നെ​ഹ്റു​ട്രോ​ഫി ഇ​ത്ത​വ​ണ  സമ്പൂർണ്ണ ഗ്രീ​ൻ പ്രോ​ട്ടോ​ക്കോളി​ൽ; വിഐപികളെ സ്വീകരിക്കാൻ ഓലതൊപ്പികൾ

ആ​ല​പ്പു​ഴ: നെ​ഹ്റു​ട്രോ​ഫി ജ​ല​മേ​ള ഇ​ത്ത​വ​ണ സ​ന്പൂ​ർ​ണ ഗ്രീ​ൻ പ്രോ​ട്ടോ​ക്കോളി​ൽ ന​ട​ത്താ​നു​ള്ള അ​ശ്രാ​ന്ത പ​രി​ശ്ര​മ​ത്തി​ൽ സം​ഘാ​ട​ക​ർ. ഗ്രീ​ൻ പ്രോ​ട്ടോ​ക്കോ​ൾ പാ​ലി​ക്കു​ന്ന​തു​മാ​യി ബ​ന്ധ​പ്പെ​ട്ടു​ള്ള ന​ട​പ​ടി​ക​ൾ സം​ഘാ​ട​ക​ർ നേ​ര​ത്തെ ത​ന്നെ ആ​രം​ഭി​ച്ചി​രു​ന്നു. ന​ഗ​ര​സ​ഭ​യു​മാ​യി സ​ഹ​ക​രി​ച്ചാ​ണ് ജ​ലോ​ത്സ​വ​ത്തി​ൽ ഗ്രീ​ൻ പ്രോ​ട്ടോ​ക്കോൾ ന​ട​പ്പാ​ക്കു​ന്ന​ത്. ഇ​തി​നാ​യി 350 സ​ന്ന​ദ്ധ പ്ര​വ​ർ​ത്ത​ക​രെ നി​യോ​ഗി​ച്ചി​ട്ടു​ണ്ട്.

പ​ച്ച ടീ ഷ​ർ​ട്ടും ക​റു​ത്ത പാ​ന്‍റ്സു​മാ​ണ് ഇ​വ​രു​ടെ വേ​ഷം. പ്ലാ​സ്റ്റി​ക് കു​പ്പി​ക​ൾ പൂ​ർ​ണ​മാ​യും ഉ​പേ​ക്ഷി​ക്കാ​നാ​ണ് നീ​ക്ക​മെ​ങ്കി​ലും നി​ശ്ചി​ത തു​ക ഈ​ടാ​ക്കി കു​പ്പി​ക​ളി​ൽ സ്റ്റി​ക്ക​ർ പ​തി​പ്പി​ച്ചു​ന​ൽ​കു​ന്ന കേ​ന്ദ്ര​ങ്ങ​ളു​മു​ണ്ടാ​കും. വ​ള്ളം​ക​ളി ക​ഴി​ഞ്ഞ് തി​രി​കെ സ്റ്റി​ക്ക​ർ പ​തി​പ്പി​ച്ച കു​പ്പി ഈ ​കേ​ന്ദ്ര​ങ്ങ​ളി​ൽ ന​ൽ​കി​യാ​ൽ അ​ട​ച്ച തു​ക തി​രി​കെ ന​ൽ​കും. പ്ലാ​സ്റ്റി​ക് കി​റ്റു​ക​ളു​മാ​യി എ​ത്തു​ന്ന​വ​ർ​ക്ക് സൗ​ജ​ന്യ​മാ​യി ന​ൽ​കാ​ൻ തു​ണി സ​ഞ്ചി​ക​ളും സം​ഘാ​ട​ക​ർ ത​യാ​റാ​ക്കി​യി​ട്ടു​ണ്ട്.

ജ​ലോ​ത്സ​വ​ത്തി​നെ​ത്തു​ന്ന വി​ഐ​പി​ക​ളെ ഓ​ല​ത്തൊ​പ്പി​യ​ണി​യി​ച്ച് സ്വീ​ക​രി​ക്കാ​നാ​ണ് സം​ഘാ​ട​ക​ർ ല​ക്ഷ്യ​മി​ട്ടി​രി​ക്കു​ന്ന​ത്. ആ​ല​പ്പു​ഴ ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ ഇ​പ്റ്റ നാ​ട്ട​ര​ങ്ങാ​ണ് ഓ​ല​ത്തൊ​പ്പി​ക​ൾ നി​ർ​മി​ക്കു​ന്ന​ത്. പ്ലാ​സ്റ്റി​ക് ഉ​ത്പ​ന്ന​ങ്ങ​ൾ നി​ക്ഷേ​പി​ക്കു​ന്ന​തി​നാ​യി വി​വി​ധ കേ​ന്ദ്ര​ങ്ങ​ളി​ൽ സ്ഥാ​പി​ക്കു​ന്ന​തി​നു​ള്ള ഓ​ല​കൊ​ണ്ടു​ള്ള ച​വ​റു​കു​ട്ട​ക​ളും ഇ​വ​ർ നി​ർ​മി​ക്കു​ന്നു​ണ്ട്.