​വാ​ദി​ത്വ​ത്തി​ൽനി​ന്ന് ഇ​പ്പോ​ൾ ആ​രോ​ഗ്യ​വ​കു​പ്പ് കൈ​യൊ​ഴി​യു​ക​യാ​ണ്. സ​മ​യ​മാ​യ​വ​ർ വേ​ണ​മെ​ങ്കി​ൽ സ്വ​കാ​ര്യ ആ​ശു​പ​ത്രി​ക​ളി​ലെ​ത്തി പ​ണം കൊ​ടു​ത്ത് ര​ണ്ടാം ഡോ​സ് സ്വീ​ക​രി​ച്ചോ​ളൂ​ എന്ന നി​ർ​ദേ​ശ​മാ​ണി​പ്പോ​ൾ ന​ൽ​കു​ന്ന​ത്.

സ്വ​കാ​ര്യ മേ​ഖ​ല​യി​ൽ വാ​ക്സി​ൻ ഇ​ഷ്ടം പോ​ലെ​യാ​ണ്. ആ​ർ​ക്കു വേ​ണ​മെ​ങ്കി​ലും പ​ണ​മു​ണ്ടെ​ങ്കി​ൽ വാ​ക്സി​ൽ ല​ഭി​ക്കും.

ചി​ല സ്വ​കാ​ര്യ ആ​ശു​പ​ത്രി​ക​ളി​ൽ നൂ​റും നൂ​റ്റ​ന്പ​തും രൂ​പ കൂ​ടു​ത​ൽ വാ​ങ്ങി​യാ​ണ് വാ​ക്സി​ൻ ന​ൽ​കു​ന്ന​തെ​ന്ന് ആ​ക്ഷേ​പ​മു​ണ്ട്. 850 രൂ​പ മു​ത​ൽ 1400 വ​രെ വാ​ക്സി​നു വാ​ങ്ങു​ന്ന​വ​രു​മു​ണ്ട്. വാ​ക്സി​ന് എ​ത്ര രൂ​പ വാ​ങ്ങ​ണ​മെ​ന്ന ഒ​രു മാ​ർ​ഗ​നി​ർ​ദേ​ശ​വും സ​ർ​ക്കാ​ർ ന​ല്കി​യി​ട്ടുമില്ല.

സം​സ്ഥാ​ന സ​ർ​ക്കാ​ർ കേ​ന്ദ്രം ന​ല്കുന്ന സൗ​ജ​ന്യ വാ​ക്സിനു കാ​ത്തി​രി​ക്കു​ന്ന​തി​നാ​ലാ​ണ് വാ​ക്സി​നു ക്ഷാ​മമെന്നു പ​റ​യു​ന്നു. എ​ന്നാ​ൽ സ്വ​കാ​ര്യ മേ​ഖ​ല​യി​ലു​ള്ള​വ​ർ പ​ണം കൊ​ടു​ത്തു വാ​ക്സി​ൻ വാ​ങ്ങുകയാണ്.

ക​ഴി​ഞ്ഞ തെ​ര​ഞ്ഞെ​ടു​പ്പ് ഡ്യൂ​ട്ടി​ക്കാ​യി വാ​ക്സി​ൻ എ​ടു​ത്ത​വ​ർ​ക്കു സ​മ​യം ക​ഴി​യാ​റാ​യി​ട്ടും ഇ​നി​യും വാ​ക്സി​ൻ ന​ല്കാൻ ആ​രോ​ഗ്യ​വ​കു​പ്പ് ഒ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല.

എ​ല്ലാ​വ​ർ​ക്കും സൗ​ജ​ന്യ​മാ​യി വാ​ക്സി​ൻ ന​ൽ​കാ​ൻ തു​ട​ക്ക​ത്തി​ൽ മെ​ഗാ ക്യാ​ന്പു​ക​ളൊ​ക്കെ സം​ഘ​ടി​പ്പി​ച്ചി​രു​ന്നെ​ങ്കി​ലും ഇ​പ്പോ​ൾ അ​തി​ൽനി​ന്നൊ​ക്കെ വി​വി​ധ കാ​ര​ണ​ങ്ങ​ൾ പ​റ​ഞ്ഞ് ആ​രോ​ഗ്യ​വ​കു​പ്പ് പി​ൻ​മാ​റു​ക​യാ​ണ്.

സ്വ​കാ​ര്യമേ​ഖ​ല​യി​ൽ പ​ണം ന​ൽ​കി വാ​ക്സി​ൻ സ്വീ​ക​രി​ക്കാ​നു​ള്ള സാ​ഹ​ച​ര്യം ഉ​ണ്ടാ​ക്കു​ന്ന​തി​നാ​ണ് ആ​രോ​ഗ്യ​വ​കു​പ്പ് ഇ​ത് ചെ​യ്യു​ന്ന​തെ​ന്നും ആ​രോ​പ​ണമുണ്ട്.

തൃ​ശൂ​രി​ൽ മാ​ർ​ക്ക​റ്റു​ക​ളി​ലെ വ്യാ​പാ​രി​ക​ൾ​ക്കും തൊ​ഴി​ലാ​ളി​ക​ൾ​ക്കു​മാ​യി അ​യ്യാ​യി​രം ഡോ​സ് വാ​ക്സി​ൻ ന​ൽ​കാ​ൻ മൂ​ന്നു ദി​വ​സ​ങ്ങ​ളി​ലാ​യി ക്യാ​ന്പ് ന​ട​ത്തി​യി​രു​ന്നു.

എ​ന്നാ​ൽ വി​വി​ധ ആ​രോ​പ​ണ​ങ്ങ​ൾ കാരണം പ​റ​ഞ്ഞ് ഈ ​ക്യാ​ന്പ് താ​ത്കാലി​ക​മാ​യി നി​ർ​ത്തിവച്ചു. 1500നു താ​ഴെപ്പോലും ഇ​വി​ടെ വാ​ക്സി​ൻ ന​ൽ​കി​യി​ല്ല.

സ്വ​കാ​ര്യ ആ​ശു​പ​ത്രി​ക​ളി​ലെ​ത്തി​യി​രി​ക്കു​ന്ന വാ​ക്സി​ൻ ചെ​ല​വാ​കു​ന്ന​തി​നു​വേ​ണ്ടി​യാ​ണ് മാ​ർ​ക്ക​റ്റു​ക​ളി​ലെ വ്യാ​പാ​രി​ക​ൾ​ക്കു​വേ​ണ്ടി ഏ​ർ​പ്പെ​ടു​ത്തി​യി​രു​ന്ന ക്യാന്പ് ​നി​ർ​ത്തി​യ​തെ​ന്നാ​ണ് വ്യാ​പാ​രി​ക​ളു​ടെ ആ​രോ​പ​ണം.

സൗ​ജ​ന്യ​മാ​യി വാ​ക്സി​ൻ ല​ഭി​ക്കു​മെ​ന്ന​തി​നാ​ൽ പ​ണം ന​ൽ​കി വാ​ക്സി​ൻ സ്വീ​ക​രി​ക്കാ​ൻ ആ​ളു​ക​ൾ എ​ത്തു​മോ​യെ​ന്നു ഭ​യ​ന്ന് തൃ​ശൂ​രി​ലെ പ​ല സ്വ​കാ​ര്യ ആ​ശു​പ​ത്രി​ക​ളും വാ​ക്സി​ൻ വാ​ങ്ങി​യി​ട്ടു​മി​ല്ല.