വൈക്കം: കായലോരത്ത് ഭർത്താവിനൊപ്പമിരുന്ന യുവതിയോട് അപമര്യാദയായി പെരുമാറുകയും യുവതിയെ കയ്യേറ്റം ചെയ്യുകയും ചെയ്ത സംഭവത്തിൽ യുവാവിനെ പോലീസ് അറസ്റ്റു ചെയ്തു. ഇന്നലെ ഉച്ചയ്ക്ക് വൈക്കം ബോട്ടുജെട്ടിക്കു സമീപത്ത് ഇരുന്ന മറവൻതുരുത്ത് ഇടവട്ടം സ്വദേശിയായ യുവതി ഭർത്താവിനൊപ്പമിരിക്കുന്പോൾ സംഘം ചേർന്നെത്തിയ യുവാക്കൾ അപമര്യാദയായി പെരുമാറുകയും യുവതിയെ കയ്യേറ്റം ചെയ്യുകയും ചെയ്തെന്നാണ് പരാതി.
തുടർന്നുണ്ടായ സംഘർഷത്തിൽ യുവതിയുടെ ഭർത്താവിനും അക്രമിസംഘത്തിലൊരാൾക്കും പരിക്കേറ്റു. സംഭവത്തിൽ ഉദയയനാപുരം ഇരുന്പുഴിക്കര സ്വദേശി അരുണി (18) നെ പോലീസ് അറസ്റ്റു ചെയ്തു. ഇയാൾക്കൊപ്പമുണ്ടായിരുന്ന ഒരാൾക്കായി അന്വേഷണം നടത്തി വരികയാണെന്നും പോലീസ് അറിയിച്ചു.
